Zozuwe 10:41 - WẼNNAAM SEBRE 2014

⁴¹ A Zozoe tõog n deega tẽmsã fãa, sẽn sɩng ne Kadɛɛs Barneya n tɩ ta Gaaza ne Gosɛn hal n tɩ tãag Gabawõ.

SEBR SÕNGO

⁴¹ A Zozuwe tõog-b-la fãa gilli: Kadɛs-Barnea n ta Gaza, n ta Gosen, n ta Gabaõ.

Zozuwe 10:41 Iomraidhean Croise

Sɩngrẽ 10:19

Kana buudã neb soolem tɛk sɩngda ne Sɩdõ n dabd Geraar n tall n tɩ tãag Gaaza, n leb n yi Sodom sẽnẽ, n dabd Gomoor ne Adma la Seboyim, n tall n tɩ tãag Lesa.

1 Rĩm-dãmbã 3:5

La rĩm a Salmo sẽn wa n be Gabawõ wã, Sẽn-Ka-Saab vẽnega b meng ne-a yʋng zãmsd pʋgẽ. Wẽnnaam yeela rĩm a Salmo yaa: «Kos maam fo sẽn dat bũmb ninga, la m na n kõ-f lame.»

Zakari 9:5

Askalon na n yãnda bõn-kãens tɩ rabeem yõk-a. Gaaza me na n diga ne rabeem, Ekrõ me na n diga ne rabeem bala, bãmb sẽn ning b tẽebã tẽng ning zugã na n paama yãnde. Gaaza rĩmã na n menemame. Ned ka na n leb n zĩnd Askalon ye.

Sõadga 13:26

La bãmb lebg n leba a Moyiis ne a Aarõ nengẽ, la Israyɛll nebã fãa sẽn be Kadɛɛsã Paarã weoogã pʋgẽ wã nengẽ. Dẽ, bãmb togsa a Moyiis bũmb ning fãa bãmb sẽn yãndã, la b wilga bãmb tẽngã tɩɩs biisi.

Sõadga 32:8

Yãmb ba-rãmbã me maana a woto, wakat ning mam sẽn zĩnd Kadɛɛs-Barneya n tʋm-b tɩ b kẽng n tɩ ges Kana tẽngã.

Sõadga 34:4

La toadgã na n gõdga nug-rɩtgã n yi Akrabim tãngã rʋʋdgã, n tɩ yi Sĩn n baas Kadɛɛs-Barneya rɩtgã, n lɛɛg n yi Atsaar-Adaare, la Asmone.

Tʋʋma 8:26

La Zu-soabã malɛɛk goma ne a Filip n yeel-a t'a yik n kẽng wĩndgã goabg n tũ sor ningã sẽn yit Zeruzalɛm n dabd Gaaza, n yaa weoog sorã.

Yaoolem 1:19

Tõnd yikame n yi Horɛɛb n kẽn n pɩʋʋg we-rao-kẽen-kãngã sẽn dɩt nebã wala y sẽn tẽrã. Tõnd dɩka Amoor-dãmbã tãng sor wa Sẽn-Ka-Saab sẽn yaa tõnd Wẽnnaamã sẽn dag n yeel tõndã, la tõnd taa Kadɛɛs-Barneya.

Yaoolem 2:23

La sã n yaa ne Aava nebã sẽn dag n be tẽn-bãoonegã sẽn tall n tɩ tãag Gaaza wã, yaa Kaftoor nebã sẽn yit Kaftoorã n sãam bãmb n deeg b zĩigã n zĩndi.

Yaoolem 9:23

Sẽn-Ka-Saab sẽn wa n kɩt tɩ yãmb yi Kadɛɛs-Barneya wã, bãmb yeela yãmb yaa: «Yik-y n kẽng-y tẽng ning mam sẽn kõ yãmbã n tɩ zab n deeg-a n sooge.» La yãmb kɩɩsa Sẽn-Ka-Saab sẽn yaa yãmb Wẽnnaamã noore, yãmb ka tẽ bãmba, la y ka sak bãmb koɛɛgã ye.

Zozuwe 10:12

Dẽ, daar ning Sẽn-Ka-Saab sẽn kɩt tɩ Israyɛll nebã tõog Amoor-dãmbã, a Zozoe goma ne Sẽn-Ka-Saab Israyɛll nebã nifẽ n yeel yaa: «Wĩntoogã, yals Gabawõ zugẽ! Kiuugã, fo me yals Ayalõ longẽ wã.»

Zozuwe 10:2

Dẽ, rabeem-kãseng yõka yẽnda, bala, Gabawõ rag n yaa tẽn-kãseng wa rĩm-dãmb tẽmse. A rag n yaa tẽn-kãseng n yɩɩd Ayi tẽngã menga, la a nebã fãa yaa nin-wobdo.

Zozuwe 11:16

Woto, a Zozoe reega tẽn-kãensã fãa: Tãngã ne Negɛɛv fãa, la Gosɛn tẽngã zãnga, la kunkubã ne Araba tẽn-nabdrã, la Israyɛll tãngã ne a tãmsã sigdsã fãa.

Zozuwe 11:22

Anak-rãmba ned baa a yembr ka kell Israyɛll nebã tẽngẽ ye. Yaa b neb nins sẽn dag n be Gaaza, Gate ne Asdoodã bal n kelle.

Zozuwe 15:51

Gosɛn, Holon Gɩdo. Yaa tẽms piig la a yembr ne b tẽn-kɩremse.

Bʋ-kaoodba 16:1

Daar a yembre, a Samsõ kẽnga Gaaza. La a tɩ yãnda pʋg-yoodr beenẽ, n kẽ ne-a.

Bʋ-kaoodba 16:21

Filistẽ-dãmbã yõka a Samsõ n kɩɩd a ninã, n tall-a n kẽng Gaaza. Beenẽ, b balga yẽnda ne zũud sogle, n kɩt tɩ yẽnda werd koodã bi-bees roogã pʋga.

1 Sãmwɛlle 6:17

Ad sãnem noad mamsd nins Filistẽ-dãmbã sẽn maan n kõ Sẽn-Ka-Saab b beegrã yĩngã: A yembr yaa Asdood yʋʋr yĩnga, a yembr Gaaza yʋʋr yĩnga, a yembr Askalon yʋʋr yĩnga, a yembr Gat yʋʋr yĩnga, la a yembr yaa Ekrõ yʋʋr yĩnga.