Zozuwe 1:6 - WẼNNAAM SEBRE 2014

⁶ Keng f meng n paam daoodo. Bala, yaa foom n na n kɩt tɩ m nebã soog tẽng ning mam sẽn wẽen n yeel b yaab-rãmbã tɩ m na n kõ-b lame wã.

SEBR SÕNGO

⁶ Keng f sũuri, wɩsg f menga. Yaa foo n na n pʋɩ m nebã tẽng ning m sẽn kãab b yaab rãmbã.

Zozuwe 1:6 Iomraidhean Croise

Sɩngrẽ 12:7

Sẽn-Ka-Saab puka b meng ne a Abram n yeele: «Mam na n kõo fo yagensã tẽn-kãngã tɩ b sooge.» La a Abram mee tẽn-kugr beenẽ, Sẽn-Ka-Saab sẽn puk b meng ne yẽnda wã yĩnga.

Sɩngrẽ 26:3

Zĩnd sãand tẽn-kãng pʋga, bala, mam bee ne foom, la m na n ning-f-la barka. Bala, mam na n dɩka tẽn-bãmb fãa n kõ foom ne f yagensã tɩ y sooge. Mam na n maana woto, n pids wẽeneg ning mam sẽn dag n wẽen ne fo ba a Abrahaamã.

2 Sãmwɛlle 10:12

Keng f meng tɩ d yɩ gãndaad n zab d nebã yĩnga, ne tõnd Wẽnnaamã tẽms yĩnga, la bɩ Sẽn-Ka-Saab maan b raabo.»

1 Rĩm-dãmbã 2:2

«Mam na n kiime n kẽng zĩig ning ninsaalbã fãa sẽn dabdẽ wã. Dẽ yĩngã, keng f meng n yɩ raoa.

1 Kibayã 22:13

Woto, fo sã n sak noy la no-tũuds nins Sẽn-Ka-Saab sẽn dag n kõ a Moyiis Israyɛll yĩngã, fo na n paama tõogre. Dẽ yĩngã, bɩ f paam pãng la raoodo, la f ra zoe rabeem, la f ra yɛɛs ye.

1 Kibayã 28:10

Gese, moasã, Sẽn-Ka-Saab yãka foom, tɩ f tõe n me roog sẽn yaa zĩ-sõngo. Paam daood n tʋme.

1 Kibayã 28:20

A Davɩɩd yeela a Salmo yaa: «M biiga, keng f meng n paam daood n tʋme. Ra zoe rabeem ye, ra yɛɛs ye. Bala, Wẽnnaam Sẽn-Ka-Saab sẽn yaa mam Wẽnnaamã na n zĩnda ne foom. Bãmb ka na n zãag b meng ne foom, bãmb ka na n bas foom, hal tɩ Sẽn-Ka-Saab roogã meeb tʋʋmd fãa wa sɛ.

2 Kibayã 15:7

La sã n yaa yãmba, keng-y y sũuri, la y ra boog y raood ye. Bala, tʋʋm ninsã fãa yãmb sẽn maandã na n paama keoore.»

2 Kibayã 20:11

La ade, nin-bãmbã sẽn dond tõnd bũmb ninga, yaa tɩ b wa n na n diga tõnd n yiis yãmb soolem ning y sẽn kõ tõndã pʋgẽ.

2 Kibayã 20:7

Tõnd Wẽnnaam, ka yãmb n dig tẽn-kãngã nebã Israyɛll sẽn yaa yãmb nebã taoore, n dɩk b tẽngã n kõ a Abrahaam sẽn yaa y zoa wã yagens sɩda?

Yɩɩn‑sõamyã 27:14

Maan tẽeb ne Sẽn-Ka-Saabo! Paam daoodo, la f keng f menga! Maan tẽeb ne Sẽn-Ka-Saabo!

A Dãniyɛlle 10:19

Yẽnda yeela maam yaa: ‹Wẽnnaam nin-nongre, ra zoe rabeem ye. Gãneg f yam! Keng f meng n paam daoodo!› La yẽnda sẽn dag n gomd ne maamã wakate, mam leb n paama pãng n tõog n gom n yeele: M soaala, bɩ y gome! Bala, yãmb leb n kõ-m-la pãnga.»

A Aaze 2:4

Moasã, maam a Sẽn-Ka-Saab yetame: «Zorobabɛlle, paam daoodo! A Yehosadak biig a Zozoe sẽn yaa maan-kʋʋr kãsmã, paam daoodo! Yãmb a tẽngã gill fãa nebã, paam-y raoodo! Yaa maam a Sẽn-Ka-Saab n yeele. Tʋm-y-yã! Bala, mam bee ne yãmba, yaa maam a Saasẽ-Pãng-Soabã n yeele.

Zakari 8:9

Saasẽ-Pãng-Soabã yetame: «Yãmb dãmb sẽn wʋm gom-kãensã no-rɛɛsdbã sẽn togs wakat ning b sẽn yẽbg Saasẽ-Pãng-Soabã roogã, la wakat ning b sẽn na n me-a wã, paam-y raoodo!

Sõadga 26:53

«Bɩ f pʋɩ tẽngã n kõ tɩ Israyɛll buud fãa paam a pʋɩɩr wa sẽn zems a buudã neb sõore.

Sõadga 33:53

La yãmb na n deega tẽngã n sooga, la y zĩnd a pʋgẽ, bala, maam n kõ yãmb tẽn-kãng tɩ y sooge.

1 Korẽnt rãmba 16:13

Neend-y-yã! Yals-y kãenkãe tẽebã pʋgẽ! Yɩ-y raopa, keng-y y mense.

Efɛɛz Rãmba 6:10

Sẽn keta, mam yeta yãmb tɩ y paam raood Zu-soabã tũudum pʋgẽ, bãmb pãn-kãsengã maasem yĩnga.

Yaoolem 1:21

Gese, Sẽn-Ka-Saab sẽn yaa yãmb Wẽnnaamã kõo yãmb tẽngã, kẽng-y n tɩ soog-y-yã-a wa Sẽn-Ka-Saab sẽn yaa yãmb yaab-rãmbã Wẽnnaamã sẽn yeel yãmbã. Ra yɛɛs-y ye, la ra-y zoe-y rabeem ye.

Yaoolem 1:8

Gese, mam kõo yãmb tẽngã. Kẽng-y n tɩ soog-y tẽng ning Sẽn-Ka-Saab sẽn dag n wẽen ne y yaab-rãmb a Abrahaam ne a Izaak la a Zakoob tɩ m na n kõo bãmb ne b yagensã.»

Yaoolem 11:8

Rẽ yĩnga, sak-y tõod nins fãa mam sẽn kõt yãmb dũndã wã n paam pãng n tõog n deeg tẽng ning yãmb sẽn dabd n na n tɩ soogã,

Yaoolem 31:23

Sẽn-Ka-Saab yeela a Nun biig a Zozoe yaa: «Nang pãnga, keng f sũuri. Bala, yaa foom n na n tall Israyɛll nebã n kẽ tẽng ning mam sẽn dag n wẽen tɩ mam na n kõo bãmbã. La mam mengã na n zĩnda ne foom.»

2 Tɩmote 2:1

Dẽ, m biiga, keng f meng bark ning sẽn be a Zeezi Kiris pʋgẽ wã pʋgẽ.

Zozuwe 1:18

Ned ning fãa sẽn na n kɩɩs yãmb koɛɛgã, la a zãgs t'a ka na n sak yãmb sẽn yeel bũmb ning fãa wã, a sɩbgr na n yɩɩ kũum. Yãmb we n paam daoodo, la y keng y menga.

Zozuwe 1:7

Fo we n keng f meng n paam daood bala, la f mao n sak tõog ning mam tʋmtʋmd a Moyiis sẽn kõ foomã neere. Fo sã n dat n paam tõogr ne bũmb nins fãa fo sẽn na n maanã, bɩ f ra bʋdg n leb goabg bɩ rɩtg ye.

Zozuwe 1:9

Mam ka yeel foom tɩ f keng f meng n paam daood la? Da zoe rabeem ye, da yɛɛs ye. Bala, Sẽn-Ka-Saab sẽn yaa fo Wẽnnaamã na n zĩnda ne foom zĩig ninga fãa fo sẽn na n kẽnge.»

Zozuwe 10:25

La a Zozoe yeela bãmb yaa: «Da zoe-y rabeem la y ra yɛɛs ye! Keng-y y mense, la y paam raoodo. Bala, Sẽn-Ka-Saab na n maana yãmb bɛɛb nins fãa y sẽn zab ne wã a woto.»

Zozuwe 13:6

n paas neb nins sẽn be-b tãmsã zutã, sẽn sɩng ne Libã n tɩ tãag Misrefot-Mayim, ne tẽms nins fãa Sɩdõ nebã sẽn so wã. Mam na n deesa tẽn-bãmbã fãa tɩ yɩ Israyɛll nebã pʋɩɩre. La bũmb sẽn be bala, pʋɩ tẽngã n kõ Israyɛll nebã tɩ yɩ b pʋɩɩre wa mam sẽn dag n yeel foomã.

Zozuwe 18:3

A Zozoe yeela Israyɛll nebã yaa: «Yãmb na n basame tɩ ta dabʋr tɩ y yaool n deeg tẽng ning Sẽn-Ka-Saab sẽn yaa yãmb ba-rãmbã Wẽnnaamã sẽn kõ yãmbã?

Zozuwe 21:43

Sẽn-Ka-Saab maana a woto, n kõ Israyɛll nebã tẽngã wa bãmb sẽn dag n kãab b yaab-rãmbã tɩ b na n kõ-b lame wã. Israyɛll nebã reega tẽngã n kẽ.

Zozuwe 5:6

Sɩd me, Israyɛll nebã rag n kẽna yʋʋm pis-naas weoogã pʋga, hal tɩ raop nins fãa sẽn tõe n kẽng zabrã sẽn dag n yi Ezɩpt n yaool n ka sak Sẽn-Ka-Saab noorã fãa ki. Bala, Sẽn-Ka-Saab wẽena ne bãmb n yeel tɩ bãmb ka na n kɩt tɩ b yãnd tẽng ning bãmb sẽn kãab b yaab-rãmbã tɩ b na n kõ-d lame wã ye. Yaa tẽng sẽn pid ne bĩisim la sɩɩdo.

1 Sãmwɛlle 4:9

Filistẽ-dãmba, keng-y y mens n yɩ raopa, n da wa lebg Ebre rãmbã yembs wa bãmb sẽn yaa yãmb yembsã ye. Bɩ yãmb yɩ raop n zabe.»