Zozuwe 13:33 - WẼNNAAM SEBRE 2014

³³ A Moyiis ka kõ Leevi buudã pʋɩɩr ye. Bala, Sẽn-Ka-Saab sẽn yaa Israyɛll Wẽnnaamã n yaa bãmb pʋɩɩre, wa Sẽn-Ka-Saab sẽn dag n yeel a Moyiis bãmb wɛɛngẽ wã.

SEBR SÕNGO

³³ A Moyiiz ka kõ a Levi buuda bũmb ye. A Israyɛl Wẽndã, la a Levi pʋɩɩr, wala bãmb meng sẽn da wilgi.

Zozuwe 13:33 Iomraidhean Croise

Ezekiyɛl 44:28

Ad maan-kʋʋdbã pʋɩɩre: maam a Sẽn-Ka-Saab n yaa bãmb pʋɩɩre. Bɩ y ra kõ bãmb zĩig Israyɛll tẽngã pʋg ye. Maam n yaa bãmb pʋɩɩre.

Sõadga 18:20

Sẽn-Ka-Saab leb n yeela a Aarõ yaa: «Tẽng ning mam sẽn kõ Israyɛll nebã pʋgẽ, fo ka na n paam zĩiga, wall pʋɩɩr ye. Yaa maam a Sẽn-Ka-Saab n na n yɩ fo pʋɩɩr la f paoongo, Israyɛll nebã sʋka.»

Yaoolem 10:9

Yaa rẽ n kɩt tɩ Leevi buudã ka lagem b saam-biisã n paam pʋɩɩr ye. Sẽn-Ka-Saab n yaa bãmb pʋɩɩr wa Sẽn-Ka-Saab sẽn yaa yãmb Wẽnnaamã sẽn dag n yeel yãmb wɛɛngẽ wã.

Zozuwe 13:14

Yaa Leevi buudã bal la b ka kõ tẽms tɩ yɩ b pʋɩɩre. Bãmb pʋɩɩr yaa maoong sẽn yõogd bugum Sẽn-Ka-Saab sẽn yaa Israyɛll Wẽnnaamã yĩngã, wa bãmb sẽn dag n yeel b tʋmtʋmd a Moyiisã.

Zozuwe 13:32

Tẽn-bãmbã yaa tẽms nins a Moyiis sẽn dag n pʋɩ Moaab tẽn-nabdrã pʋgã, Zʋrdẽ kʋɩlgã rʋʋndã, sẽn teesd yaangã, Zeeriko tẽngã sẽnẽ wã.

Zozuwe 18:7

La a Leevi yagensã ka tog n paam pʋɩɩr yãmb sʋk ye. Bala, Sẽn-Ka-Saab maan-kʋʋrã tʋʋmd n yaa bãmb puɩɩre. Dẽ, a Gaad buudã ne a Rubɛn buudã la a Manaase buudã pʋɩ-sʋkã reega Zʋrdẽ kʋɩlgã rʋʋnde, wa sẽn zems pʋɩɩr ning Sẽn-Ka-Saab tʋmtʋmd a Moyiis sẽn dag n pʋɩ n kõ bãmb yaangã.»