Zozuwe 17:1 - WẼNNAAM SEBRE 2014

¹ A Manaase sẽn yaa a Zozɛf bi-rẽengã reega pʋɩɩre. A Manaase bi-rẽengã sẽn yaa a Galaad ba wã, paama Galaad ne Basan, bala, a rag n yaa gãndaoog zabr pʋga.

SEBR SÕNGO

¹ Tẽng ning poeera sẽn poees n kõ a Zozɛf bi-kẽeng a Manase, la woto. B da reng n kõo vẽenem gãndaoog a Makir yagensã. A Makir n yɩɩ a Galaad ba. Bãmb la b ra kõ Galaad la Bazã, Zʋrdẽ yaanga.

Zozuwe 17:1 Iomraidhean Croise

Sɩngrẽ 41:51

A Zozɛf pʋda yẽnda bi-ribl-kãsengã yʋʋr t'a Manaase, sẽn dat n togs tɩ ‹yĩmbu.› Bala, a Zozɛf yeelame: «Wẽnnaam kɩtame tɩ mam yĩm m toogã ne m ba-yirã fãa yelle.»

Sɩngrẽ 41:52

A Zozɛf pʋda yiibẽ soabã yʋʋr t'a Efrayiim. Bala, yẽnda yeelame: «Wẽnnaam kɩtame tɩ mam paam dogem tẽng ning mam sẽn paam paoogrã pʋga.»

Sɩngrẽ 46:20

On maan-kʋʋd a Poti-Feera bi-pugl a Asnat sẽn yaa a Zozɛf pagã roga a Zozɛf kamb a yiib Ezɩpt tẽnga. Yaa a Manaase ne a Efrayiim.

Sɩngrẽ 48:17

A Zozɛf sẽn yãnd t'a baaba tika a Efrayiim ne a nug-rɩtgã a sũurã ka yɩ noog ye. Dẽ, a Zozɛf gãda a baaba nugã n yãk n na n ning a Manaase zugu.

Sɩngrẽ 48:18

A Zozɛf yeela a baaba yaa: «Ka woto ye m baaba! Bala, yaa ada soabã n yaa kẽema! Ning-y y nug-rɩtgã yẽnda zugu.»

Sɩngrẽ 50:23

A Zozɛf yãnda a Efrayiim kambã, ne a yagense, la a yãnd a yagensã kamba. La a Manaase biig a Makɩɩr kambã roga a Zozɛf nifẽ, la a reeg-b-la a naoẽ.

2 Sãmwɛlle 2:9

A Abneer kɩtame t'a Is-Bosɛt lebg Galaad ne Asʋʋr la Zizreyɛll ne Efrayiim ne Benzame, rat n yeel tɩ Israyɛll nebã fãa naaba.

1 Kibayã 2:23

La Gesʋʋr ne Siiri rĩm-dãmbã wa n zab n deega Yayɩɩr tẽmsã, n paas Kenat tẽngã ne a tẽn-kɩremsã, la tẽn-bãmb fãa sõorã yaa tẽms pis-yoobe. La neb nins fãa sẽn dag n be tẽn-bãmb pʋgẽ wã rag n yaa a Galaad ba a Makɩɩr yagense.

Ezekiyɛl 47:13

Ade, Zu-soab a Sẽn-Ka-Saab yetame: «Tẽng ning yãmb sẽn na n pʋɩ n kõ Israyɛll buud piig la a yiibã tɩ yɩ b pʋɩɩrã tods la woto. A Zozɛf buudã tog n paama pʋɩɩr a yiibu.

Ezekiyɛl 48:4

Sẽn yegd Neftali buudã toadg sẽn sɩng ne yaang n tɩ ta nin-taoore, yaa Manaase buudã pʋɩɩre.

Sõadga 26:29

A Manaase buudã yaa a Makɩɩr dotã sẽn yaa Makɩɩr yagensã, la a Makɩɩr biig a Galaad rotã sẽn yaa Galaad yagensã.

Sõadga 27:1

A Zozɛf biig a Manaase buudã pʋgẽ, rao a ye n dag n be be t'a yʋʋr boondẽ t'a Selofaade. Yẽnda yaa a Makɩɩr biiga, a Makɩɩr yaa a Galaad biiga, t'a Galaad yaa a Hefɛɛr biiga. La a Selofaad dag n tara kom-pugli. Bãmb yʋy la woto: «Yaa a Mala, a Noa, a Ogla, a Milka, ne a Tirsa.»

Sõadga 32:33

Dẽ, a Moyiis rɩka Amoor naab a Sihon soolmã, la Basan naab a Oog soolmã tẽmse, la a wetã, la tẽms nins sẽn yeg-b bãmbã, n kõ Gaad ne Rubɛn buudã, la a Zozɛf biig a Manaase buud pʋɩ-sʋkã.

Yaoolem 21:17

Bɩ a nong a pʋg-beoogã biig sẽn yaa a bi-kãsengã n pʋɩ a paoongã zĩis a tãabo n yãk a yiib n kõ a bi-kãsengã. Bala, yaa yẽnda n yaa a pãngã sɩngre. Yẽnda tog n paama bi-kãsen-pʋɩɩre.

Zozuwe 17:2

B yãka zĩis n kõ a Manaase kamb a taabã, wa sẽn zems b rotã sõore. Yaa sẽn kẽed ne a Abiyezɛɛr kambã, a Helɛk kambã, a Asriyɛll kambã, a Sɩkɛm kambã, a Hefɛɛr kambã ne a Semida kambã. Bãmba fãa yaa a Zozɛf biig a Manaase kom-dibli, wa sẽn zems b rotã sõore.

Zozuwe 22:7

A Moyiis rag n kõ a Manaase buudã pʋɩ-sʋkã zĩig Basan soolmã pʋg tɩ b sooge, la a Zozoe kõo pʋɩ-sʋk ning sẽn ketã zĩig sẽn be Zʋrdẽ kʋɩlgã rʋʋndã nin-taoore, n yegl b saam-biisã. A Zozoe sẽn yeel-b tɩ b kuilã, a ning-b-la barka,

Bʋ-kaoodba 5:14

Neb nins sẽn tilg Amalɛk-rãmbã soolmẽ wã yii Efrayiim tẽng n wa. Tãb-biis nins sẽn pʋg-b foomã sʋka, a Benzame yagensã naaga be. Tãb-biis nanambs yii Makɩɩr n wa naag n zabe, la neb nins sẽn gʋlsd zab-mitbã yʋyã yii Zabulõ yagensã sʋka.