Zozuwe 13:6 - WẼNNAAM SEBRE 2014

⁶ n paas neb nins sẽn be-b tãmsã zutã, sẽn sɩng ne Libã n tɩ tãag Misrefot-Mayim, ne tẽms nins fãa Sɩdõ nebã sẽn so wã. Mam na n deesa tẽn-bãmbã fãa tɩ yɩ Israyɛll nebã pʋɩɩre. La bũmb sẽn be bala, pʋɩ tẽngã n kõ Israyɛll nebã tɩ yɩ b pʋɩɩre wa mam sẽn dag n yeel foomã.

SEBR SÕNGO

⁶ Ade, tẽns niyns sẽn zao tãmsa zutã, sẽn sɩng Libã n digd Misrefot-Mayim sẽn be nin-taoore, n paas Sidõ rãmbã, maam n na n dig-b fãa Israyɛl kamb taoore. Fo tʋʋmd yaa f reeg tẽnsã n poees Israyɛl kamb wala Naaba-Wẽnd n kõt-ba la wala m sẽn zoe n wilgã.

Zozuwe 13:6 Iomraidhean Croise

Yɩɩn‑sõamyã 80:8

Wẽnnaam sẽn yaa Saasẽ-Pãng-Soaba, leb-y n paas-y tõnd pãnga! Kɩt-y tɩ y nengã vẽenem yãg n bui-du, tɩ d paam fãagre!

Sõadga 33:54

Yãmb na n maana poeer n pʋɩ tẽngã n kõ buud fãa la roog fãa. Buud ningã neb sõor sẽn waooge, yãmb na n kõ-a la tẽn-bedre, la buud ninga neb sõor sẽn ka waooge, yãmb na n kõ-a tẽn-bila. La ned kam fãa na n paa zĩig ning b sẽn poe n kõ-a wa sẽn zems a buudã pʋɩɩrã.

Zozuwe 1:6

Keng f meng n paam daoodo. Bala, yaa foom n na n kɩt tɩ m nebã soog tẽng ning mam sẽn wẽen n yeel b yaab-rãmbã tɩ m na n kõ-b lame wã.

Zozuwe 11:12

A Zozoe tõoga tẽn-bãmb fãa ne b rĩm-dãmbã n kʋ ne zabr sʋʋga. Yẽnda sãama b fãa wa Sẽn-Ka-Saab tʋmtʋmd a Moyiis sẽn dag n yeel yẽnda wã.

Zozuwe 11:8

Sẽn-Ka-Saab kɩtame tɩ Israyɛll nebã tõog-ba. B kʋ-b lame n dig-b n tɩ ta Sɩdõ kãsengẽ wã, hal n tɩ tãag Misrefot-mayim, n tɩ tãag Mispa longã sẽn dabd yaangã sẽnẽ. Israyɛll nebã kʋʋ bãmb n ka bas tɩ ned ba a yembr põs ye.

Zozuwe 13:7

Moasã, bɩ f pʋɩ-a n kõ Israyɛll buud a wɛ wã ne Manaase buudã pʋɩ-sʋkã.»

Zozuwe 23:13

bɩ y bãng neere, tɩ Sẽn-Ka-Saab sẽn yaa yãmb Wẽnnaamã ka na n leb n sõng yãmb tɩ y tõog n dig bu-kãensã ye. Bu-kãensã na n kɩtame tɩ yãmb lʋɩ bẽdg pʋg n paam toogo, b na n namsa yãmb wa b sẽn pãbd ned ne kalwaase, la wa gõos sẽn kõs ned nini, hal tɩ yãmb wa menem n bas tẽn-sõng-kãng Sẽn-Ka-Saab sẽn yaa yãmb Wẽnnaamã sẽn kõ yãmbã.

Zozuwe 23:4

Mam maana poeer n pʋɩ soolmã n kõ yãmb tɩ y sooge, wa sẽn zems y buudã rot sõore. Yaa tẽms nins sẽn ket sẽn sɩng ne Zʋrdẽ kʋɩlgã tɩ y tog n deegã, ne tẽms nins fãa mam sẽn zab n deegã, hal n tãag ko-kãsengã, wĩndgã sẽn lʋɩtẽ wã sẽnẽ.

Zozuwe 23:5

Sẽn-Ka-Saab sẽn yaa Israyɛll Wẽnnaamã na n dig-b lame tɩ b zãag ne yãmba, n kɩt tɩ y tõog-ba, la y reeg b tẽngã, wa yãmb Zu-soab a Wẽnnaam sẽn dag n yeel yãmbã.