Zozuwe 14:12 - WẼNNAAM SEBRE 2014

¹² Dẽ wã, bɩ y kõ maam tãng ning Sẽn-Ka-Saab sẽn dag n gom a yell badaarã. Bala, yãmb wʋma b sẽn yeel tɩ yaa Anak yagensã n be beenẽ, la b tara tẽms sẽn tar pãngã. Sẽn-Ka-Saab sã n zĩnd ne maam, mam na n diga bãmb n deeg b tẽngã, wa Sẽn-Ka-Saab sẽn dag n yeelã.»

SEBR SÕNGO

¹² Kõ-m tãms tẽns niyns Soaala-Wẽnd sẽn kãab-m, baraare, tɩ b na n kõ-m lame wã, tɩ baraare f wʋmame tɩ Anakits n da kẽed be la b tẽnsa da yaa tẽn-bɛd n tar pãnga. Daare Naaba-Wẽnd na zĩnd ne ma la m na reeg-b n sooge tɩ Soaala-Wẽnd n pʋlme.»

Zozuwe 14:12 Iomraidhean Croise

2 Rĩm-dãmba 19:4

Daar ninga, Sẽn-Ka-Saab sẽn yaa yãmb Wẽnnaamã na n wʋma goam nins fãa Asiiri rĩmã sõgen-kãsengã b sẽn tʋm t'a wa tʋʋs Wẽnnaam sẽn vɩ wã to-to wã. Tõeeme tɩ Sẽn-Ka-Saab sẽn yaa yãmb Wẽnnaamã na n sɩbg-b-la goam nins yẽnda sẽn gom tɩ bãmb wʋmã yĩnga. Woto wã, bɩ y pʋʋs Wẽnnaam neb nins sẽn ketã yĩnga.»

2 Kibayã 14:11

Woto, Sẽn-Ka-Saab kɩtame t'a Aaza ne Zʋʋda nebã tõog Kuus nebã, la bãmb zoeeme.

Yɩɩn‑sõamyã 44:3

Yãmb diga bu-zẽms ne y nug n dees b tẽms n kẽes tõnd yaab-rãmbã. Yãmb sãama neb n kɩt tɩ d yaab-rãmbã fɩɩge.

Yɩɩn‑sõamyã 60:12

Mam Wẽnnaam, yãmb dag n ka bas tõnd sɩda? Mam Wẽnnaam, yãmb dag n ka bas n ka leb n yãagd tõnd tãb-biisã sɩda?

Sõadga 13:28

La yell ning sẽn be, yaa tɩ tẽn-kãng nebã tara pãnga, la b tara tẽm-bɛd b sẽn me lals n gũbgi. La tõnd tol n yãnda nin-wobg a Anak yagensã beenẽ.

Sõadga 13:33

La tõnd tol n yãnda nin-wobdã sẽn yaa a Anak yagensã beenẽ, la tõnd sã n yas b sɛɛgẽ, tõnd geta d mensã wa sʋy bala, la bãmb mensã sẽn get tõndã, d sɩd yaa woto me.»

Sõadga 21:34

La Sẽn-Ka-Saab yeela a Moyiis yaa: «Da zoe Basan naab a Oog ye! Bala mam na n kɩtame tɩ f tõog yẽnda ne a nebã fãa, ne a tẽngã zãnga. Fo na n maana yẽnda wa fo sẽn da maan Amoor-dãmbã naab a Sihon sẽn dag n be Hɛsbondã.»

Rom Dãmba 8:31

Dẽ, tõnd na n yeelame tɩ bõe ne yel-kãnga? Wẽnnaam sã n bee ne tõndo, ãnda n tõe n zab ne tõndo?

Yaoolem 1:28

Tõnd na n kẽnga yɛɛnẽ? Tõnd saam-biisã kɩtame tɩ d raood sɛ, bãmb sẽn yeel tɩ tẽngã nebã yaa nin-bɛd la wogd n yɩɩd tõndã yĩnga, la b sẽn yeel tɩ tẽmsã yaa kãsemse, tɩ b lalsã tat saasã, la b sẽn yeel tɩ b yãnda a Anak yagensã be wã yĩnga.»

Yaoolem 9:1

Israyɛll nebã, kelg-y-yã! Dũndã, yãmb na n dʋʋga Zʋrdẽ kʋɩlgã n tɩ deeg soolem sẽn yɩɩd yãmb tɩ b pãng yɩɩd yãmb n deeg b tẽngã n sooge. Yaa tẽn-kãsems sẽn tar lal-bɛd sẽn zẽk n tat saasẽ.

Yaoolem 9:3

Dẽ wã, bãng-y rũndã tɩ Sẽn-Ka-Saab sẽn yaa yãmb Wẽnnaamã meng lʋɩta yãmb taoor wa bugum sẽn dɩta, la yaa bãmb meng n na n sãam-ba. Yaa bãmb n na n kɩt tɩ b paam yãnd yãmb taoore. La yãmb na n diga bãmb n menes-b tao-tao wa Sẽn-Ka-Saab sẽn yeel yãmbã.

Filip rãmba 4:13

Kiris sẽn kõt maam b pãngã yĩnga, mam tõe n maana fãa.

Ebre rãmba 11:33

sẽn tall-b tẽeb n tõog soolem dãmba, la b tʋm tɩrlem tʋʋmã, la b paam kãabdo, la b mum gɩgmã noyã,

Zozuwe 15:14

A Kalɛɛb riga a Anak kamb a tãabã n yiis beenẽ: yaa Sekayi, Ayimande ne a Talmayi, b fãa yaa a Anak kamba.

Bʋ-kaoodba 1:20

B rɩka Ebrõ n kõ a Kalɛɛb wa a Moyiis sẽn dag n yeelã. La a Kalɛɛb tõog n diga a Anak buud a tãabã tɩ b yi beenẽ.

1 Sãmwɛlle 14:6

A Zonatã yeela a rakõorã sẽn zãad yẽnda zab-teedã yaa: «Wa tɩ d kẽng nin-bãmbã sẽn ka kẽ bãongã tãb-sikẽ. Daar ninga, Sẽn-Ka-Saab na n sõnga tõndo, bala, bũmb ka be n tõe n gɩdg Sẽn-Ka-Saab tɩ b tũnug neb bilf wall neb wʋsg n fãag ye.»