Zozuwe 1:15 - WẼNNAAM SEBRE 2014

¹⁵ Maan-y woto, hal tɩ Sẽn-Ka-Saab ges y ba-biisã yell wa b sẽn ges yãmb yellã, tɩ b na tõog n soog tẽng ning Sẽn-Ka-Saab sẽn yaa yãmb Wẽnnaamã sẽn kõt bãmbã. Rẽ zugẽ, yãmb na yaool n lebg n wa reeg soolem ning Sẽn-Ka-Saab tʋmtʋmd a Moyiis sẽn dag n kõ yãmb tɩ yaa y pʋɩɩrã sẽn be yaangã Zʋrdẽ kʋɩlgã rʋʋndã.

SEBR SÕNGO

¹⁵ Y na n maana woto n ta wakat ning Naaba-Wẽnd sẽn na n kõ y saam-biisa a taaba vʋʋsg tẽnga wala y sẽn paama. Yãmb me na yaool marsã n lɛɛg n wa y soolmẽ. Y na lɛɛg n wa Zʋrdẽ kɩrẽng kãnga wala a Moyiiz sẽn kõ yãmbã.»

Zozuwe 1:15 Iomraidhean Croise

1 Korẽnt rãmba 12:26

Yĩngã will a yembr sã n namsdẽ, wil a taabã fãa naaga yẽnda n namsdẽ. La a yembr sã n paam waoogre, b fãa naagda yẽnda n kɩdemdẽ.

1 Korẽnt rãmba 13:5

a ka maand zãmb baa bilfu, a ka baood a meng nafr bal ye, a ka yikd a sũuri, a ka bĩngd wẽng ning b sẽn maan-a wã a sũurẽ ye,

Galat Rãmba 5:13

M ba-biisi, b boola yãmb tɩ y vɩɩmd lohorem pʋgẽ. La bɩ y da rɩk lohorem‑kãng n na n vɩɩmd wa yĩngã sẽn datã ye. Vɩɩmd-y ne nonglem, la y tʋm n kõ taaba.

Galat Rãmba 6:2

Tʋk-y taab zɩɩbo. Woto, Yãmb na n maana Kiris tõogã sẽn datã.

Yaoolem 3:18

Wakat-kãnga, mam yeela yãmb tɩ Sẽn-Ka-Saab sẽn yaa yãmb Wẽnnaamã kõo yãmb tẽngã tɩ y sooge. Mam yeela yãmb tãb-biisã fãa tɩ b sũ tãp n lʋɩ b saam-biisã sẽn yaa Israyɛll nebã taoore.

Yaoolem 3:20

hal tɩ Sẽn-Ka-Saab wa kõ yãmb saam-biisã zĩig wa b sẽn kõ yãmbã, tɩ b soog tẽng ning Sẽn-Ka-Saab sẽn yaa yãmb Wẽnnaamã sẽn na n kõ bãmb Zʋrdẽ kʋɩlgã rʋʋndã. Dẽ poore, yãmb ned kam fãa tõe n lebg n waa zĩig ning mam sẽn kõ yãmbã.

Yaoolem 9:1

Israyɛll nebã, kelg-y-yã! Dũndã, yãmb na n dʋʋga Zʋrdẽ kʋɩlgã n tɩ deeg soolem sẽn yɩɩd yãmb tɩ b pãng yɩɩd yãmb n deeg b tẽngã n sooge. Yaa tẽn-kãsems sẽn tar lal-bɛd sẽn zẽk n tat saasẽ.

Filip rãmba 2:4

Bɩ yãmb ned kam fãa ra ges a meng sõngr yell bal ye, la bɩ a ges neb a taaba sõngr yell me.

Zozuwe 1:1

Sẽn-Ka-Saab tʋmtʋmd a Moyiis kũumã zugẽ, Sẽn-Ka-Saab goma ne a Nun biig a Zozoe sẽn yɩ a Moyiis rakõorã n yeele:

Zozuwe 1:14

Woto, yãmb pagbã ne y kambã ne y rũmsã na n paa tẽng ning a Moyiis sẽn kõ yãmb Zʋrdẽ kʋɩlgã rʋʋndã. La sã n yaa ne yãmb sẽn yaa raopã, n yaa gãndaadã, yãmb na n boba y zab-teedo, n lʋɩ y ba-biisã taoor n dʋʋg kʋɩlgã n zab n sõng-ba.

Zozuwe 1:16

Bãmb leoka a Zozoe n yeele: Tõnd na n maana bũmb nins fãa yãmb sẽn na n yeel tõnd tɩ d maanã, la d na n kẽnga zĩig ning fãa yãmb sẽn na n tʋm tõndo.

Zozuwe 22:1

Dẽ, a Zozoe boola Rubɛn buudã, Gaad buudã ne Manaase buudã pʋɩ-sʋkã n tigme.