Zozuwe 15:13 - WẼNNAAM SEBRE 2014

¹³ B kõo a Yefune biig a Kalɛɛb zĩig a Zʋʋda kambã sʋka, wa sẽn zems Sẽn-Ka-Saab sẽn dag n yeel a Zozoe wã. Yaa Kiryat-Arba sẽn yaa Ebrõ wã. A Arba rag n yaa a Anak ba.

SEBR SÕNGO

¹³ A Yefune biig, a Kalɛb, paama vẽenem a Zɩɩda tẽnsa sʋka wala Soaala-Wẽnd sẽn da wilg a Zozuwe. A Zozuwe kõ-a-la Kiriyat-Araba, Anakits na-tẽng sẽn lebg Ebrõ rũnna. A Arba n yɩ a Anak ba.

Zozuwe 15:13 Iomraidhean Croise

Sɩngrẽ 13:18

Dẽ, a Abram tilga a fu-rotã Mamre tɩɩsã sẽnẽ, n yegl Ebrõ n kẽ. La a Abram mee tẽn-kugr beenẽ Sẽn-Ka-Saab yĩnga.

Sɩngrẽ 23:2

A Saara kii Kiryat-Arba, sẽn dat n togs tɩ yaa Ebrõ sẽn be Kana soolmẽ wã. La a Abrahaam wa n yãba a Saara kʋʋrã.

2 Sãmwɛlle 2:1

Dẽ poore, a Davɩɩd kolga Sẽn-Ka-Saab n sok-b t'a kẽng Zʋʋda tẽng a yembr pʋgẽ bɩ? La Sẽn-Ka-Saab leokame n yeel t'a kẽnge. A Davɩɩd soka Sẽn-Ka-Saab tɩ yɛɛnẽ la a segd n kẽnge? Dẽ, Sẽn-Ka-Saab yeel-a lame t'a kẽng Ebrõ.

1 Kibayã 6:56

Ad tẽms nins b sẽn yãk a Manaase buudã pʋɩ-sʋk roogẽ n kõ a Gersom yagensã: yaa Golan, sẽn be Basan ne a kɩremsã, la Astarot ne a kɩremsã.

2 Kibayã 11:10

ne Soreya, la Ayalõ, ne Ebrõ. Tẽn-bãmb fãa bee Zʋʋda ne Benzame soolmã pʋsẽ. Bãmb yaa tẽms sẽn tar pãnga.

Sõadga 13:30

Dẽ, a Kalɛɛb kɩtame tɩ neb nins sẽn da yẽgemd ne a Moyiisã sĩndi, la a yeele: «Yik-y tɩ d kẽng n tɩ reeg tẽngã. Tõnd na n tõog-b-lame!»

Sõadga 13:6

Zʋʋda buudã pʋgẽ, yaa a Yefune biig a Kalɛɛbe.

Zozuwe 11:21

Wakat-kãens bala, a Zozoe kẽngame n tɩ zab ne Anak-rãmbã sẽn dag n be Ebrõ tãngã, Debɩɩr tãngã, Anaab tãngã, ne tãms nins fãa sẽn be Zʋʋda, la Israyɛll tãmsã fãa, a Zozoe sãama bãmb fãa ne b tẽmsã.

Zozuwe 20:7

Israyɛll nebã yãka Galɩle tẽng a ye sẽn boond tɩ Kedɛɛs n be Neftali tãmsã sʋka, ne Sɩkɛm sẽn be Efrayiim tãmsã sʋkã, n paas ne Kiryat-Arba b sẽn boond tɩ Ebrõ n be Zʋʋda tãmsã sʋkã.

Zozuwe 21:11

B kõo bãmb Kiryat-Arba b sẽn boond tɩ Ebrõ wã. A bee Zʋʋda tãmsã sʋka, la yaa ne a tẽn-kɩremsã sẽn gũbg-a wã. A Arba rag n yaa a Anak ba.

Bʋ-kaoodba 1:10

Zʋʋda nebã kẽngame n tɩ zab ne Kana nebã sẽn be Ebrõ, b sẽn dag n boond tɩ Kiryat-Araba wã. La b tõoga Sesayi buudã, Ayimane buudã ne Talmayi buudã.

Bʋ-kaoodba 1:20

B rɩka Ebrõ n kõ a Kalɛɛb wa a Moyiis sẽn dag n yeelã. La a Kalɛɛb tõog n diga a Anak buud a tãabã tɩ b yi beenẽ.

1 Sãmwɛlle 25:3

Rao-kãng yʋʋr la a Naballe, t'a pagã yʋʋr la a Abigayɩlle. A Abigayɩll dag n yaa pʋg-sõng la pʋg-neere, la a sɩdã rag n yaa nin-toaag n maand tʋʋm-wẽnse. Yẽnda yaa a Kalɛɛb buudã neda.

1 Sãmwɛlle 30:14

Tõnd kẽngame n tɩ zab ne Kerɛt tẽng nug goabg sẽnẽ nebã, ne Zʋʋda soolem nebã, la Kalɛɛb nug goabg sẽnẽ nebã, n ning Siklaag tẽngã bugum.»

1 Sãmwɛlle 30:31

La a tʋm tɩ b tɩ kɩs Ebrõ kãsem-dãmbã ne zĩis nins fãa a Davɩɩd ne a nebã sẽn dag n kẽngã.