Zeremi 9:2 - WẼNNAAM SEBRE 2014

² Bãmb rõnega b zɛlmã wa tãpo, n yagd zĩrẽ. Bãmb sẽn tar pãng tẽngã pʋgẽ wã ka sɩd la b maand ye. Bãmb tʋʋmd yaa wẽng woo wẽng maanego, la bãmb ka mi maam ye. Maam a Sẽn-Ka-Saab n yeele.

SEBR SÕNGO

² Ad-y b zelemda yaa zab-teoog menga Soaalã n gomd boto. Zirẽ n so naam n yɩɩd sɩda, a Zɩɩda tẽn-peelmẽ. B sẽn tar beegre la b sẽn tare. B ka mi maam wa sẽn paood ye.

Zeremi 9:2 Iomraidhean Croise

A Ezayi 59:3

Bala, yãmb nusã rẽgmã ne zɩɩm, tɩ yãmb kongrã rẽgem yãmb nug-bi wã. Yãmb noyã yagda zĩrẽ, la yãmb zɛlma wã gomda zãmb goam.

Zeremi 12:1

Sẽn-Ka-Saabo, yãmb yaa tɩrg wʋsg ne m wa yet tɩ m tara yell ne yãmba. La baoosgo, mam dat n goma ne yãmb tɩrlem bʋ-kaoor yelle. Yaa bõe tɩ nin-wẽns paamd tõogre, tɩ sẽn zãmbd-b yãmbã me zĩ bãane?

Zeremi 12:6

Sɩd me, baa fo ba-biisã, fo buud meng zãmbda foom, n naagd f bɛɛbã n zabd ne-fo. B sã n wa gomd no-noom goam ne foom, bɩ f ra tẽ bãmb ye.»

Zeremi 13:22

La fo sã n wa sokd f meng tɩ maana a wãn tɩ yel-kãngã wa lʋɩt f zugu, bɩ f bãng tɩ yaa fo kongrã sẽn yaa wʋsgã yĩngã la b sẽn kool fo fuugã la b yõg-fã.

Zeremi 23:10

Bala, tẽngã pida ne yoaadba. Kãab-wẽngã kɩtame tɩ tẽngã be sũ-sãan-kãseng pʋga. Rũmsã wãbneg zĩis sẽn be we-raoogã pʋgẽ wã kʋɩɩme. Bãmb zoet n dabda wẽng maanego. Bãmb sũur keemame tɩ maan sẽn kis bala.

Zeremi 4:22

Sẽn-Ka-Saab yetame: «Sɩd-sɩdã, mam nebã ka tar yam ye. Bãmb ka mi maam ye. Bãmb yaa yalemba, b ka tar bãngr ye. Bãmb sẽn mi yaa wẽng maaneg bala, b ka tol n mi neer maaneg ye.»

Zeremi 5:1

Saag-y Zeruzalɛm soayã zutu. Kẽng-y raasã pʋs n tɩ ges neere, la y sok n gese, y na n yãnda ned sẽn maand tɩrga, la sẽn baood tɩ maan sɩda. Yãmb sã n yãnd ned a woto, mam na n kõo Zeruzalɛm nebã sugri.

Zeremi 5:11

Bala, Israyɛll ne Zʋʋda nebã, zãmba maam zãnga.» Maam a Sẽn-Ka-Saab n yeele.

Zeremi 5:2

Baa bãmb sã n yeele: «D wẽenda ne Sẽn-Ka-Saab sẽn vɩ wã yʋʋre,» yaa zĩrẽ-be-wẽeneg la bãmb wẽenda.

A Ooze 4:2

Tẽngã pida ne kãab taab wẽnga, la zãmbo, ne nin-kʋʋre, la wagdem, ne yoobo, la maan taab pãnga. Wakat fãa yaa zɩɩm daagr woo zɩɩm daagre.

A Ooze 5:7

Bãmb zãmba Sẽn-Ka-Saabo, bala, b roga tãmpĩ-bi, la moasã ki-paalgã na n dɩɩ bãmb ne b paoongã.

A Ooze 6:7

Yãmb kɩɩsa kaoolã wa Ãdem tẽngã. Yaa beenẽ la yãmb zãmb maam.

A Ooze 7:4

Bãmb fãa yaa yoaadba. Bãmb wẽnda wa wʋng bur-wẽed sẽn wɩnge, t'a sã n nag zomã n sɛ, a basdame n ka leb n tusd bugmã, hal tɩ zom-nagdgã wuki.

A Miise 6:12

Tẽngã arzegs rãmb maanda wẽnga, tẽnga neb yagda zĩrẽ, bãmb noyã gomda belgr goamã.

Sofoni 3:4

Bãmb no-rɛɛsdbã yaa bi-beese, la zãmb dãmba, bãmb maan-kʋʋdbã rẽgemda bũmb nins sẽn welg toor Wẽnnaam yĩngã, la b kɩɩsd tõogã.

Malasi 2:11

Zʋʋda nebã maana zãmbo. Yel-beed la b maan Zeruzalɛm ne Israyɛlle. Bala, Zʋʋda nebã paooga Sẽn-Ka-Saab zĩ-sõngã b sẽn nongã, bãmb sẽn peeg pagb sẽn waoogd wẽn-sãamsã yĩnga.

Malasi 2:14

La yãmb sokdame: «Bõe yĩng tɩ yaa a woto?» Yaa tɩ Sẽn-Ka-Saab yɩɩ kaset soaba, foom ne pag ning fo sẽn peeg f bi-bɩɩlem wakatã, pag ning fo sẽn zãmbã, baa ne yẽnda sẽn yaa fo zĩid-n-taaga, n yaa pag ning fo sẽn maan kãadem ne wã.

Zake 4:4

Yãmb sẽn yaa nin-yoaadbã, yãmb ka mi tɩ dũni nonglem yaa beem ne Wẽnnaam la? Dẽ, ned sã n dat n yɩ dũni zoa, a yɩta Wẽnnaam bɛyã.

Bʋ-kaoodba 2:10

Zamaan-kãng nebã fãa me kiime n sak b saam-dãmba, la zamaan a to n pʋgl bãmb n wa, n dag n ka mi Sẽn-Ka-Saabo, la b ka mi tʋʋm-kãsems nins Sẽn-Ka-Saab sẽn maan n kõ Israyɛll nebã me ye.