Zeremi 9:9 - WẼNNAAM SEBRE 2014

⁹ Mam na n zĩnda tãmsã zut n yãb n wiisi. Mam na n zĩnda rũmsã wãbneg zĩisẽ we-raoogẽ wã n wiisi. Bala, b wãkame, tɩ ned ka leb n pɩʋʋgd be ye. B ka leb n wʋmd rũms rãamd beenẽ ye. Yĩngr bõn-yɩgdɩ wã ne we-rũmsã fãa zoeeme.

SEBR SÕNGO

⁹ Tãmsã zutu mam zẽkda m koɛɛga m yãbra la m waasga sãtame; m pʋta m sũ-sãang yɩɩlle n yãbd rũmsa wãbneg zĩis sẽn lebg a soabã. Fãa rɩɩ bugum, ned ka le pɩkd be ye, b ka le wʋmd piisa rãamd ye. Luiil wala rũnga, ka le yãet ye, fãa loogame.

Zeremi 9:9 Iomraidhean Croise

A Ezayi 1:24

Woto yĩng kɩtame tɩ Saasẽ-pãng-soabã sẽn yaa Israyɛll Wẽnnaam sẽn tar pãngã yetẽ: «Ad na n yɩɩ toogo! Mam na n maana m zabd-n-taasã wẽng n lebse, la m na n doka m sũur ne m bɛɛbã.

A Ezayi 10:3

Yãmb na n maana a wãn n põs sɩbgrã daare, daar ning sɩbgrã sẽn na n yi zĩ-zãrg n wa wã? Yãmb na n zoe n kẽnga ãnda nengẽ n tɩ paam sõngre? Yãmb na n tɩ bĩnga y arzegsã yɛɛnẽ?

A Ezayi 57:6

Yãmb pʋɩɩrã bee ko-soogã kug-saalã sʋka, yãmb pʋɩɩr la rẽndã. Yãmb daagda maand koom bãmb yĩnga, la y kõt bãmb maand sẽn yõogd bugum kũuni. Sẽn-Ka-Saab sokdame yaa: «Bõn-kãensã fãa tõe n belsa mam sũur sɩda?»

Zeremi 12:11

B kɩtame tɩ tẽngã lebg zĩ-vɩʋʋgo. Tẽngã bee sũ-sãang pʋga. A sãamame n be mam taoore. Tẽngã fãa sãamame, la ned kae n yãbd-a ye.

Zeremi 12:4

Warã na n zĩnda tẽngã pʋg hal tɩ ta dabʋre? Pʋtã mood na n kʋɩta a woto hal tɩ ta dabʋre? Rũmsã ne bõn-yɩgdɩ wã kiime, tẽn-kãng nebã sẽn maan wẽng n yeel tɩ Wẽnnaam ka na n yãnd b manesmã yĩnga.

Zeremi 4:25

Mam gesame la ade, ned ka be ye, la yĩngr bõn-yɩgdɩ wã fãa yɩgame n looge.

Zeremi 5:29

Mam kõn sɩbg nin-bãmbã buud sɩda? Mam kõn dok m sũur ne bu-kãngã sɩda? Maam a Sẽn-Ka-Saab n yeele.

Zeremi 5:9

Maam a Sẽn-Ka-Saab yetame: «Mam ka tog n sɩbg neb a woto buud sɩda? Mam ka tog n dok m sũur ne buud a woto sɩda?

A Ooze 4:3

Woto n kɩte, tɩ sũ-sãang na n kẽ tẽngã. Tẽngã nebã ne we-rũmsã, la yĩngr liuuli wã, hal baa ne zĩmã sẽn be ko-kãsengã pʋgẽ wã na n sãamame.

A Zowɛlle 1:19

Sẽn-Ka-Saabo, yaa yãmb la m boonda! Bala, bugmã rɩɩ we-raoogã yamd zãnga, tɩ bug-witmã rɩ pʋtã pʋsẽ tɩɩsã fãa.

A Amoose 5:1

Israyɛll nebã, kelg-y sũ-sãang yɩɩll m sẽn yɩɩnd yãmb yĩnga

A Amoose 5:2

Israyɛll sẽn yaa wa pʋg-neerã lʋɩɩme, la a kõn tol n yik ye, A lʋɩ n dɩga a meng tẽn-gãongã zugu, tɩ ned ka be sẽn na n doog-a ye.