Zozuwe 10:36 - WẼNNAAM SEBRE 2014

³⁶ A Zozoe ne Israyɛll nebã fãa tũu taab n yi Ɛglõ n kẽng Ebrõ n tɩ zab ne-a.

SEBR SÕNGO

³⁶ A Zozuwe ne Israyɛl tõre yii Eglõ n ta Ebrõ n tak zabre.

Zozuwe 10:36 Iomraidhean Croise

Sɩngrẽ 13:18

Dẽ, a Abram tilga a fu-rotã Mamre tɩɩsã sẽnẽ, n yegl Ebrõ n kẽ. La a Abram mee tẽn-kugr beenẽ Sẽn-Ka-Saab yĩnga.

1 Kibayã 12:23

Daar fãa, neb n dag n wat n sõngd a Davɩɩd tãb-biisã, hal tɩ tãb-biisã sõor wa lebg wʋsg wa Wẽnnaam tãb-biisi.

1 Kibayã 12:28

A Zoyiyaada sẽn yaa a Aarõ buudã naabã rag n tara neb tus a tã la kobs-yopoe.

2 Kibayã 11:10

ne Soreya, la Ayalõ, ne Ebrõ. Tẽn-bãmb fãa bee Zʋʋda ne Benzame soolmã pʋsẽ. Bãmb yaa tẽms sẽn tar pãnga.

Sõadga 13:22

Bãmb kẽname n tɩ kẽ Negɛɛv soolmã, n kolg Ebrõ tẽngã. La yaa Ahima, ne Sesayi, la a Talmayi buudã sẽn yaa a Anak yagensã n dag n be beenẽ. Ebrõ tẽngã meeb tɩ yʋʋm-yopoɛɛlẽ, la b yaool n na n me Sowan tẽngã sẽn be Ezɩptã soolmẽ wã.

Zozuwe 10:3

Zeruzalɛm dĩm a Adoni Sedɛk yeela Ebrõ rĩm a Hokam ne Yarmut rĩm a Piram, ne Lakiis rĩm a Yafiya, ne Eglõ rĩm a Debɩɩr yaa:

Zozuwe 10:35

La b tõoga Eglõ badaar bala, n kʋ a nebã ne neb nins fãa sẽn dag n be tẽngã pʋgã ne zabr sʋʋga. A Zozoe sãama tẽngã zãng badaar wa a sẽn dag n maan Lakiis to-to wã.

Zozuwe 10:37

Bãmb tõog-a lame n kʋ a nebã ne zabr sʋʋga. Yẽnda kʋʋ tẽngã nebã, ne a rĩmã, la b sãam a tẽn-bãoonegã sẽn gũbg-a wã fãa. La b kʋ neb nins fãa sẽn dag n be tẽn-kãng pʋgã, wa b sẽn maan Eglõ to-to wã. A Zozoe ka bas ned baa a yembr tɩ põs ye. A sãama b fãa, ne neb nins sẽn dag n be beenẽ wã.

Zozuwe 10:5

Dẽ, Amoor-dãmbã rĩm-dãmb a nu wã lagma taaba: Yaa Zeruzalɛm dĩmã, Ebrõ rĩmã, Yarmut rĩmã, Lakiis rĩmã, ne Eglõ rĩmã. Bãmb yii ne b tãb-biisã fãa n tɩ tilg b tãb-sikã Gabawõ tẽngã noor n na n zab ne-ba.

Zozuwe 15:13

B kõo a Yefune biig a Kalɛɛb zĩig a Zʋʋda kambã sʋka, wa sẽn zems Sẽn-Ka-Saab sẽn dag n yeel a Zozoe wã. Yaa Kiryat-Arba sẽn yaa Ebrõ wã. A Arba rag n yaa a Anak ba.

Zozuwe 15:54

Humeta, Kiryat-Arba sẽn yaa Ebrõ ne Siyoore. Yaa tẽms a wɛ ne b tẽn-kɩremse.

Zozuwe 21:13

B yãka weem-tẽms n kõ maan-kʋʋd a Aarõ yagensã, tɩ ned sã n kʋ a to bɩ a zoe n tɩ soond be. Yaa Ebrõ ne a tẽn-kɩremsã, Libna ne a tẽn-kɩremsã.

Bʋ-kaoodba 1:10

Zʋʋda nebã kẽngame n tɩ zab ne Kana nebã sẽn be Ebrõ, b sẽn dag n boond tɩ Kiryat-Araba wã. La b tõoga Sesayi buudã, Ayimane buudã ne Talmayi buudã.

Bʋ-kaoodba 1:20

B rɩka Ebrõ n kõ a Kalɛɛb wa a Moyiis sẽn dag n yeelã. La a Kalɛɛb tõog n diga a Anak buud a tãabã tɩ b yi beenẽ.