Zozuwe 14:4 - WẼNNAAM SEBRE 2014

⁴ A Zozɛf kambã rag n yaa buud a yiibu: yaa a Manaase ne a Efrayiim. La b ka kõ Leevi buudã soolem tɩ yɩ b pʋɩɩr ye. B kõo bãmb tẽms tɩ b zĩnd bala, la b tõog n wãbneg b rũmsã tẽmsã pʋ-weesẽ wã, la b tõog n ges b paoongã yelle.

SEBR SÕNGO

⁴ A Zozɛf buuda ra yaa rot a yiibu: a Manase roog la a Efrayim roogo. La Levitsa ka paam soolem sã n ka tẽns kẽer bala b sẽn na n kẽedẽ, bãmb ne b rũmsi n paas pʋt la rũmsa wãbneg zĩisi.

Zozuwe 14:4 Iomraidhean Croise

Sɩngrẽ 41:51

A Zozɛf pʋda yẽnda bi-ribl-kãsengã yʋʋr t'a Manaase, sẽn dat n togs tɩ ‹yĩmbu.› Bala, a Zozɛf yeelame: «Wẽnnaam kɩtame tɩ mam yĩm m toogã ne m ba-yirã fãa yelle.»

Sɩngrẽ 41:52

A Zozɛf pʋda yiibẽ soabã yʋʋr t'a Efrayiim. Bala, yẽnda yeelame: «Wẽnnaam kɩtame tɩ mam paam dogem tẽng ning mam sẽn paam paoogrã pʋga.»

Sɩngrẽ 46:20

On maan-kʋʋd a Poti-Feera bi-pugl a Asnat sẽn yaa a Zozɛf pagã roga a Zozɛf kamb a yiib Ezɩpt tẽnga. Yaa a Manaase ne a Efrayiim.

Sɩngrẽ 48:1

Yel-kãensã fãa loogr zugẽ, b wa n yeela a Zozɛf t'a baaba ka keem ye. La a Zozɛf peega a kamb a yiibã: A Manaase ne a Efrayiim, n kẽng a Zakoob nengẽ.

Sɩngrẽ 48:5

Moasã, fo kamb a yiibã fo sẽn dog Ezɩpt soolmẽ wã sẽn deng mam sẽn na n wa fo nengẽ wã na n lebga mam dẽnda. Yaa a Efrayiim ne a Manaase, wa a Rubɛn ne a Sɩmyõ.

Sɩngrẽ 48:6

La fo sẽn yaool n dog kamb nins bãmb zugẽ wã na n yɩɩ fo rẽnda. Bãmb na n naaga b ba-biisã n paam pʋɩɩre.

2 Kibayã 30:1

A Ezekɩyaas tʋma neb tɩ bool Israyɛll ne Zʋʋda nebã fãa, la yẽnda tol n gʋlsa sɛb tɩ b tɩ kõ Efrayiim ne Manaase nebã, n yeel-b tɩ b wa Sẽn-Ka-Saab roogẽ wã Zeruzalɛm, tɩ b maan Israyɛll Wẽnnaamã Pak tigrã.

Sõadga 26:28

A Manaase ne Efrayiim buudã rot yaa Zozɛf yagensã fãa.

Zozuwe 16:4

Rẽndã yɩ a Zozɛf kamb a Manaase ne a Efrayiim pʋɩɩre.