Zozuwe 10:39 - WẼNNAAM SEBRE 2014

³⁹ Bãmb tõoga Debɩɩr tẽngã ne a rĩmã, ne tẽn-bãooneg nins fãa yẽnda sẽn so wã. Israyɛll nebã kʋʋ Debɩɩr nebã ne zabr sʋʋga, baa ne neb nins fãa sẽn dag n be tẽngã pʋgẽ wã, n ka bas ned ba a yembr tɩ põs ye. A Zozoe maana Debɩɩr tẽngã ne a rĩmã wa yẽnda sẽn dag n maan Ebrõ la Libna neb rĩm-dãmbã to-to wã.

SEBR SÕNGO

³⁹ A dĩma ne a soolem dãmba fãa, a kood-b lame. Bõn-vɩɩl fãa soogr da lebga kisgu la woto, ba a ye ka põs ye. A Zozuwe sẽn maan bũmb ning ne Ebrõ, bõn-kãng la a maan ne Debir la bõn-kãng me la a reng n maan ne Libna la a dĩma.

Zozuwe 10:39 Iomraidhean Croise

2 Rĩm-dãmba 10:11

Woto, a Zehu kʋʋ a Akaab buudã neb nins fãa sẽn dag n ket n be Zizreyɛllã zãnga. Yẽnda kʋ a nin-kãsemsã, a zo-rãmbã, la a maan-kʋʋdbã n ka bas ba a yembr tɩ põs ye.

A abdiyas 1:18

A Zakoob buudã na n lebga wa bugum, la a Zozɛf buudã na n lebga wa bug-witim, t'a Ezayu buudã lebg wa moodo, tɩ b rɩ-a n sãam-a zãnga. A Ezayu buudã ned ba a yembr ka na n põs ye. Yaa maam a Sẽn-Ka-Saab n yeele!

Yaoolem 3:3

Sẽn-Ka-Saab sẽn yaa tõnd Wẽnnaamã rɩka Basan naab a Oog me ne a nebã fãa n ning tõnd nugẽ. Dẽ, tõnd kʋʋ bãmb zãng n ka tol n bas ned baa a yembr t'a põs ye.

Zozuwe 10:33

La Gezɛɛr rĩm a Horam yikame n na n sõng Lakiis rĩmã. La a Zozoe kʋʋ yẽnda ne a nebã zãnga, n ka bas tɩ ned baa a yembr põs ye.

Zozuwe 10:37

Bãmb tõog-a lame n kʋ a nebã ne zabr sʋʋga. Yẽnda kʋʋ tẽngã nebã, ne a rĩmã, la b sãam a tẽn-bãoonegã sẽn gũbg-a wã fãa. La b kʋ neb nins fãa sẽn dag n be tẽn-kãng pʋgã, wa b sẽn maan Eglõ to-to wã. A Zozoe ka bas ned baa a yembr tɩ põs ye. A sãama b fãa, ne neb nins sẽn dag n be beenẽ wã.

Zozuwe 10:38

A Zozoe ne Israyɛll nebã wẽnemdame n kẽng n tɩ zab ne Debɩɩre.

Zozuwe 10:40

A Zozoe tõogã kɩren-kãng tẽmsã. Yaa tẽms nins sẽn be tãms sʋkã, ne sẽn be-b Negɛɛvã, la sẽn be-b kunkubã sʋkã, ne b rĩm-dãmbã. Bãmb ka bas ned ba a yembr tɩ põs ye, la b sãama bũmb ning fãa sẽn vʋʋsd ne yõore, wa Sẽn-Ka-Saab sẽn yaa Israyɛll Wẽnnaamã sẽn dag n yeelã.

Zozuwe 11:8

Sẽn-Ka-Saab kɩtame tɩ Israyɛll nebã tõog-ba. B kʋ-b lame n dig-b n tɩ ta Sɩdõ kãsengẽ wã, hal n tɩ tãag Misrefot-mayim, n tɩ tãag Mispa longã sẽn dabd yaangã sẽnẽ. Israyɛll nebã kʋʋ bãmb n ka bas tɩ ned ba a yembr põs ye.

Zozuwe 12:13

Debɩɩr dĩmã, Gedɛɛr rĩmã,

1 Sãmwɛlle 15:3

Moasã, bɩ f kẽng n tɩ zab ne Amalɛk nebã, n sãam bũmb nins b sẽn tarã zãnga. Da zoe-y b nimbãaneg ye. Kʋ-y pagbã ne raopã, kambã ne kom-peelsã, niigã ne piisã, la yʋgma wã ne bõensã fãa.»

1 Sãmwɛlle 15:8

Yẽnda yõka Amalɛk rĩm a Agaag vɩɩga, la a kʋ nebã fãa ne sʋʋga.