Zozuwe 10:40 - WẼNNAAM SEBRE 2014

⁴⁰ A Zozoe tõogã kɩren-kãng tẽmsã. Yaa tẽms nins sẽn be tãms sʋkã, ne sẽn be-b Negɛɛvã, la sẽn be-b kunkubã sʋkã, ne b rĩm-dãmbã. Bãmb ka bas ned ba a yembr tɩ põs ye, la b sãama bũmb ning fãa sẽn vʋʋsd ne yõore, wa Sẽn-Ka-Saab sẽn yaa Israyɛll Wẽnnaamã sẽn dag n yeelã.

SEBR SÕNGO

⁴⁰ A Zozuwe sẽn tõog tẽns niynsa yɩɩ woto: tãng zug rãmba, Negɛb rãmba, bãadẽ dãmba, kunkubẽ dãmba: Dĩm bi talga, ned ba a ye ka pa vɩɩg ye. Bõn-vɩɩl fãa soogr da lebga kisgu, wala Israyɛl Wẽnnaama sẽn da kõ-a noore.

Zozuwe 10:40 Iomraidhean Croise

1 Rĩm-dãmbã 15:29

La a Basa sẽn lebg rĩmã, a kʋʋ a Zeroboaam roogã gilli, n ka tol n bas a ned ba a yembr tɩ põs ye. Yẽnda kʋ-b-la zãng wa Sẽn-Ka-Saab sẽn dag n kɩt tɩ Sɩlo tẽng no-rɛɛs a Akiya togsã.

A Neemi 9:24

La bãmb kambã sɩd kẽeme n deeg tẽngã n sooge. Yãmb ninga Kana tẽngã rãmb yãnd bãmb taoore, n kɩt tɩ b tõog-b ne b rĩm-dãmbã, la b tẽngã nebã, n maan-b wa b sẽn date.

Yɩɩn‑sõamyã 9:17

Sẽn-Ka-Saab kɩtdame tɩ b bãng bãmb sẽn yaa-a soaba, bãmb maanda sẽn yaa tɩrga. Nin-wẽng meng tʋʋmã n na n wẽneg n dɩ-a.

Yikri 34:12

Fo sã n ta zĩig ning fo sẽn dabdã, bɩ f gũus n da wa maan kaool ne tẽngã nebã, tɩ b lebg wa bẽdg yãmb sʋk ye.

Sõadga 13:17

A Moyiis sẽn wa n na n tʋm bãmb tɩ b tɩ ges Kana tẽngã, a yeel-b lame yaa: «Bɩ y yi Negɛɛv sẽnẽ, n tɩ rʋ tãmsã n paam n kẽ Kana.

Yaoolem 1:7

Yik-y n wẽnemd-y n kẽng-y Amoor-dãmbã tãms sʋka, la Araba sẽn yegd bãmbã, la tãmsã sʋka, ne tẽn-nabdrẽ wã, la Negɛɛv ne ko-kãsengã noore, la Kana tẽngã, ne Libã hal tɩ ta kʋɩl-kãseng ning sẽn boond tɩ Efratã.

Yaoolem 2:34

Wakat-kãnga, tõnd deega a tẽmsã fãa n kʋ pagbã ne raopã la kambã n ka bas yẽnda ned baa a ye t'a põs ye.

Yaoolem 7:24

Bãmb na n sõnga yãmb tɩ y tõog bãmb rĩm-dãmbã, la yãmb na n kɩtame tɩ b yʋʋr menem tẽng zugu. Bãmb ned baa a yembr ka na n tõog n yals n zab ne yãmba, hal tɩ yãmb wa sãam-b zãnga.

Zozuwe 10:35

La b tõoga Eglõ badaar bala, n kʋ a nebã ne neb nins fãa sẽn dag n be tẽngã pʋgã ne zabr sʋʋga. A Zozoe sãama tẽngã zãng badaar wa a sẽn dag n maan Lakiis to-to wã.

Zozuwe 10:37

Bãmb tõog-a lame n kʋ a nebã ne zabr sʋʋga. Yẽnda kʋʋ tẽngã nebã, ne a rĩmã, la b sãam a tẽn-bãoonegã sẽn gũbg-a wã fãa. La b kʋ neb nins fãa sẽn dag n be tẽn-kãng pʋgã, wa b sẽn maan Eglõ to-to wã. A Zozoe ka bas ned baa a yembr tɩ põs ye. A sãama b fãa, ne neb nins sẽn dag n be beenẽ wã.

Zozuwe 10:39

Bãmb tõoga Debɩɩr tẽngã ne a rĩmã, ne tẽn-bãooneg nins fãa yẽnda sẽn so wã. Israyɛll nebã kʋʋ Debɩɩr nebã ne zabr sʋʋga, baa ne neb nins fãa sẽn dag n be tẽngã pʋgẽ wã, n ka bas ned ba a yembr tɩ põs ye. A Zozoe maana Debɩɩr tẽngã ne a rĩmã wa yẽnda sẽn dag n maan Ebrõ la Libna neb rĩm-dãmbã to-to wã.

Zozuwe 11:16

Woto, a Zozoe reega tẽn-kãensã fãa: Tãngã ne Negɛɛv fãa, la Gosɛn tẽngã zãnga, la kunkubã ne Araba tẽn-nabdrã, la Israyɛll tãngã ne a tãmsã sigdsã fãa.

Zozuwe 12:8

Yaa tãngã zugã ne kunkubã la Araba tẽn-nabdrẽ wã, la tãngã sigdgẽ wã, ne sẽn teesd weoogã la Negɛɛve, ne Hɛt-rãmbã, la Amoor-dãmbã ne Kana-rãmbã, la Ferɛɛz rãmbã, ne Hevi-rãmbã, n paas Zebuus-rãmbã tẽmsã.

Zozuwe 18:21

Ad tẽms nins b sẽn kõ Benzame buudã wa sẽn zems b buudã sõore: Yaa Zeeriko, Bɛt-Hogla, Emek-ketsitsi,

Zozuwe 6:17

Tẽngã ne bũmb nins fãa sẽn be a pʋgẽ wã yaa Sẽn-Ka-Saab n so, la b segd n sãam-b lame. Yaa pʋg-yoodr a Rahaab ne neb nins sẽn be yẽnda roogẽ wã bal n na n põse. Bala, yẽnda solga neb nins tõnd sẽn dag n tʋmã.

Zozuwe 8:2

Fo sẽn maan Zeeriko ne a rĩmã to-to wã, f na n maana Ayi ne a rĩmã me a woto. La y sã n tõog tẽngã, bɩ y wʋk te-zɛɛdmã ne rũmsã n sooge. Bɩ f yãk tãb-biis n tʋm tɩ b tɩ soond Ayi tẽngã poore.»

Zozuwe 8:27

Dẽ, Israyɛll nebã wʋka tẽngã te-zɛɛdmã ne rũmsã n soog wa Sẽn-Ka-Saab sẽn dag n yeel a Zozoe wã.

Zozuwe 9:24

Bãmb leoka a Zozoe n yeel-a yaa: «Yãmb tʋmtʋmdbã wʋma bũmb nins fãa yãmb Wẽnnaamã sẽn yeel b tʋmtʋmd a Moyiis tɩ b na n menesa tẽn-kãngã nebã fãa la b reeg tẽngã n kõ yãmbã. Yãmb rabeem yõka tõnd wʋsgo, tɩ d baood n fãag d vɩɩm. Yaa rẽ yĩng n kɩt tɩ d maan a woto.