Zozuwe 11:14 - WẼNNAAM SEBRE 2014

¹⁴ Israyɛll nebã wʋka tẽn-bãmb paoongã fãa ne b rũmsã n sooge. La b kʋʋ nebã fãa ne zabr sʋʋg n ka bas ned baa yembr tɩ vɩɩmd ye.

SEBR SÕNGO

¹⁴ A Israyɛl sẽn kees a meng yĩng tẽn-kãens pʋgẽ yɩɩ b laogã la b rũmsã. Sã n ya ninsaalba, b kood-b la fãa gill ne sʋʋse, b pa kell ned ba a ye ye.

Zozuwe 11:14 Iomraidhean Croise

2 Kibayã 20:25

Woto, a Zozafat ne a nebã kẽngame n tɩ zɛ b paoongã, la b yãnda rũms wʋsgo, la arzegse, ne kũum wʋsgo, la te-sõama buud toor-toore. Ned kam fãa wʋkame hal n ka tõe n tʋk ye. La yaa rasem a tãab la bãmb sẽn dɩk n zɛ teedã, bala, teedã rag n yaa wʋsgo.

Sõadga 31:9

Dẽ, Israyɛll nebã yõga Madiyã pagbã ne b kambã n maan yembse, la b zɛ b rũmsã fãa, la b sẽn so wã zãnga.

Yaoolem 20:14

La yãmb na n sooga b pagbã ne b kambã, la b rũmsã ne bũmb nins fãa sẽn be tẽngã pʋgẽ wã, n dɩ y bɛɛbã bũmb nins fãa Sẽn-Ka-Saab sẽn yaa yãmb Wẽnnaamã sẽn kõ yãmbã.

Yaoolem 20:16

La sã n yaa ne buud nins tẽms Sẽn-Ka-Saab sẽn kõ yãmb tɩ y soogã pʋgẽ, ra bas-y bũmb baa a yembr tɩ vɩɩmd ye.

Zozuwe 10:40

A Zozoe tõogã kɩren-kãng tẽmsã. Yaa tẽms nins sẽn be tãms sʋkã, ne sẽn be-b Negɛɛvã, la sẽn be-b kunkubã sʋkã, ne b rĩm-dãmbã. Bãmb ka bas ned ba a yembr tɩ põs ye, la b sãama bũmb ning fãa sẽn vʋʋsd ne yõore, wa Sẽn-Ka-Saab sẽn yaa Israyɛll Wẽnnaamã sẽn dag n yeelã.

Zozuwe 11:11

B kʋʋ bãmb fãa ne zabr sʋʋga, la b sãam neb nins fãa sẽn dag n be tẽngã pʋgã, n ka bas ned ba a yembr tɩ põs ye. La b yõoga Hasoor tẽngã bugum.

Zozuwe 11:13

Israyɛll nebã ka tol n yõog tẽms nins sẽn be kunkubã zutã ba a yembre, sã n ka a Zozoe sẽn yõog Hasoor tẽngã bugmã bala.

Zozuwe 11:15

Sẽn-Ka-Saab sẽn dag n yeel b tʋmtʋmd a Moyiis bũmb ningã, a Moyiis togs-a-la a Zozoe, la a Zozoe maana wa b sẽn yeel yẽnda wã. A Zozoe ka bas bũmb ning Sẽn-Ka-Saab sẽn wilg a Moyiisã tɩ vaal ye.

Zozuwe 8:2

Fo sẽn maan Zeeriko ne a rĩmã to-to wã, f na n maana Ayi ne a rĩmã me a woto. La y sã n tõog tẽngã, bɩ y wʋk te-zɛɛdmã ne rũmsã n sooge. Bɩ f yãk tãb-biis n tʋm tɩ b tɩ soond Ayi tẽngã poore.»

Zozuwe 8:27

Dẽ, Israyɛll nebã wʋka tẽngã te-zɛɛdmã ne rũmsã n soog wa Sẽn-Ka-Saab sẽn dag n yeel a Zozoe wã.