Zozuwe 11:22 - WẼNNAAM SEBRE 2014

²² Anak-rãmba ned baa a yembr ka kell Israyɛll nebã tẽngẽ ye. Yaa b neb nins sẽn dag n be Gaaza, Gate ne Asdoodã bal n kelle.

SEBR SÕNGO

²² Anakitsa ka le zĩnd a Israyɛl tẽn-peelmẽ ye, sã ka Gaza, Gat la Asdod.

Zozuwe 11:22 Iomraidhean Croise

1 Rĩm-dãmbã 2:39

Dẽ, yʋʋm a tãab loogr zugẽ, a Simeyi yembs a yiib n zoe n kẽng a Maaka biig a Akiis sẽn yaa Gat rĩmã nengẽ. B togsa a Simeyi t'a yembsã bee Gat tẽnga.

1 Kibayã 18:1

Dẽ poore, a Davɩɩd tõoga Filistẽ-dãmbã, n ning-b yãnde, n deeg Gat ne a tẽn-kɩremsã fãa.

1 Kibayã 8:13

A Beriya ne a Sema sẽn dag n be Ayalon tẽngã nebã sʋk n yaa buud kãsem-dãmbã, b riga Gat tẽng nebã tɩ b zoe.

2 Kibayã 26:6

A Oozɩyaas kẽng n tɩ zaba ne Filistẽ-dãmbã, n wã Gate, ne Yabne la Asdood lalsã. La yẽnda maneg n mee tẽms Asdood pʋgẽ, ne Filistẽ-dãmbã soolem pʋga.

A Ezayi 20:1

Yʋʋmd ning Asiiri naab a Sargon sẽn tʋm a tãb-biis nanambs naab ningã sẽn ta Asdood tẽngã, a zaba ne Asdood tẽngã n deeg-a.

Tʋʋma 8:40

La b yãnda a Filip Azote. La yẽnda moona koe-noogã tẽms nins fãa yẽnda sẽn tũ wã, halɩ n tɩ ta Sezaare.

Yaoolem 2:23

La sã n yaa ne Aava nebã sẽn dag n be tẽn-bãoonegã sẽn tall n tɩ tãag Gaaza wã, yaa Kaftoor nebã sẽn yit Kaftoorã n sãam bãmb n deeg b zĩigã n zĩndi.

Yaoolem 9:2

Bãmb buudã yaa bu-kãsenga, n yaa nin-wobdo. Yaa Anak nebã yãmb sẽn mi wã, la y sẽn wʋm tɩ b gomd b yell n yetẽ: «Ãnda n tõe n yals Anak yagensã taoore?»

Zozuwe 10:41

A Zozoe tõog n deega tẽmsã fãa, sẽn sɩng ne Kadɛɛs Barneya n tɩ ta Gaaza ne Gosɛn hal n tɩ tãag Gabawõ.

Zozuwe 15:14

A Kalɛɛb riga a Anak kamb a tãabã n yiis beenẽ: yaa Sekayi, Ayimande ne a Talmayi, b fãa yaa a Anak kamba.

Zozuwe 15:46

yaa sẽn sɩng Ekron a nin-taoorã, la tẽms nins fãa sẽn pẽ Asdoodã ne b tẽn-kɩremsã.

Zozuwe 15:47

Asdoode, ne tẽms nins yẽnda sẽn so wã ne b tẽn-kɩremse, Gaaza ne a sẽn so wã, ne b tẽn-kɩremse, hal n tɩ tãag Ezɩpt ko-soogã, la ko-kãsengã ne a kɩrengã.

Bʋ-kaoodba 1:18

Zʋʋda buudã leb n deega Gaaza ne a soolmã fãa, la Askalon ne a soolmã fãa, ne Ekrõ ne a soolmã fãa.

Bʋ-kaoodba 3:3

Bãmb sẽn bas buud nins tẽngẽ wã la woto, yaa Filistẽ-dãmbã soolem nanambs a nu wã, ne Kana-rãmba fãa, la Sɩdõ nebã, ne Hevi-rãmbã sẽn dag n be Libã tãmsã sʋkã, sẽn sɩng ne Baall-Hɛrmo tãngã n tɩ tãag Lebo-Hamate.

1 Sãmwɛlle 17:4

Gãndaoog a yembr n yi Filistẽ-dãmbã sʋka, n kolg Israyɛll nebã. Yẽnda yʋʋr yaa a Golyate, n yit Gat soolem, t'a woglem dag n tat kãntɩɩg a yoobe, la nug-yakemde.

1 Sãmwɛlle 5:1

Filistẽ-dãmbã sẽn yõk Wẽnnaam kaoolã koglgã n deegã, b yii ne-a Ebɛn-Ezɛɛr n tall n kẽng Asdoode.