Zozuwe 12:6 - WẼNNAAM SEBRE 2014

⁶ Sẽn-Ka-Saab tʋmtʋmd a Moyiis ne Israyɛll nebã kʋʋ bãmb fãa, n dɩk b tẽngã n kõ Rubɛn buudã, Gaad buudã ne Manaase buudã pʋɩ-sʋka.

SEBR SÕNGO

⁶ A Moyiiz ne Israyɛl tãb-biisa da reng n tõoga dĩm bãmb b yiibu. Wẽnd tʋʋm-tʋmd a Moyiiz da rɩka b soolma n kõ a Rubẽ, a Gad la a Manase bogrã.

Zozuwe 12:6 Iomraidhean Croise

1 Rĩm-dãmbã 4:19

A Uuri biig a Gebɛɛr sẽn dag n be Galaad soolmã, n dag n so Amoor-dãmbã rĩm a Sihon, ne Basan rĩm a Oog soolmã. Dag n yaa komber a yembr bal n so soolem-kãnga.

Sõadga 32:29

A Moyiis yeel-b lame yaa: «Gaad ne Rubɛn nebã sã n bob b zab-teed n naag yãmb n pɩʋʋg Zʋrdẽ kʋɩlgã n tɩ zab Sẽn-Ka-Saab taoore, tɩ y tõog tẽngã, bɩ y kõ bãmb Galaad tẽngã tɩ yɩ bãmb pʋɩɩre.

Sõadga 32:32

Tõnd na n boba d zab-teed n kẽng Kana tẽngã n tɩ zab Sẽn-Ka-Saab taoore, la tõnd dat n paama d zĩig Zʋrdẽ kʋɩlgã rʋʋnd ka.»

Sõadga 32:33

Dẽ, a Moyiis rɩka Amoor naab a Sihon soolmã, la Basan naab a Oog soolmã tẽmse, la a wetã, la tẽms nins sẽn yeg-b bãmbã, n kõ Gaad ne Rubɛn buudã, la a Zozɛf biig a Manaase buud pʋɩ-sʋkã.

Zozuwe 14:3

Bala, a Moyiis rag n kõo buud a yiibã ne pʋɩ-sʋkã b pʋɩɩr Zʋrdẽ kʋɩlgã rʋʋnde. La yẽnda rag n ka kõ Leevi buudã pʋɩɩr b taabã sʋk ye.

Zozuwe 18:7

La a Leevi yagensã ka tog n paam pʋɩɩr yãmb sʋk ye. Bala, Sẽn-Ka-Saab maan-kʋʋrã tʋʋmd n yaa bãmb puɩɩre. Dẽ, a Gaad buudã ne a Rubɛn buudã la a Manaase buudã pʋɩ-sʋkã reega Zʋrdẽ kʋɩlgã rʋʋnde, wa sẽn zems pʋɩɩr ning Sẽn-Ka-Saab tʋmtʋmd a Moyiis sẽn dag n pʋɩ n kõ bãmb yaangã.»

Zozuwe 22:4

Dẽ wã, Sẽn-Ka-Saab sẽn yaa yãmb Wẽnnaamã sẽn sõng yãmb ba-biisã tɩ b zĩ ne bãan wa bãmb sẽn dag n kãab bãmbã, moasã, bɩ y lebg n kuil y tẽngẽ wã. Kẽng-y n tɩ zĩnd-y tẽng ning Sẽn-Ka-Saab tʋmtʋmd a Moyiis sẽn dag n kõ yãmb Zʋrdẽ kʋɩlgã rʋʋndã.