Zozuwe 15:14 - WẼNNAAM SEBRE 2014

¹⁴ A Kalɛɛb riga a Anak kamb a tãabã n yiis beenẽ: yaa Sekayi, Ayimande ne a Talmayi, b fãa yaa a Anak kamba.

SEBR SÕNGO

¹⁴ A Kalɛb dig n yiisa a Anak kamb a tãabã: a Sesayi, a Ayiman la a Talmayi. Bãmb yaa a Anak yagense.

Zozuwe 15:14 Iomraidhean Croise

2 Sãmwɛlle 21:16

A Zisbi-Benoob rag n yaa nin-wobdã yageng a yembre, la a kãndã zɩslem dag yɩɩda zũud kɩlo a tãab la pʋɩ-sʋka, la a rag n tara sʋ-paalg sẽn be a sɛɛgẽ, yẽnda yeelame t'a na n kʋ a Davɩɩde.

Sõadga 13:33

La tõnd tol n yãnda nin-wobdã sẽn yaa a Anak yagensã beenẽ, la tõnd sã n yas b sɛɛgẽ, tõnd geta d mensã wa sʋy bala, la bãmb mensã sẽn get tõndã, d sɩd yaa woto me.»

Yaoolem 9:2

Bãmb buudã yaa bu-kãsenga, n yaa nin-wobdo. Yaa Anak nebã yãmb sẽn mi wã, la y sẽn wʋm tɩ b gomd b yell n yetẽ: «Ãnda n tõe n yals Anak yagensã taoore?»

Zozuwe 11:21

Wakat-kãens bala, a Zozoe kẽngame n tɩ zab ne Anak-rãmbã sẽn dag n be Ebrõ tãngã, Debɩɩr tãngã, Anaab tãngã, ne tãms nins fãa sẽn be Zʋʋda, la Israyɛll tãmsã fãa, a Zozoe sãama bãmb fãa ne b tẽmsã.

Zozuwe 11:22

Anak-rãmba ned baa a yembr ka kell Israyɛll nebã tẽngẽ ye. Yaa b neb nins sẽn dag n be Gaaza, Gate ne Asdoodã bal n kelle.

Bʋ-kaoodba 1:10

Zʋʋda nebã kẽngame n tɩ zab ne Kana nebã sẽn be Ebrõ, b sẽn dag n boond tɩ Kiryat-Araba wã. La b tõoga Sesayi buudã, Ayimane buudã ne Talmayi buudã.

Bʋ-kaoodba 1:20

B rɩka Ebrõ n kõ a Kalɛɛb wa a Moyiis sẽn dag n yeelã. La a Kalɛɛb tõog n diga a Anak buud a tãabã tɩ b yi beenẽ.