Zozuwe 1:5 - WẼNNAAM SEBRE 2014

⁵ Fo vɩɩmã tɛka, ned ba a ye kõn tõog n teeg a yãoog ne foom ye. Bala, mam na n zĩnda ne foom wa m sẽn zĩnd ne a Moyiisã. Mam na n yãaga foom, la mam kõn tol n bas n ka sõng-f ye.

SEBR SÕNGO

⁵ F na tol n ki tɩ ned pa tõog-f ye. Wala m sẽn pa ne a Moyiiz, m na maan boto me ne foom, m kõn zãag m meng ne foom ye. M kõn bas-f ye.

Zozuwe 1:5 Iomraidhean Croise

Sɩngrẽ 39:2

La Sẽn-Ka-Saab rag n bee ne a Zozɛfe. A Zozɛf rag n paamda tõogr ne bũmbã fãa. Yẽnda rag n bee Ezɩpt nedã sẽn yaa yẽnda soaalã zakẽ.

1 Rĩm-dãmbã 1:37

Bɩ Wẽnnaam Sẽn-Ka-Saab zĩnd ne a Salmo, wa b sẽn dag n zĩnd ne rĩm a Davɩɩdã. La b kɩt t'a Salmo naamã yɩ kãseng n yɩɩg tõnd dĩm a Davɩɩd naamã.»

1 Rĩm-dãmbã 11:38

Fo sã n sak n maan bũmb nins mam sẽn yeel foomã neere, n sak n kẽn wa mam sẽn datã, la f maan sẽn tat mam yam, n tũ mam tõodã ne m noyã, wa mam tʋmtʋmd a Davɩɩd sẽn dag n maandã, mam na n zĩnda ne foom n kɩt tɩ f roogã kaoos wa mam sẽn maan a Davɩɩd yĩngã, la m kɩt tɩ f soog Israyɛlle.

1 Rĩm-dãmbã 6:13

Mam na n zĩnda Israyɛll nebã sʋka, la mam kõn tol n bas Israyɛll sẽn yaa mam nebã ye.»

1 Rĩm-dãmbã 8:57

Bɩ Sẽn-Ka-Saab sẽn yaa tõnd Wẽnnaamã zĩnd ne tõndo, wa bãmb sẽn dag n be ne tõnd yaab-rãmbã. Bɩ b ra bas-do, la bɩ b ra zãag ne-d ye.

1 Kibayã 28:20

A Davɩɩd yeela a Salmo yaa: «M biiga, keng f meng n paam daood n tʋme. Ra zoe rabeem ye, ra yɛɛs ye. Bala, Wẽnnaam Sẽn-Ka-Saab sẽn yaa mam Wẽnnaamã na n zĩnda ne foom. Bãmb ka na n zãag b meng ne foom, bãmb ka na n bas foom, hal tɩ Sẽn-Ka-Saab roogã meeb tʋʋmd fãa wa sɛ.

Yɩɩn‑sõamyã 46:11

Bɩ y yalse, la y bãng tɩ mam yaa Wẽnnaam. Maam n so soolem-dãmbã, la m so dũniyã.

Yikri 3:12

Wẽnnaam yeelame: «Mam na n zĩnda ne foom. La ad bãnd ning sẽn na n kɩt tɩ fo bãng tɩ yaa maam n tʋm foom. Fo sã n tõog n tall nebã n yi Ezɩpt soolmẽ wã, bɩ y waoog Wẽnnaam tãn-kãngã zugu.»

A Ezayi 42:16

Mam na n kɩtame tɩ zoens kẽn sor b sẽn dag n ka mi zugu. Mam na n tall-b lame n tũ so-bugs b sẽn dag n ka mi pʋga. Mam na n kɩtame tɩ lik-bida lebg vẽenem bãmb taoore, la m kɩt tɩ so-rʋdã lebg saalga. Mam na n maana bõn-kãngã, la m ka na n tol n bas bãmb ye.

Zeremi 1:8

Ra zoe bãmb ye, bala mam bee ne foom n na n fãag foom. Maam a Sẽn-Ka-Saab n yeele.›

A Dãniyɛlle 11:16

Rɩtg rĩmã na n maana a sẽn dat ne Ezɩpt rĩmã, tɩ ned ka be n na n tõog n yals n zab ne-a ye. La yẽnda na n sãama bũmb nins fãa sẽn be yẽnda sorã zugu, n kẽng n tɩ zĩnd tẽng ning sẽn yaa neer n yɩɩd fãa wã pʋgẽ.

A Matiye Sõng 28:20

la y zãms bãmb tɩ b sak bũmb nins fãa mam sẽn yeel yãmb tɩ y maanã. La gese, mam bee ne yãmb wakat fãa, hal tɩ ta wakat sɛɛbo.»

Rom Dãmba 8:31

Dẽ, tõnd na n yeelame tɩ bõe ne yel-kãnga? Wẽnnaam sã n bee ne tõndo, ãnda n tõe n zab ne tõndo?

Rom Dãmba 8:37

La bõn-kãens fãa pʋgẽ, tõnd yaa tõaagdb hakɩɩka, sẽn nong-a tõndã maasem yĩnga.

Yaoolem 20:1

Yãmb sã n yi n na n tɩ zab ne y bɛɛbã n yãnd tɩ b tara wiid la saar-dãmb la tãb-biis wʋsg n yɩɩd yãmb sẽn tarã, bɩ y ra zoe bãmb ye. Bala, Sẽn-Ka-Saab sẽn yaa yãmb Wẽnnaamã sẽn yiis yãmb Ezɩptã bee ne yãmba.

Yaoolem 20:4

Bala, Sẽn-Ka-Saab sẽn yaa yãmb Wẽnnaamã yãagda yãmba, n na n zab ne y bɛɛbã n fãag yãmba.»

Yaoolem 31:23

Sẽn-Ka-Saab yeela a Nun biig a Zozoe yaa: «Nang pãnga, keng f sũuri. Bala, yaa foom n na n tall Israyɛll nebã n kẽ tẽng ning mam sẽn dag n wẽen tɩ mam na n kõo bãmbã. La mam mengã na n zĩnda ne foom.»

Yaoolem 4:31

Bala, Sẽn-Ka-Saab sẽn yaa yãmb Wẽnnaamã yaa nimbãan-zoeer soaba, la bãmb ka na n bas yãmba, la b kõn yĩm kãabg ning bãmb sẽn dag n kãab yãmb yaab-rãmbã yell ye.»

Yaoolem 7:24

Bãmb na n sõnga yãmb tɩ y tõog bãmb rĩm-dãmbã, la yãmb na n kɩtame tɩ b yʋʋr menem tẽng zugu. Bãmb ned baa a yembr ka na n tõog n yals n zab ne yãmba, hal tɩ yãmb wa sãam-b zãnga.

2 Tɩmote 4:17

Yaa Zu-soabã n zĩnd ne maam, n kõ-m pãnga, tɩ mam togs koɛɛgã zãnga, tɩ bu-zẽmsã wʋme. La b fãaga maam gɩgemdã noorẽ.

Ebre rãmba 13:5

Bɩ y mao tɩ da yɩ ligdã nonglem n kɩtd tɩ yãmb maand y sẽn maandã ye. Maan-y sũ-noog ne bũmb nins y sẽn tar moasã wã, bala Wẽnnaam meng yeelame yaa: Mam ka na n bas foom f yembr ye, la m ka na n loog n bas foom ye.

Zozuwe 1:17

Tõnd na n saka yãmb ne bũmb fãa wa tõnd sẽn dag n sak a Moyiisã. Bɩ Sẽn-Ka-Saab sẽn yaa yãmb Wẽnnaamã zĩnd ne yãmba, wa b sẽn dag n be ne a Moyiisã.

Zozuwe 1:9

Mam ka yeel foom tɩ f keng f meng n paam daood la? Da zoe rabeem ye, da yɛɛs ye. Bala, Sẽn-Ka-Saab sẽn yaa fo Wẽnnaamã na n zĩnda ne foom zĩig ninga fãa fo sẽn na n kẽnge.»

Zozuwe 10:8

Sẽn-Ka-Saab yeela a Zozoe yaa: «Ra zoe-b lɛlɛ ye. Bala, mam na n kɩtame tɩ f tõog-ba, la b ned ba a ye kõn tol n tõog n teeg a yãoog fo taoor ye.»

Zozuwe 21:44

Sẽn-Ka-Saab kɩtame tɩ Israyɛll nebã soolmã sẽn gilgã fãa zĩnd ne laafɩ, wa bãmb sẽn dag n kãab Israyɛll kambã yaab-rãmb tɩ b na n maaname wã. Israyɛll nebã bɛ baa a yembr ka tõog n yals n teeg a yãoog ne bãmb ye. Sẽn-Ka-Saab kɩtame tɩ bãmb tõog b bɛɛbã fãa.

Zozuwe 3:7

Sẽn-Ka-Saab yeela a Zozoe yaa: «Sẽn sɩng ne rũndã, mam na n kɩtame tɩ fo lebg nin-kãseng Israyɛll nebã fãa nifẽ. La bãmb na n bãngame tɩ mam bee ne foom wa m sẽn dag n be ne a Moyiisã.

Zozuwe 6:27

Sẽn-Ka-Saab rag n bee ne a Zozoe, n kɩtdẽ t'a yʋʋrã saagd tẽngã fãa.

Bʋ-kaoodba 2:18

Sẽn-Ka-Saab sã n dag n yãk bʋ-kaood n kõ Israyɛll nebã, Sẽn-Ka-Saab meng n dag n be ne bʋ-kaoodã a vɩɩm tɛka, n sõngd-a t'a tõogd n fãagd Israyɛll nebã ne b bɛɛbã. Bala, bãmb wõosgã pʋga, la neb nins sẽn maand bãmb pãng n namsd-bã yĩnga, Sẽn-Ka-Saab zoeta bãmb nimbãanega.

Bʋ-kaoodba 6:16

Sẽn-Ka-Saab yeel-a lame: «Mam mengã na n zĩnda ne foom, la fo na n tõoga Madiyã nebã fãa, wa f sẽn tõog nin-yende.»

1 Sãmwɛlle 10:7

Bãn-kãens fãa sã n wa paam pidsg fo zugu, bɩ f maan bũmb nins fo sẽn tog n maanã, bala, Wẽnnaam bee ne foom.