Zozuwe 1:14 - WẼNNAAM SEBRE 2014

¹⁴ Woto, yãmb pagbã ne y kambã ne y rũmsã na n paa tẽng ning a Moyiis sẽn kõ yãmb Zʋrdẽ kʋɩlgã rʋʋndã. La sã n yaa ne yãmb sẽn yaa raopã, n yaa gãndaadã, yãmb na n boba y zab-teedo, n lʋɩ y ba-biisã taoor n dʋʋg kʋɩlgã n zab n sõng-ba.

SEBR SÕNGO

¹⁴ Y pagba, y kom-bõonego; y rũmsa na n paa tẽng ning a Moyiiz sẽn kõ yãmb Zʋrdẽ kɩrẽng kãnga. Sã n ya rapa sẽn tõe n tak zabrã, bãmb fãa na n lʋɩɩ b saam-biisa taoore, b me sõng-ba.

Zozuwe 1:14 Iomraidhean Croise

Yikri 13:18

Dẽ, Wẽnnaam kɩtame tɩ nebã rɩk we-raoogã sor ning sẽn dabd-a rudum ko-kãsengã sẽnẽ wã. Israyɛll nebã tonga taab tãb-bi-sull-sull n yi Ezɩpt tẽngã.

Sõadga 32:26

Dẽ, tõnd kambã ne d pagbã, la d rũmsã fãa na n paa Galaad tẽngã pʋga.

Yaoolem 20:8

Seb-gʋndbã na n kell n goma ne nebã n yeel-ba: «Rabeem sẽn tar a soab t'a sũur ka keeme, bɩ a lebg n kuili, n da wa kɩt tɩ rabeem yõk a saam-biis a taabã ye.

Yaoolem 3:19

Yaa yãmb pagbã ne y kambã ne y rũmsã sẽn yaa wʋsgã bal n na n pa tẽms nins mam sẽn kõ yãmbã pʋsẽ,

Yaoolem 33:21

Yaa bãmb n yãk tẽngã zĩig sẽn welg toor n kõ b mense, bala, b yãka zĩig beenẽ tãb-biis naab yĩnga. Yẽnda n lʋɩ Israyɛll nebã taoore, yẽnda maana sẽn zems Sẽn-Ka-Saab tɩrlmã, a maana wa sẽn zemse, Israyɛll nebã yĩnga.»

Zozuwe 1:13

«Tẽeg-y bũmb ning Sẽn-Ka-Saab tʋmtʋmd a Moyiis sẽn dag n yeel yãmbã. B rag n yeelame: Sẽn-Ka-Saab sẽn yaa yãmb Wẽnnaamã kõta yãmb vʋʋsgo, la b kõo yãmb tẽn-kãngã.»

Zozuwe 1:15

Maan-y woto, hal tɩ Sẽn-Ka-Saab ges y ba-biisã yell wa b sẽn ges yãmb yellã, tɩ b na tõog n soog tẽng ning Sẽn-Ka-Saab sẽn yaa yãmb Wẽnnaamã sẽn kõt bãmbã. Rẽ zugẽ, yãmb na yaool n lebg n wa reeg soolem ning Sẽn-Ka-Saab tʋmtʋmd a Moyiis sẽn dag n kõ yãmb tɩ yaa y pʋɩɩrã sẽn be yaangã Zʋrdẽ kʋɩlgã rʋʋndã.

Zozuwe 4:12

A Rubɛn buudã ne a Gaad buudã n paas a Manaase buudã pʋɩ-sʋk zãa b zab-teed n lʋɩ Israyɛll nebã taoor wa a Moyiis sẽn dag n yeel-b tɩ b maanã.

Vẽnegre 17:4

Pagã ra yera fuug sẽn yaa miu-kẽega, la miuug mas n nags a meng ne sãnem la kug‑neeba, la pɛrl‑dãmba. Pagã rag n zãada sãnem laag a nugẽ, la laagã rag n pida ne tʋʋm-wẽnse, la ne pagã yoobã rẽgdo.