Zozuwe 11:6 - WẼNNAAM SEBRE 2014

⁶ Sẽn-Ka-Saab yeela a Zozoe yaa: «Da zoe-b ye. Bala, beoog woto wẽnde, mam na n ning-b-la yãmb nugẽ n kɩt tɩ y kʋ-b zãnga. Bɩ f kɛ b wiidã nao-gĩin n pase, la y yõog b zabr saar-dãmbã bugum.»

SEBR SÕNGO

⁶ Soaala-Wẽnd yeela a Zozuwe: «Da zoe nin-bãmba ye, tɩ beoog wakat kãnga, tɩ m dɩk-b-la kɩɩms zãnga n sagl a Israyɛl nugẽ. Fo na n pasa b wiidi wã nao gĩin la f yõog b bilim-bilm.»

Zozuwe 11:6 Iomraidhean Croise

2 Sãmwɛlle 8:4

A Davɩɩd deega a Adadezɛɛr wed-rʋʋdb tusr la kobs yopoe, ne tãb-biis tus pisi sẽn ka zao wiidi. A Davɩɩd yãka wiid koabg sẽn tat saar-dãmbã, la a kɛ wiid a taabã fãa nao-gĩin n pase.

2 Rĩm-dãmba 6:16

A Eliize yeela yẽnda: «Da zoe rabeem ye. Bala, sẽn be-b ne tõndã sõor yɩɩda sẽn be-b ne bãmbã.»

2 Kibayã 20:16

Beoogo, bɩ y sig n zab ne y bɛɛbã. Ade, bãmb na n tũu Sɩts kunkubrã zug sorã n wa, la yãmb na n yãnda bãmb ko-soogã noor sẽn tees Yeruwɛll we-raoogã.

Yɩɩn‑sõamyã 46:10

Bãmb n kɩtd tɩ zabã sẽn be dũniyã tɛk fãa wã sɛ. Bãmb kaooda tãbd ne kãna, la b yõogd saar-dãmb bugum.

Yɩɩn‑sõamyã 46:11

Bɩ y yalse, la y bãng tɩ mam yaa Wẽnnaam. Maam n so soolem-dãmbã, la m so dũniyã.

Yɩɩn‑sõamyã 46:9

Wa-y n ges-y Sẽn-Ka-Saab tʋʋmã, wa-y n ges-y sãoong ning bãmb sẽn wa ne dũniyã zugã.

Yelbũna 20:7

Nin-tɩrg sã n kẽnd ne burkĩndlim, a kamb tara sũ-noog a loogr poore.

A Ezayi 30:16

Yãmb yetame: «Ayo! Tõnd na n zomba wiid n zoe!» Yãmb sɩd na n zomba wiid n zoe! Yãmb yetame: «Tõnd na n zomba wed-tʋʋls n zoe!» Rẽ kɩtame tɩ sẽn digd-b yãmbã na n zoe ne tʋʋlem.

A Ezayi 31:1

Toog bee neb nins sẽn kẽnd Ezɩpt n baood sõngrã zutu. Bãmb dɩka b teegrã n teeg wiidi, b teega b saar-dãmba sẽn yaa wʋsgã, la b teeg b wed-rʋʋdbã sẽn tar pãngã, n ka wẽnemded n get Israyɛll Pʋ-Peelem-Soabã, la b ka baood Sẽn-Ka-Saab ye!

Ezekiyɛl 39:9

Dẽ, Israyɛll tẽmsã neb na n yiime. Bãmb na n wʋka zab-teedã n yõog bugum: yaa gãn-bi wã ne gãn-bɛdã, la tãbdã, ne pɛɛmã, la rasabã ne kãnã.

A Ooze 14:3

Segl-y goam n lebg n wa Sẽn-Ka-Saab nengẽ, n yeel-y bãmb yaa: Kõ-y-d sugr d beegrã fãa yĩnga. La y reeg bõn-sõamyã nins tõnd sẽn kõt yãmbã. Tõnd na n kõo yãmb la d pẽg yãmba.

A Nahum 2:13

Gɩgem-daoogã rag n yit n yõgd n gʋsdame, n wat n kõt gɩgem-yãangã ne gɩgem-bi wã, gɩgemdã gãag zĩig pida ne rũms a sẽn yõg nemdo.

Yaoolem 7:16

Fo na n sãama buud nins fãa Sẽn-Ka-Saab sẽn yaa fo Wẽnnaamã sẽn na n kɩt tɩ f tõogã. Ra zoe b nimbãaneg ye. Ra tũ-b wẽnnaam-dãmbã ye. Bala, na n yɩ bẽdg fo yĩnga.

Zozuwe 10:8

Sẽn-Ka-Saab yeela a Zozoe yaa: «Ra zoe-b lɛlɛ ye. Bala, mam na n kɩtame tɩ f tõog-ba, la b ned ba a ye kõn tol n tõog n teeg a yãoog fo taoor ye.»

Zozuwe 11:5

Rĩm-dãmb-kãens zemsa taaba, n wa tilg b tãb-sikã Merom koomã sɛɛga, n na n zab ne Israyɛll nebã.

Zozuwe 11:7

A Zozoe ne a tãb-biisã wa n linga b bɛɛbã Merom kooma sɛɛgẽ n zab ne-ba.

Zozuwe 11:9

A Zozoe maana bãmb wa Sẽn-Ka-Saab sẽn dag n yeel yẽnda t'a maan-b to-to wã. Yẽnda kɛɛ wiidã nao-gĩin n pase, la a yõog b zabr saar-dãmbã bugum.

Zozuwe 3:5

Dẽ, a Zozoe yeela nebã yaa: «Yɩlg-y y mense, bala beoogo, Sẽn-Ka-Saab na n maana bõn-yɛɛsds yãmb sʋka.»

Bʋ-kaoodba 7:9

Badaar yʋngo, Sẽn-Ka-Saab goma ne a Zedyõ n yeel-a: «Yik n kẽng Madiyã nebã tãb-sik zĩigẽ, bala, mam kõta foom pãng tɩ f tõog-ba.

1 Sãmwɛlle 11:9

Bãmb yeela neb nins sẽn yi Yabɛɛs n wa ne koɛɛgã tɩ b lebg n leb Yabɛɛs sẽn be Galaadã n tɩ yeel nebã, tɩ b na n paama fãagr beoog yibeoogo, wĩndgã sã n wa zẽkdẽ. La b sẽn tɩ taas Yabɛɛs nebã koɛɛgã, b maana sũ-noog wʋsgo.