Zozuwe 15:17 - WẼNNAAM SEBRE 2014

¹⁷ A Otniyɛll sẽn yaa a Kenaaz biigã, n yaa a Kalɛɛb ba-biigã zab n deega Kiryat-Sefɛɛre. Dẽ, a Kalɛɛb rɩka a bi-pugl a Aksa n kõ-a t'a maan a paga.

SEBR SÕNGO

¹⁷ Yɩ-la a Otniyɛl, a Kalɛb ba a Yefune yao, a Kenaz, biiga n maan raoodo. A Kalɛb rɩka a bi-pugl a Aksa, n kõ-a t'a maan a paga.

Zozuwe 15:17 Iomraidhean Croise

1 Kibayã 2:49

A Maaka leb n doga a Saaf sẽn yaa a Madmana ba, la a Seeva sẽn yaa a Makbena ne a Gibeya ba. A Kalɛɛb bi-puglã yʋʋr dag n boondame t'a Aksa.

1 Kibayã 27:15

Kiuug piig la a yiib soabã pʋgẽ, yaa Netofa tẽng rao a Ɛldayi sẽn yaa Otniyɛll buudã ned a yembrã n dag n get sull piig la a yiib soabã yelle. Yẽnda sullã neb sõor yaa raop tus pisi la a naase.

1 Kibayã 4:13

A Kenaaz kom-dibli yaa a Otniyɛll ne a Seraya. A Otniyɛll roga a Hatate,

Sõadga 32:12

Yaa a Yefune biig a Kalɛɛb sẽn yaa a Kenaaz roogã nedã, ne a Nun biig a Zozoe bal n sak Sẽn-Ka-Saab noorã zãnga.

Zozuwe 14:6

Zʋʋda nebã wa a Zozoe nengẽ Gilgalle, la Kenaaz tẽng rao a Yefune biig a Kalɛɛb yeela a Zozoe yaa: «Yãmb ket n tẽra bũmb ning Sẽn-Ka-Saab sẽn dag n gom ne Wẽnnaam dao a Moyiis Kadɛɛs-Barneya sẽn kẽed ne maam ne yãmb wɛɛngẽ wã?

Zozuwe 15:16

A Kalɛɛb yeelame yaa: «Ned ning sẽn na n tõog n zab n deeg Kiryat-Sefɛɛr tẽngã, mam na n dɩka m bi-pugl a Aksa n kõ-a t'a maan a paga.»

Bʋ-kaoodba 1:13

A Kalɛɛb dag n tara yao t'a yʋʋr boondẽ t'a Kenaaze. A Kenaaz rag n tara biig t'a yʋʋr la a Otiniyɛlle, la yaa bi-kãng n tɩ zab n deeg tẽngã. Dẽ, a Kalɛɛb rɩka a bi-pugl a Aksa n kõ-a t'a maan a paga.

Bʋ-kaoodba 3:11

Dẽ, tẽngã zĩnda bãan yʋʋm pis-naase. La a Kenaaz biig a Otiniyɛll kiime.

Bʋ-kaoodba 3:9

La Israyɛll nebã kelem n boola Sẽn-Ka-Saab n kos tɩ b sõng-ba, la Sẽn-Ka-Saab yãka fãagd n kõ Israyɛlle. Yaa a Kalɛɛb yao a Kenaaz biig a Otiniyɛlle.