Zozuwe 11:20 - WẼNNAAM SEBRE 2014

²⁰ Bala, yaa Sẽn-Ka-Saab n kɩt tɩ b riglim b sũyã n na n zab ne Israyɛlle, sẽn na n yɩlẽ tɩ Israyɛll nebã sãam-b zãng n ka zoe b nimbãanega, n menes-b wa Sẽn-Ka-Saab sẽn dag n yeel a Moyiisã.

SEBR SÕNGO

²⁰ Soaala-Wẽnd sɩd da tʋlgame tɩ b kɩʋʋlem b sũuri n tak zabr ne a Israyɛl, t'a Israyɛl me wẽen t'a kõn zoe b nimbãanega n sɩd sɛɛs-b zãnga, wala Soaala-Wẽnd sẽn da kõ a Moyiiz noore.

Zozuwe 11:20 Iomraidhean Croise

2 Sãmwɛlle 17:14

A Absalom ne Israyɛll nebã fãa yeelame t'a Husayi saglgã yaa sõama n yɩɩd a Ayitofɛll saglgã. Yaool n yaa Sẽn-Ka-Saab n dag n dat t'a Ayitofɛll saglgã lebg zaalem, sẽn na yɩl tɩ yel-beed paam a Absalom.

1 Rĩm-dãmbã 12:15

Woto, rĩmã ka kelg nin-buiidã ye. Bala, yaa Sẽn-Ka-Saab n dag n dat tɩ yɩ a woto, tɩ bũmb ning bãmb sẽn dag n kɩt tɩ Sɩlo rao a Akiya togs a Nebat biig a Zeroboaamã tõe n paam pidsgu.

2 Kibayã 22:7

Wẽnnaam kɩtame t'a Akaazɩya sẽn wa n na n ges a Zoramã tũ ne a kũum. Sɩdã, yẽnda sẽn ta be wã, a yii be ne a Zoram n na n sega a Nimsi biig a Zehu, la Sẽn-Ka-Saab yaool n dag n kɩtame tɩ b pʋdg a Zehu zugã kaam n yãka t'a menes a Akaab buudã.

2 Kibayã 25:16

No-rɛɛsã sẽn wa n gomdã wakate, a Amatsɩya leokame yaa: «Ãnda soab n yãk foom tɩ f sagend rĩmã? Bas f goamã woto, tɩ b ra wa kʋ-f ye.» Dẽ, no-rɛɛsã baasa a pĩnd-n-bãngr goamã n yeel-a yaa: «Moasã, mam miime tɩ Wẽnnaam yãka yam n na sãam foom, fo sẽn ka kelg mam saglsã yĩngã.»

Yikri 10:1

Sẽn-Ka-Saab yeela a Moyiis yaa: «Kẽng Faarõ nengẽ, bala, yaa maam n kɩt tɩ yẽnda ne a tʋmtʋmdbã sũy kenge, sẽn na n yɩlẽ tɩ mam bõn-yɛɛsdsã puk bãmb sʋka.

Yikri 11:10

A Moyiis ne a Aarõ rag n maana bõn-yɛɛsds-kãens fãa Faarõ taoore. Sẽn-Ka-Saab kɩtame tɩ Faarõ keng a sũuri, n ka sak n bas Israyɛll nebã tɩ b yi a tẽngẽ wã n loog ye.

Yikri 14:17

La sã n yaa ne maam, mam na n kɩtame tɩ Ezɩpt nebã keng b sũyã n pʋgl Israyɛll nebã poore. La mam na n paama waoogr Faarõ ne a tãb-bi-kʋʋngã, la a saar-dãmbã ne a wed-rʋʋdbã fãa yĩnga.

Yikri 14:4

Mam na n kenga Faarõ sũuri, t'a yik n pʋgl yãmba. Mam na n paama waoogr Faarõ ne a tãb-biisã fãa yĩnga, la Ezɩpt nebã na n bãngame tɩ mam yaa Sẽn-Ka-Saabo.» Dẽ, Israyɛll nebã maana a woto.

Yikri 14:8

La Sẽn-Ka-Saab kɩtame tɩ Faarõ sẽn yaa Ezɩpt rĩmã sũur keng t'a yik n babs Israyɛll nebã. La Israyɛll nebã yaool n dag n yii ne lohorem.

Yikri 4:21

Sẽn-Ka-Saab yeela a Moyiis yaa: «Moasã, fo sẽn lebg n lebd Ezɩptã, ges mam sẽn ning bõn-bãn nins fãa fo nugẽ wã, n maan-b Faarõ taoore. Mam na n kɩtame tɩ Faarõ keng a sũurã n ka sak n kõ nebã sor tɩ b loog ye.

Yikri 9:12

Sẽn-Ka-Saab kɩtame tɩ rĩmã sũur kenge. La rĩmã ka kelg bãmb ye. Yɩɩ wa Sẽn-Ka-Saab sẽn dag n yeel a Moyiisã.

Yikri 9:16

La mam basa foom tɩ f vɩɩmde, sẽn na n yɩlẽ tɩ fo yãnd mam pãngã, la tɩ mam yʋʋr saag dũniyã fãa pʋgẽ.

A Ezayi 14:24

Saasẽ-Pãng-Soabã wẽename n yeele: Mam sẽn yãk yam n na maan bũmb ningã ka na n vaal ye, mam sẽn saagd n dat n maanã na n pidsame.

A Ezayi 34:2

Bala, Sẽn-Ka-Saab sũ-puugrã na n siga buudã fãa zugu, la bãmb sũ-kãbrã na n siga b tãb-biisã fãa zugu. Bãmb na n sãam-b-la zãnga, b na n kʋʋ bãmba.

Rom Dãmba 9:18

Woto, bãmb zoeta ned ning b sẽn dat n zoe a nimbãanegã nimbãanega, la bãmb sẽn dat t'a soab sũur yɩ kɛgenga, b kengda a soabã sũurã.

Yaoolem 2:30

La Hɛsbõ naab a Sihon ka sak n bas tõnd tɩ d tũ a tẽngã pʋgẽ n loog ye. Bala, Sẽn-Ka-Saab sẽn yaa yãmb Wẽnnaamã kenga a sũurã t'a kɩɩs n tõdge, sẽn na yɩl n kɩt tɩ yãmb zab ne-b n tõog-b wa yãmb sẽn ne rũndã wã.»

Yaoolem 7:16

Fo na n sãama buud nins fãa Sẽn-Ka-Saab sẽn yaa fo Wẽnnaamã sẽn na n kɩt tɩ f tõogã. Ra zoe b nimbãaneg ye. Ra tũ-b wẽnnaam-dãmbã ye. Bala, na n yɩ bẽdg fo yĩnga.

Bʋ-kaoodba 14:4

A Samsõ ba wã ne a ma wã rag n ka mi tɩ yaa Sẽn-Ka-Saab n maan a woto, n na n tũnug a Samsõ, sẽn na n yɩl n paam n sɩbg Filistẽ-dãmbã ye. Wakat-kãng tɩ yaa Filistẽ-dãmbã n dag n so Israyɛll nebã.

1 Sãmwɛlle 2:25

Ned sã n beeg a to, Sẽn-Ka-Saab n na n welg yellã. La ned sã n beeg Sẽn-Ka-Saabo, ãndã n na n yõk sɛɛg a soab yĩnga?» Sẽn-Ka-Saab sẽn dag n yãk yam t'a Eli kambã na n kiime wã yĩnga, b ka kelg b ba wã goam ye.