Zeremi 9:7 - WẼNNAAM SEBRE 2014

⁷ Bãmb zɛlma wã yaa wa pe-zẽnem. Bãmb goamã yaa belgr bala. Bãmb gomda laafɩ goam ne b yags n bẽt-ba.»

SEBR SÕNGO

⁷ B zelemd yaa wala pĩim b sẽn zẽne, sẽn zẽne neb kʋʋb yĩnga, b sẽn togsda yaa zirẽ-beedo. Goama yaa gom noodo, yɩnga, la pʋgẽ wã, b sũurẽ wã, yaa bẽdg la b bẽta.

Zeremi 9:7 Iomraidhean Croise

2 Sãmwɛlle 13:26

A Absalom yeela rĩmã yaa: «Sẽn yaa woto tɩ yãmb meng ka na n tõog n wa wã, m kotame tɩ y kõ m kẽem a Amno noor t'a wa naag-do.» La rĩmã soka yẽnda yaa: «Bõe yĩng t'a Amno na n wa fo yiri?»

2 Kibayã 36:15

La Sẽn-Ka-Saab sẽn yaa bãmb ba-rãmb Wẽnnaam tʋma b no-rɛɛsdb tɩ b wa keoog-ba, bãmb sẽn dag n zoet b nebã, la b roogã nimbãanegã yĩngã.

Yɩɩn‑sõamyã 120:4

Yaa gãndaoog pɛɛm sẽn sɩlse, la kagdg raad bug-saala.

Yɩɩn‑sõamyã 55:22

Yẽnda no-goamã yaa wa bĩis-kaam, t'a sũurã yaool n pid ne zabr datem. Yẽnda goamã bʋgsame n yɩɩd kaam, la b yaool n yaa wa zabr sʋʋg sẽn wõoge.

Yɩɩn‑sõamyã 62:5

N-yẽe! Bãmb baood n yiis-a-la a waoogrã zĩigẽ. Bãmb nonga zĩrẽ yagbo. Bãmb noyã ningda barka, tɩ b sũyã kãabd wẽnga.

A Ezayi 1:25

Zeruzalɛm, mam na n leb n tẽega m nugã fo zugu. Mam na n ninga foom boaagẽ n yiis f rẽgdã, wa b sẽn yẽnegd kugr boaagẽ n yiisd kut n basd wãyã, wa b sẽn dɩk zẽem n pek bũmbu. Mam na n yiisa fo tʋʋm-beedã wa namdo.

A Ezayi 48:10

Ade, mam yɩlga foom, la m ka yɩlg-f wa b sẽn yɩlgd wanzuri ye. Mam ninga foom toog boaag pʋgẽ.

A Ezayi 59:3

Bala, yãmb nusã rẽgmã ne zɩɩm, tɩ yãmb kongrã rẽgem yãmb nug-bi wã. Yãmb noyã yagda zĩrẽ, la yãmb zɛlma wã gomda zãmb goam.

Zeremi 31:20

A Efrayiim yaa mam bi-nongre, Mam nonga yẽnda ne m sũur fãa. Mam sã n gomd a yelle, m ket n tagsda a yelle. Yaa rẽ n kɩt tɩ rogem yĩn-sidg tar maam a yĩnga. Yaa sɩda, a nimbãaneg tara maam. Maam a Sẽn-Ka-Saab n yeele.»

Zeremi 5:1

Saag-y Zeruzalɛm soayã zutu. Kẽng-y raasã pʋs n tɩ ges neere, la y sok n gese, y na n yãnda ned sẽn maand tɩrga, la sẽn baood tɩ maan sɩda. Yãmb sã n yãnd ned a woto, mam na n kõo Zeruzalɛm nebã sugri.

Zeremi 6:27

Mam yãka foom a Zeremi, tɩ f yɩ soab ning sẽn na n mak mam nebã, tɩ fo tõe n mak-ba, n bãng b sẽn yaa neb ninsi, la f mak-b n bãng b yel-manesmã sẽn yaa-a soaba.

A Ooze 4:1

Israyɛll nebã, kelg-y Sẽn-Ka-Saab koɛɛga! Sẽn-Ka-Saab tara yell ne tẽngã nebã, bala, sɩd ne maan-neere, la Wẽnnaam bãngr ka be tẽngã pʋgẽ ye.

Zakari 13:9

La m na n dɩka sẽn kell-a wã n ning bugmẽ, mam na n yẽnega yẽnda wa b sẽn yẽnegd wanzuri, mam na n zuga yẽnda wa b sẽn zugd sãnem. Yẽnda na n boola mam yʋʋrã, la mam na n leok-a lame. Mam na n yeelame yaa: «Bãmb n yaa mam nebã.» La bãmb na n yeelame: «Sẽn-Ka-Saab n yaa tõnd Wẽnnaam.»

Malasi 3:3

Yẽnda na n zĩnda wa ned sẽn zĩ n yẽnegd wanzuri n yɩlgd-a. Yẽnda na n yɩlga Leevi yagensã, a na n yɩlga bãmb wa b sẽn yɩlgd sãnem ne wanzuri to-to wã, la bãmb na n yɩɩ neb sẽn tõe n tall kũun n wa Sẽn-Ka-Saab yĩnga, wa sẽn zems tɩrlmã.

1 Pɩyɛɛr 1:7

Yaa sẽn na yɩl n mak yãmb tẽebã n bãng a sẽn yaa a soaba. Sãnem yaa bõn-sãamdga, la baoosgo b makd-a-la ne bugum n getẽ. La yãmb tẽebã sẽn tar yõod wʋsg n yɩɩd sãnemã, b makd-a lame n getẽ, t'a Zeezi Kiris waoongã daare, bɩ y paam pẽgre la ziiri ne waoogre.

1 Pɩyɛɛr 4:12

Mam zo-nongdse, ra sak-y tɩ nams-toaag ning sẽn be yãmb sʋk n makd yãmbã yɩ lingr ne yãmba, tɩ yaa wa yaa yel-sãang n paamd yãmb ye.