Zozuwe 12:5 - WẼNNAAM SEBRE 2014

⁵ Rĩm-kãng rag n soo tãng ning sẽn boond tɩ Hɛrmo wã, ne Salka la Basan gillã fãa n tall n tɩ tãag Gesʋʋr dãmbã ne Maaka rãmbã tẽnga, ne Galaad pʋɩ-sʋkã sẽn yaa Hɛsbon rĩm a Sihon toadgã.

SEBR SÕNGO

⁵ Yẽ me ra soo Ermo tãnga ne Salka la Bazã tẽn-peelma zãng n ta Gesuritsa la Maakatitsa toaaga, n paas Galaad bogra sẽn kelle, n tekd Esbõ dĩm a Siyõ toaagẽ.

Zozuwe 12:5 Iomraidhean Croise

2 Sãmwɛlle 13:37

A Absalom sẽn zoe wã, a kẽnga Gesʋʋr rĩm a Amihuud biig a Talmayi nengẽ. Yẽnda zĩnda be yʋʋm a tãabo. Dẽ, yʋʋm-kãens fãa pʋga, a Davɩɩd yãba a biig a Amno sẽn ki wã yĩnga.

2 Sãmwɛlle 15:8

Bala, mam sẽn wa n be Gesʋʋr sẽn be Siiri wã, mam pʋlma Sẽn-Ka-Saab n yeel tɩ b sã n sõng maam tɩ m lebg n wa Zeruzalɛm, mam na n maana maoong n waoog-ba.»

2 Sãmwɛlle 23:34

ne Maaka rao a Akasbayi biig a Elifelɛte, la Gilo rao a Ayitofɛll biig a Eliyam,

2 Sãmwɛlle 3:3

Yẽnda bi-pʋgdg la a Kileyab t'a ma yʋʋr la a Abigayɩll sẽn yɩ Karmell dao a Naball pagã. Tãabẽ soabã yaa a Absalom, t'a ma yʋʋr la a Maaka sẽn yaa Gesʋʋr naab a Talmayi biigã.

2 Rĩm-dãmba 25:23

Tãb-bi-sul nanambsã fãa ne b nebã sẽn wa n wʋm tɩ Babilond dĩm a Nebukatnedzaar yãka a Gedaliya t'a lebg naabã, bãmb kẽnga a Gedaliya nengẽ Mispa. Neb nins sẽn kẽngã yaa a Netaniya biig a Ismayɛlle, ne a Kareya biig a Zoaana, ne Netofa rao a Tanumet biig a Seraya, ne Maakat rao a Zazaniyahu. Yaa bãmb ne b nebã.

1 Kibayã 5:11

Gaad yagensã sẽn dag n beẽ wã teesa bãmba, sẽn sɩng ne Basan tẽngã n tɩ tãag Salka yaanga.

Zeremi 40:8

Dẽ, Zʋʋda tãb-biis nanambsã ne b nebã kẽnga a Gedaliya nengẽ Mitspa. Nanamb-kãens yʋy la woto: yaa a Netaniya biig a Ismayɛlle, a Kareyak kamb a Yohanan ne a Zonatan, la a Tãnkumet biig a Seraya, ne Netofa rao a Zezaniya ne bãmb nebã.

Yaoolem 3:14

A Manaase yageng a Zayɩɩr deega Argoob tẽngã fãa hal tɩ ta Gesuur nebã, ne Maaka nebã tẽngã toadgã, la a rɩka a meng yʋʋr n pʋd Basan tẽn-bãoonegã tɩ b boond bãmb t'a Yayɩɩr tẽms hal tɩ ta rũndã.

Zozuwe 11:3

la Kana neb nins sẽn be-b yaang la taoorã nengẽ, la Amoor-dãmbã nengẽ, la Hɛt-rãmbã nengẽ, la Ferɛɛz rãmbã nengẽ, la Zebuus-rãmbã sẽn be tãngã zugã nengẽ, la Hevi-rãmbã sẽn be Hɛrmo tãngã pendã, Mispa tẽngã nengẽ.

Zozuwe 12:1

Ad tẽngã rĩm-dãmb nins Israyɛll nebã sẽn tõog n kʋ n deeg b tẽmsã Zʋrdẽ kʋɩlgã yaangã, sẽn sɩng ne Arno ko-soogã hal n tɩ tãag Hɛrmo tãngã ne Araba tẽn-nabdrã zãng sẽn dabd yaangã.

Zozuwe 13:11

n paas Galaad sẽn yaa Gesʋʋr dãmbã ne Maaka rãmbã soolmã, ne Hɛrmo tãngã zug rãmbã ne Basan gillã fãa n tɩ tãag Salka.

1 Sãmwɛlle 27:8

A Davɩɩd ne a nebã rag n kẽnd n zabda ne Gesʋʋr nebã, Girsi nebã, ne Amalɛk nebã. Bala, yaa bu-kãens n dag n sɩng n be Sʋʋr hal n tɩ tãag Ezɩpte.