Zeremi 9:16 - WẼNNAAM SEBRE 2014

¹⁶ Saasẽ-Pãng-Soabã yetame: Tags-y-yã! Bool-y pagb sẽn mi yãbrã tɩ b wa. Kẽng-y n tɩ bool-y sẽn mi-b yãbr sõamã wã tɩ b wa!

SEBR SÕNGO

¹⁶ Woto la dũni fãa Wẽnd leok yã. Tẽeg-y n bool-y kʋ-yãbdba tɩ b wa! Tʋm-y tɩ b tɩ bool sẽn mi-b yãbr neer-neere tɩ rẽ yaa b tʋʋmna tɩ b wa!

Zeremi 9:16 Iomraidhean Croise

A Neemi 1:8

Mam kot-y lame tɩ y tẽeg goam nins yãmb sẽn dag n gom ne y tʋmtʋmd a Moyiisã. Yãmb dag n yeelame: «Yãmb sã n ka sak n tũ maam, mam na n kɩtame tɩ yãmb sãeeg n kẽ bu-zẽmsã sʋka.»

Yɩɩn‑sõamyã 106:27

La b fẽrg bãmb yagensã bu-zẽmsã sʋka, n kɩt tɩ b sãeeg tẽmsã fãa pʋse.

Kowelɛt 12:5

la pʋg-sadb nins fãa sẽn yɩɩndã koees pãng sẽn na n booge, la ned sẽn yɛɛsd zĩ-zãonglgo, tɩ sorã fãa pid ne rabeem, la amand tɩɩg sẽn ningd a puudu, tɩ sʋʋr lebg zɩsg a yĩnga, tɩ kapr tɩɩg biis ka leb n tar noosem ye. Bala, ninsaal dabda a roog sẽn ka sɛt zĩigẽ, la yãbdbã zoet n pɩʋʋmda soayã,

Zeremi 13:24

Mam na n kɩtame tɩ b sãeege, wa we-raoog sobg sẽn dɩkd moodo.

Zeremi 24:10

Mam na n kɩtame tɩ zabr sʋʋg ne kom la bã-longds kʋ bãmb tɩ b menem dũniyã, n ka leb n zĩnd tẽng ning mam sẽn kõ bãmb ne b yaab-rãmbã pʋgẽ ye.»

Zeremi 25:27

Yeel bãmb tɩ Saasẽ-Pãng-Soabã sẽn yaa Israyɛll Wẽnnaamã yetame: Yũ-y-yã! Yũ-y tɩ y nens yilim tɩ y wʋbe, n lʋɩ n da leb n yik ye, y sẽn yã zabr sʋʋgã mam sẽn tʋm y sʋkã yĩnga.

Zeremi 29:17

«Saasẽ-Pãng-Soabã yetame: ‹Mam na n tʋma zabr sʋʋg ne kom la bã-longds b yĩnga, la m kɩt tɩ b lebg wa kankam-põaas ned sẽn ka tõe n dɩ ye, b põogrã keelem.

Zeremi 44:27

Mam na n gũusa bãmba, la ka b manegr yĩng ye. Yaa sẽn na n yɩlẽ tɩ toog paam-ba. Zabr sʋʋg ne kom na n kʋʋ Zʋʋda neb nins fãa sẽn be Ezɩptã, hal n sãam-b zãnga.

Zeremi 7:29

Zeruzalɛm nebã, põng-y y zutã n lob y pʋleng zoobdã! Rʋ-y tãn-bɛɛlã zut n yãb n wiisi! Bala, Sẽn-Ka-Saab basa buud ning sẽn kɩt tɩ b sũurã yikã, la b zãgs-a.

Zeremi 8:19

Mam wʋmda m nebã m sẽn nongã sẽn be tẽn-zãrgẽ n kelemd n yetẽ: «Sẽn-Ka-Saab ka leb n be Sɩyõ la? Sɩyõ rĩmã ka leb n beẽ la?» La Sẽn-Ka-Saab sokdame: «Bõe yĩng tɩ b waoogd b bõn-naandse, ne bu-zẽmsã yel-yoodã n sãamd m sũuri?»

Ezekiyɛl 11:17

Yaa rẽ tɩ Zu-soab a Sẽn-Ka-Saab yetẽ yaa: «Ade, mam na n tigsa yãmb buud a taabã fãa sʋka, mam na n yiisa yãmb tẽms nins yãmb sẽn sãeeg n tɩ beẽ wã, la m leb n kõ yãmb Israyɛll tẽngã.

Ezekiyɛl 12:15

Mam sã n wa sãeeg bãmb buud toay-toayã sʋka, la tẽmsã fãa pʋse. Woto, bãmb na bãng tɩ mam yaa Sẽn-Ka-Saabo.

Ezekiyɛl 14:17

Bãmb sã n kɩt tɩ zabr sʋʋg kẽ tẽngã, bɩ mam sã n yeel tɩ zabr sʋʋg gilg tẽngã, wall mam sã n menes ninsaalbã ne rũmsã,

Ezekiyɛl 20:23

We-raoogã pʋgẽ, maam n leb n zẽk m nug n wẽen n yeel bãmb tɩ m na n kɩtame tɩ b sãeeg n kẽ bu-zẽmsã sʋka, la m kɩt tɩ b sãeeg n zĩnd tẽmsã fãa pʋsẽ.

Ezekiyɛl 27:2

«Ninsaala, wiis Tɩɩr tẽngã yĩnga!

Ezekiyɛl 5:12

Fo nebã sʋka, nin-yɛng neb a tãab sʋk na n kii ne bã-loangdga, bɩ kom. La nin-yɛng neb a tãab sʋk na n kii ne zabr sʋʋga, la mam na n sãeega neb a taabã zĩig zãnga, n kɩt tɩ b rig-b ne zabr sʋʋga.

Ezekiyɛl 5:2

B sã n wa gũbg tẽngã n zab n deeg-a n sɛ, bɩ f rɩk zoobdã rʋr a yembr n yõog bugum tẽngã sʋka. La f rɩk rʋr a yembr n kʋʋs ne sʋʋgã n lob n gilg tẽngã. La f rɩk rʋr a yembrã n fãeeg tɩ sebgã rɩke, tɩ mam na n kɩtame tɩ b rig-b ne zabr sʋʋga.

Maan‑kʋʋre 26:33

Mam na n sãeega yãmb n kẽes buud a taabã sʋka, n kɩt tɩ b rig yãmb ne zabr sʋʋga. Yãmb soolmã na n wãame, tɩ y tẽmsã lebg raboodo.

A Amoose 5:16

Woto yĩnga, Wẽnnaam Sẽn-Ka-Saab sẽn yaa Saasẽ-Pãng-Soabã yetame: Zĩigã fãa na n yɩɩ wiisgu. Soayã zutu, nebã na n yeelame: Kayto! Kayto! B na n boola neb nins sẽn be pʋʋgẽ, tɩ b wa naag wiisdbã n wiisi, la b bool neb nins sẽn mi-b kʋʋr yãbrã tɩ b wa yãbe.

A Miise 2:4

Badaare, b na n dɩka yãmb tɩ y lebg yel-bũndi, la b pʋt sũ-sãang yɩɩl yãmb wɛɛngẽ n yetẽ, «Ade, b sãama tõnd zãng fasɩ! B reesda mam nebã zĩisi! Maana a wãn tɩ b wa reesd tõnd zĩisi? B reesa tõnd pʋtã n pʋɩ kɩɩsdba!»

Zakari 7:14

Mam sãeega bãmb n kẽes bu-zẽms nins fãa bãmb sẽn dag n ka mi wã sʋka. Bãmb loogame n bas b tẽngã t'a sãam zãnga, tɩ ned ka leb n kẽnd a pʋga, la b ka ne ned sẽn pɩʋʋgd beenẽ me ye. Tẽng ning sẽn dag n yaa tẽn-noogã sãamame.»

Yaoolem 28:25

Sẽn-Ka-Saab na n kɩtame tɩ yãmb bɛɛbã tõog yãmba. Yãmb na n tũu sor a ye n tɩ zab ne-ba, la y bɛɛbã na n diga yãmb tɩ y tũ soay a yopoe n zoe. La yãmb na n kẽe dũniyã nebã fãa soolem pʋsẽ n lebg wa bõn-wẽnga.

Yaoolem 28:36

Sẽn-Ka-Saab na n kɩtame tɩ yãmb ne y rĩmã sẽn so yãmbã kẽn ne nao n kẽng tẽng yãmb ne y yaab-rãmbã sẽn ka mi. La beenẽ, yãmb na n tũu buud a taab wẽnnaam-dãmb b sẽn maan ne raado, la ne kuga.

Yaoolem 28:64

Sẽn-Ka-Saab na n kɩtame tɩ y sãeeg n kẽ buud a taabã fãa sʋka, n ta dũniyã ween-vɩɩsã fãa. La beenẽ, yãmb na n tũu neb a taab wẽnnaam-dãmb sẽn maan ne daad la kuga, yãmb ne y yaab-rãmbã sẽn dag n ka mi.

Yaoolem 32:26

Mam dag n yeelame, tɩ m na n sãam-b-la zãnga, n kɩt tɩ b yʋʋr menem dũniyã,

Yaoolem 4:27

Sẽn-Ka-Saab na n kɩtame tɩ yãmb sãeeg n kẽ buud a taabã fãa tẽms pʋsẽ. La yãmb na n yɩɩ bilf bal buud a taab nins pʋs Sẽn-Ka-Saab sẽn na n tall yãmb n kẽngã sʋka.

Zake 1:1

Wẽnnaam la Zu-soab a Zeezi Kiris tẽn-tʋmd a zak n gʋlsd buud piig la a yiibã sẽn sãeegã, n pʋʋsd-ba.