Zeremi 9:11 - WẼNNAAM SEBRE 2014

¹¹ Ãnda soab n tar yam n tõe wʋm bõn-kãensã võore? Bɩ Sẽn-Ka-Saab sẽn kõ ned ning bõn-kãens bilgrã togse. Bõe yĩng tɩ tẽngã sãame, n lebg wa we-raoog sẽn dɩ bugum tɩ ned ka leb n tũud be n loogdẽ?

SEBR SÕNGO

¹¹ Yam soaba a bõe n tõe n wilg yɛl kãensa võore? Sã n yaa Soaala n gom ne-a bɩ a wilg tẽnga wãab võore, n wilg bõe n kɩt t'a lebg we-raoogo tɩ ned ka le rat n tag a pʋgẽ.

Zeremi 9:11 Iomraidhean Croise

A Neemi 4:2

La bãmb seda ne taab n na n wa zab ne Zeruzalɛm tẽngã n sãam-a.

Yɩɩn‑sõamyã 107:43

Bɩ sẽn tar-a yam gũus ne bõn-kãens fãa, n wʋm Sẽn-Ka-Saab nonglmã võore.

Yɩɩn‑sõamyã 44:19

Tõnd ka wẽnemd n bas yãmb ye. Tõnd ka bʋdg n bas yãmb sorã ye.

Yɩɩn‑sõamyã 79:1

A Azaf yɩɩlle. Wẽnnaam, bu-zẽmsã reega yãmb pʋɩɩrã, bãmb dẽgmã yãmb ro-sõngã, bãmb kɩtame tɩ Zeruzalɛm lebg raboogo.

A Ezayi 13:22

Kata na n yãba tẽngã na-yiyã pʋse, la we-baas na n yãba a tẽngã ro-neebã pʋse. Babilond sãoongã daar kolgdame, la a rasmã ka na n kaoos ye.

A Ezayi 25:2

Bala, yãmb kɩtame tɩ tẽngã lebg kug-rʋre. Tẽng ning sẽn dag n tar pãngã lebga tom-dʋre. Sãambã na-yirã menema tẽngã pʋga, la b kõn tol n leb me-a ye.

A Ezayi 34:13

Gõos na n yi a na-yiyã pʋse, sɩlg-nao-yẽes ne gõpayãnds na n yii b tãn-soben-dotã pʋse. Beenẽ na n lebga we-baas zĩiga, la naneend gãag zĩiga.

A Ezayi 44:26

Mam kɩtdame tɩ mam tʋmtʋmdã goam paam pidsgu, la m kɩt tɩ mam koe-toagsdbã saagr pidsi. Mam goma Zeruzalɛm wɛɛngẽ n yeele: ‹Neb na n leb n zĩnda Zeruzalɛm pʋgẽ, la b na n lebs n mee Zʋʋda tẽmsã, mam na n lebs n yika a raboodã.›

Zeremi 1:15

Maam a Sẽn-Ka-Saab yetame: Ade, mam na n boola buud toay-toayã sẽn be wĩndg sẽn lʋɩtẽ dɩtg soolem-dãmbã pʋgẽ wã. Bãmb na n waame, la b rĩm-dãmbã ned kam fãa na n vigla a naam geer Zeruzalɛm tẽngã rignoyẽ. B na n gũbga a lalgã ne Zʋʋda tẽms a taabã fãa.

Zeremi 10:22

Kelg-y bʋrg rãamde! A kolgdame! Bʋr-kãseng n yit tẽng ning sẽn be nug-rɩtgã. A tãb-biisã na n kɩtame tɩ Zʋʋda tẽmsã lebg raboodo, la we-baas gãas zĩisi.

Zeremi 16:10

Fo sã n togs nin-bãmbã gom-kãensã fãa tɩ b sok foom: «Bõe yĩng tɩ Sẽn-Ka-Saab yãk yam n na n kɩt tɩ to-kãseng a woto paam-do? Tõnd beegrã yaa bõe? Bõe yel-wẽn la tõnd maan n beeg Sẽn-Ka-Saab sẽn yaa tõnd Wẽnnaamã?»

Zeremi 25:11

Tẽn-kãngã fãa na n lebga raboogo, zĩ-vɩʋʋgo, la b na n yõga bu-kãensã n tɩ kẽes yembd Babilond yʋʋm pis-yopoe.

Zeremi 25:18

Mam sɩnga ne Zeruzalɛm ne Zʋʋda tẽmsã, ne Zʋʋda rĩm-dãmbã ne a nanambsã, n kɩt tɩ b lebg ra-boodo, la zĩ-vɩɩdo, tɩ nebã sã n yãnd-b bɩ b yɛɛs n fɩɩle, a kãab-wẽngã yĩnga. Yaa rẽ n kɩt t'a ket n yaa woto hal tɩ ta rũndã.

Zeremi 26:18

«Wakat ning a Ezekɩyaas sẽn dag n yaa Zʋʋda rĩmã, Moresɛt dao a Miise rag n togsa Zʋʋda nebã fãa pĩnd-n-bãngr goam n yeele: ‹Ad Saasẽ-Pãng-Soabã sẽn yeta: Sɩyõ na n lebga wa pʋʋg b sẽn gudgi. Zeruzalɛm na n lebga raboogo, la tãng ning Sẽn-Ka-Saab roogã sẽn be-a zugã na n lebga kãgre.›

Zeremi 26:9

Bõe yĩng tɩ fo togsd pĩnd-n-bãngr goam ne Sẽn-Ka-Saab yʋʋre, n yetẽ tɩ ro-kãngã na n yɩɩ wa Sɩlo, tɩ la tẽn-kãngã na n lebga raboog tɩ ned ka leb n zĩnd a pʋgẽ?» Dẽ, nebã fãa gũbga a Zeremi Sẽn-Ka-Saab roogã pʋgẽ.

Zeremi 34:22

Mam na n kõo noor tɩ b lebg n wa tẽn-kãngã pʋgẽ, n zab n deeg-a, n ning-a bugum. Mam na n kɩtame tɩ Zʋʋda tẽmsã lebg raboogo, tɩ ned ka leb n zĩnd beenẽ yɛs ye. Maam a Sẽn-Ka-Saab n yeele.› »

Zeremi 4:27

Ade, Sẽn-Ka-Saab yetame yaa: «Tẽngã fãa na n lebga raboogo, la m yaool n ka na n sãam-a zãng ye.

Zeremi 44:2

Ade, maam a Saasẽ-Pãng-Soabã sẽn yaa Israyɛll Wẽnnaamã yetame: Yãmb yãnda mam sẽn kɩt tɩ tood nins fãa paam Zeruzalɛm ne Zʋʋda soolem tẽmsã fãa wã. Tẽn-bãmb lebga raboodo, tɩ ned ka leb n be beenẽ ye.

Zeremi 49:33

Hatsoor na n lebga we-baas yiri, a na n yɩɩ zĩ-vɩʋʋg wakat sẽn ka sɛta. Ned ka na n leb n zĩnd tẽn-kãng ye. Ninsaal kõn leb n zĩnd be yɛs ye.

Zeremi 50:3

Bala, buud n yit wĩndg sẽn lʋɩtẽ dɩtgo, n wat n na n zab ne Babilonde. B na n kɩtame t'a lebg zĩ-vɩʋʋgo, tɩ ninsaal bɩ rũng ra leb n zĩnd a pʋgẽ ye. Bala, b fãa loogame.

Zeremi 51:37

Babilond na n lebga kug-rʋre, a na n lebga we-baas yiri, la zĩ-vɩʋʋgo. A na n lebga bõn-yɛɛsdga, la ned kõn leb n zĩnd a pʋgẽ ye.

Zeremi 8:22

Tɩɩm ka leb n be Galaad la? Tɩp ka leb n be beenẽ la? Bõe yĩng tɩ m nebã m sẽn nongã bãag ka sãoogdẽ?

Kʋʋr yɩɩla 1:4

Sɩyõ soayã bee sũ-sãang pʋga, bala, ned ka leb n be b zut n wat tigr ye. Tẽngã noyã fãa sãamame. A maan-kʋʋdbã wõosdame. A pʋg-sadbã sũy sãamame. A meng tara sũ-toogo.

Kʋʋr yɩɩla 2:2

Zu-soabã sãama a Zakoob yagensã yiyã fãa n ka zoe bãmb nimbãaneg ye. Bãmb sũ-yikrã pʋga, bãmb luba Zʋʋda tẽn-neerã pãng zĩisi. Bãmb sika soolmã ne a nanambse, n kɩt tɩ b ta tẽng ne paoogre.

Kʋʋr yɩɩla 3:47

Tõnd pʋɩɩrã lebga yɛɛsgo la boko. Yaa zɛɛbo, la sãoongo.

Maan‑kʋʋre 26:32

Yaa mam mengã n na n sãam tẽngã, la yãmb bɛɛbã sẽn na n wa zĩnd beenẽ wã na n yɛɛsame.

A Miise 1:6

Mam na n kɩtame tɩ Samaari tẽngã lebg raboogo, la reezẽ pʋʋgo. M na n kɩtame tɩ Samaari tẽngã kugã bilim n dʋʋg tãn-longã pʋga, la m kɩt tɩ tẽngã meeb yẽbgr puki.

A Miise 3:12

Woto, yãmb yel-manesmã yĩng kɩtame, tɩ Sɩyõ na n lebg wa pʋʋg b sẽn gudgi. N-yẽe! Zeruzalɛm na n lebga raboogo, tɩ tãng ning Sẽn-Ka-Saab roogã sẽn be-a zugã lebg kãgre.

A Miise 6:16

Nebã sakda a Omri no-tũudsã, la b rɩkd a Akaab roogã rãmb manesmã fãa, tɩ yãmb sakd bãmb saglsã. Woto yĩnga, mam na n basame tɩ y sãame, n kɩt tɩ y lebg bɛɛb laada, la mam nebã paoogr na n lʋɩɩ yãmb zugu.

Yaoolem 29:23

Buud a taabã fãa na n sokame tɩ yaa bõe tɩ Sẽn-Ka-Saab maan tẽngã woto, la bõe n kɩt tɩ Sẽn-Ka-Saab sũur yik wʋsg woto?»

Vẽnegre 18:2

Malɛɛkã zẽka a koɛɛg ne pãng n yeele: A lʋɩɩme! A lʋɩɩme! Babilond kãsengã lʋɩɩme! Yẽnda lebga zĩn-dãmb yiri, la zĩ-dẽgd fãa, la bõn-yɩgd‑rẽgd fãa, la rũm‑dẽgd buud fãa nebã sẽn kis zĩiga.