Zozuwe 13:3 - WẼNNAAM SEBRE 2014

³ Sẽn sɩng ne Sɩhoor kʋɩlgã sẽn zoet n dabd Ezɩptã hal n tãag Ekrõ sẽn be rɩtgã, bãmb fãa rag n yaa Kana-rãmbã n so-ba. La b lebga Filistẽ-dãmbã rĩm-dãmb a nu wã soolem: yaa Gaaza, Asdoode, Askalon, Gate, ne Ekrõ rĩmã, n paas ne Ave-rãmbã.

SEBR SÕNGO

³ Sɩngda Sior sẽn tot ne Ezipt n ta Ekrõ sẽn be nug goabga la b sẽn tog n ges wa Kanaã rãmb soolem. Sẽn ket yɛsa, yaa dĩm dãmb a nu wã sẽn da namsd Filisti rãmbã: Gaza dĩm, Asdod dĩma, Askelõ dĩm, Gat la Ekrõ dĩm dãmba; le paasa Avitsã.

Zozuwe 13:3 Iomraidhean Croise

Sɩngrẽ 10:6

A Kam kom-dibli yaa: A Kuusi, ne a Mitsrayim, ne a Put la a Kana.

Sɩngrẽ 15:18

Badaare, Sẽn-Ka-Saab maana kaool ne a Abram n yeele: «Mam kõta fo yagensã tẽn-kãngã tɩ b sooge. Yaa sẽn sɩng ne Ezɩpt kʋɩlgã, n tall n tɩ tãag Efrat kʋɩl-kãsengã.

1 Rĩm-dãmbã 8:65

Wakat-kãnga, rĩm a Salmo ne Israyɛll neb kʋʋngã maana tigr rasem a yopoe Sẽn-Ka-Saab sẽn yaa tõnd Wẽnnaamã taoore. Yɩɩ neodg meng-menga. Neb kẽer yii hal sẽn sɩng ne Lebo-Hamat tẽn-kɩrengã n tall n tɩ tãag Ezɩpt ko-soogã. La b leb n maana rasem a yopoe n paase, la fãa yaa rasem piig la a naase.

1 Kibayã 13:5

Dẽ, a Davɩɩd tigma Israyɛll nebã fãa, sẽn sɩng ne Sihoor sẽn be Ezɩptã, n tãag Hamat tẽngã noore, n na n kɩt tɩ b kẽng Kiryat-Yeyarim n tɩ tall Wẽnnaam kaoolã koglgã n wa.

A Ezayi 23:3

Sihoor bõn-koaadlã, Nill kʋɩlgã koodã sẽn dag n pɩʋʋgd ko-kãsengã yaa yẽnda paoongo! La yẽnda rag n lebga bu-zẽmsã raaga.

Zeremi 2:18

La moasã, bõe yĩng tɩ yãmb dɩk Ezɩpt sore? Yãmb dabdame n na n tɩ yũ Nill kʋɩlgã koom la? Bõe yĩng tɩ yãmb dɩk Asiiri sore? Yãmb dabdame n na n tɩ yũ Efrat kʋɩlgã koom la?

Yaoolem 2:23

La sã n yaa ne Aava nebã sẽn dag n be tẽn-bãoonegã sẽn tall n tɩ tãag Gaaza wã, yaa Kaftoor nebã sẽn yit Kaftoorã n sãam bãmb n deeg b zĩigã n zĩndi.

Zozuwe 13:13

La baoosgo, Israyɛll nebã ka reeg Gesʋʋr dãmbã ne Maaka rãmbã tẽms ye. Rẽ kɩtame tɩ Gesʋʋr tẽngã ne Maaka tẽngã neb ket n be Israyɛll nebã sʋk hal tɩ ta rũndã.

Bʋ-kaoodba 16:5

Filistẽ-dãmbã nanambs kẽnga a Dalɩla nengẽ n tɩ yeel-a yaa: «Belg a Samsõ t'a wilg foom yẽnda pãn-kãsengã sẽn yitẽ, la tõnd sẽn na n maan to-to n tõog n sãam a pãngã, n paam-a n yõk n sẽb t'a ka tõog n fãag ye. Woto, tõnd ned kam fãa na n kõo foom wanzuri ligd-koeems tusr la koabga.»

Bʋ-kaoodba 3:3

Bãmb sẽn bas buud nins tẽngẽ wã la woto, yaa Filistẽ-dãmbã soolem nanambs a nu wã, ne Kana-rãmba fãa, la Sɩdõ nebã, ne Hevi-rãmbã sẽn dag n be Libã tãmsã sʋkã, sẽn sɩng ne Baall-Hɛrmo tãngã n tɩ tãag Lebo-Hamate.

1 Sãmwɛlle 5:1

Filistẽ-dãmbã sẽn yõk Wẽnnaam kaoolã koglgã n deegã, b yii ne-a Ebɛn-Ezɛɛr n tall n kẽng Asdoode.

1 Sãmwɛlle 5:10

Woto, Gat nebã talla Wẽnnaam kaoolã koglgã n kẽng Ekrõ. La kaoolã koglgã sẽn ta beenẽ, Ekrõ tẽngã neb kelmame n yeele: «B talla Israyɛll Wẽnnaamã kaoolã koglg n wa ka, n dat tɩ tõnd ne d nebã fãa ki.

1 Sãmwɛlle 5:8

Bãmb tʋmame tɩ b bool Filistẽ nanambsã n tigim n yeel-b yaa: «Tõnd na n maana a wãn ne Israyɛll Wẽnnaamã kaoolã koglgã?» Nanambsã yeelame tɩ b tall Israyɛll Wẽnnaamã kaoolã koglg n kẽng Gat tẽngã, la b tall-a lame n kẽnge.

1 Sãmwɛlle 6:4

Filistẽ-dãmbã sokame tɩ yaa bõe kũun la b tõe n kõ Wẽnnaam b beegrã yĩnga. La maan-kʋʋdbã ne bagbã leokame: «Maan-y noad a nu mamsg ne sãnem, ne yõens a nu mamsg ne sãnem, wa sẽn zems Filistẽ-dãmbã nanambs a nu wã sõore. Bala, yaa bãag a yembr n yõk yãmb ne y nanambsã.