Zeremi 9:8 - WẼNNAAM SEBRE 2014

⁸ Mam na n sɩbga bãmb bõn-kãens yĩnga. Mam kõn dok m sũur ne buud a woto sɩda? Maam a Sẽn-Ka-Saab n yeele.

SEBR SÕNGO

⁸ Y pa tẽed tɩ m tog n yika ne-ba, yaa Soaala n gomde, la m dok m sũuri ne neb a woto buud bɩ?

Zeremi 9:8 Iomraidhean Croise

2 Sãmwɛlle 3:27

A Abneer sẽn lebg n wa Ebrõ wã, A Zoaab tall-a lame n kẽng tẽngã noore, wa a rat n lillame n togs-a koɛɛga. La a Zoaab kõsa a Abneer pʋga t'a ki. A Zoaab maana woto n na n dol a yao a Azayɛll kũumã.

Yɩɩn‑sõamyã 12:2

Sẽn-Ka-Saabo, fãag-y-do! Bala, pʋ-peen-neb ka leb n beẽ ye. B ka leb n yãt sɩd dãmb ninsaalbã sʋk ye.

Yɩɩn‑sõamyã 12:3

Ned kam fãa yagda zĩrẽ ne a to, nebã gomda no-noom goamã, la sɩd yaool n ka be bãmb pʋgẽ ye.

Yɩɩn‑sõamyã 120:3

Zĩrẽ goam kõta foom bõe? Zãmb goam yõod ne foom yaa bõe?

Yɩɩn‑sõamyã 28:3

Ra naag-y maam ne nin-wẽnsã ye. Ra naag-y maam ne tʋʋm-beed maandbã n sãam ye. Bãmb noyã baooda zems-n-taar ne neb a taabã, tɩ bãmb sũyã yaool n pid ne wẽnga.

Yɩɩn‑sõamyã 35:20

Bala, bãmb ka tol n gomd n baood vɩ-bãan ye, bãmb saagda zãmb saagr tẽngã neb nins sẽn vɩ-b ne bãanã wɛɛngẽ.

Yɩɩn‑sõamyã 55:21

Bɛyã zabda ne neb nins sẽn dag n tar zems-n-taar ne yẽnda wã. Yẽnda sãamda kaool ning a sẽn dag n maanã.

Yɩɩn‑sõamyã 57:4

Baa ne mam bɛyã sẽn baood mam noor n namsd maamã, Wẽnnaam na n zĩnda yĩngr n fãag maam. Wẽnnaam na n tʋma b nonglmã ne b sɩdã mam yĩnga.

Yɩɩn‑sõamyã 62:5

N-yẽe! Bãmb baood n yiis-a-la a waoogrã zĩigẽ. Bãmb nonga zĩrẽ yagbo. Bãmb noyã ningda barka, tɩ b sũyã kãabd wẽnga.

Yɩɩn‑sõamyã 64:8

La Wẽnnaam linga bãmb n tão peemde, la zĩig pʋgẽ, bãmb paama poglgo.

Yelbũna 25:18

Ned sã n kɩt kaset zĩrẽ a to zugu, a wẽnda wa guug bɩ sʋʋga, wall peemd b sẽn sɩlse.

Zeremi 5:26

Bala, nin-wẽns n be m nebã sʋka. Bãmb sora wa ned sẽn bẽd tãoog n na n yõk liuula. Bãmb gãnega gãmbr n yõgd ninsaalba.

Zeremi 5:9

Maam a Sẽn-Ka-Saab yetame: «Mam ka tog n sɩbg neb a woto buud sɩda? Mam ka tog n dok m sũur ne buud a woto sɩda?

Zeremi 9:3

Bɩ ned kam fãa gũus a meng ne a to, la bɩ ned ra leb n tẽ a saam-biis me ye. Bala, neb maanda zãmb n belgd b saam-biisi, la zoa kãnegda neb ne taaba.

Zeremi 9:4

Bãmb fãa zãmbda taaba, sẽn togsd-a sɩd ka be ye. Bãmb zãmsa b zɛlma wã zĩrẽ yagbo, bãmb maana wẽng n ka leb n tõe n tek ye.

Zeremi 9:5

Bãmb tʋʋmd yaa zãmbg woo zãmbgo. Bãmb maanda zãmb n ka rat n leb n bãng maam ye. Maam a Sẽn-Ka-Saab n yeele.

A Miise 6:12

Tẽngã arzegs rãmb maanda wẽnga, tẽnga neb yagda zĩrẽ, bãmb noyã gomda belgr goamã.