Zeremi 9:10 - WẼNNAAM SEBRE 2014

¹⁰ Mam na n kɩtame tɩ Zeruzalɛm lebg kug-rʋre, la we-baas yiri. Mam na n kɩtame tɩ Zʋʋda tẽmsã lebg zĩ-vɩɩdo, tɩ ned ka leb n zĩnd beenẽ yɛs ye.

SEBR SÕNGO

¹⁰ M na n kɩtame, yaa Soaala n gomde, tɩ Zerizalɛɛm lebg raboogo, n lebg we-yũus gãaga, n kɩt tɩ Zɩɩda tẽnsa lebg we-raoog sẽn kẽesd rabeem tɩ ned ka leb n zĩ a pʋgẽ ye.

Zeremi 9:10 Iomraidhean Croise

A Ezayi 41:15

Gese, mam na n kɩtame tɩ fo yɩ wa soang b sẽn toose, n yaa paalle, n tar noy a yiib sẽn dɩte. Fo na n wãame, la f neem tãmse, fo na n kɩtame tɩ kunkub lebg wa wudgu.

A Ezayi 49:19

Ade, fo tẽngã sẽn dag n lebg raboogã, la zĩis nins sẽn dag n sãamã, tẽn-kãngã sẽn dag n wã wã, na n lebga sẽk ne fo nebã sẽn na n wa kẽ beenẽ wã. Neb nins sẽn dag n sãamd foomã na n zãagame.

Zeremi 12:10

Rũm-kɩɩmb wʋsg tabda mam reezẽ pʋʋgã n sãamdẽ. Bãmb kɩtame tɩ pʋʋg ning mam sẽn nongã lebg we-raoogo, b kɩtame t'a lebg zĩ-vɩʋʋgo.

Zeremi 12:11

B kɩtame tɩ tẽngã lebg zĩ-vɩʋʋgo. Tẽngã bee sũ-sãang pʋga. A sãamame n be mam taoore. Tẽngã fãa sãamame, la ned kae n yãbd-a ye.

Zeremi 12:4

Warã na n zĩnda tẽngã pʋg hal tɩ ta dabʋre? Pʋtã mood na n kʋɩta a woto hal tɩ ta dabʋre? Rũmsã ne bõn-yɩgdɩ wã kiime, tẽn-kãng nebã sẽn maan wẽng n yeel tɩ Wẽnnaam ka na n yãnd b manesmã yĩnga.

Zeremi 14:6

We-bõensã yasa tãn-bɛɛlã zutu, n sesd wa we-baase, tɩ b ninã yiigi, bãmb sẽn baood yamd n ka paamdẽ wã yĩnga.

Zeremi 2:15

Gɩgem-poal yik n teedga ne bãmb n kelemdẽ. Bãmb kelemdame tɩ b koees sãta. Bãmb wata ne sãoong b tẽngã pʋgẽ. Bãmb tẽmsã rɩɩ bugum tɩ ned ka leb n be b pʋsẽ ye.

Zeremi 2:6

Bãmb ka soke: Sẽn-Ka-Saab ning sẽn dag n yiis-a tõnd Ezɩpt tẽngã bee yɛɛnẽ? Sẽn-Ka-Saab ning sẽn dag n lʋɩ-a tõnd taoor we-raoogã sẽn tar londo, ne ware, la lik bida tɩ ned yir ka be beenẽ wã bee yɛɛnẽ ye.

Zeremi 23:10

Bala, tẽngã pida ne yoaadba. Kãab-wẽngã kɩtame tɩ tẽngã be sũ-sãan-kãseng pʋga. Rũmsã wãbneg zĩis sẽn be we-raoogã pʋgẽ wã kʋɩɩme. Bãmb zoet n dabda wẽng maanego. Bãmb sũur keemame tɩ maan sẽn kis bala.

Zeremi 50:3

Bala, buud n yit wĩndg sẽn lʋɩtẽ dɩtgo, n wat n na n zab ne Babilonde. B na n kɩtame t'a lebg zĩ-vɩʋʋgo, tɩ ninsaal bɩ rũng ra leb n zĩnd a pʋgẽ ye. Bala, b fãa loogame.

Zeremi 7:29

Zeruzalɛm nebã, põng-y y zutã n lob y pʋleng zoobdã! Rʋ-y tãn-bɛɛlã zut n yãb n wiisi! Bala, Sẽn-Ka-Saab basa buud ning sẽn kɩt tɩ b sũurã yikã, la b zãgs-a.

Zeremi 8:18

Mam toogã yɩɩda maam, mam sũur sãama hal wʋsgo.

Kʋʋr yɩɩla 1:16

Yaa bãmb yĩng la mam yãbd tɩ m nintãm daagdẽ. Bala, bɛlsd ning sẽn dag n tõe n kɩt tɩ mam vɩɩm yɩ noogã zãaga ne maam. Mam kambã tara sũ-sãanga, bala, bɛyã tõogame.

Kʋʋr yɩɩla 2:11

Mam yãbame tɩ ninã pãng sɛ. Mam sũur pida ne sũ-sãanga. Mam yam bondga m pʋgẽ, mam nebã tẽn-neerã sẽn sãamdã yĩnga. Bala, kom-bãoonegã ne nusẽ kambã sobdame n lʋɩt tẽng zĩ-sõsdsẽ.

Kʋʋr yɩɩla 5:18

Bala, Sɩyõ tãngã sãamame, tɩ waas gõod beenẽ.

Ezekiyɛl 14:15

Mam sã n kɩt tɩ rũm-toos kẽ tẽngã n kʋ kambã, tɩ tẽngã lebg vɩʋʋg tɩ ned ka leb n tõe n tũ be rũm-kãens yĩnga,

Ezekiyɛl 27:2

«Ninsaala, wiis Tɩɩr tẽngã yĩnga!

Ezekiyɛl 29:11

Ninsaal naoor kõn tabg be, rũng naoor kõn tabg be. Yẽnda na n paa woto yʋʋm pis-naas tɩ ned ka zĩnd a pʋgẽ ye.

Ezekiyɛl 33:28

Mam na n kɩtame tɩ tẽngã lebg zĩ-vɩuʋg zãnga. Yẽnda sẽn wukd a meng ne pãng ningã na n sɛɛme. Israyɛll tãmsã na n sãamame, la ned kõn leb n loog beenẽ ye.

Ezekiyɛl 6:6

Yãmb sẽn be zĩig ning fãa, b na n kɩtame tɩ y tẽmsã lebg raboodo, la b sãam y maoong kʋʋb zĩisã. Woto, yãmb tẽn-kugã zĩis na n lebga raboodo, b na n wã y wẽn-naandsã tɩ b menem zãnga, b na n wã y wisd yõogr laasã, la b na n menesa yãmb nus tʋʋmã.

A Ooze 4:3

Woto n kɩte, tɩ sũ-sãang na n kẽ tẽngã. Tẽngã nebã ne we-rũmsã, la yĩngr liuuli wã, hal baa ne zĩmã sẽn be ko-kãsengã pʋgẽ wã na n sãamame.

A Zowɛlle 1:13

Maan-kʋʋdba, sẽgn-y bot n yãb n wiisi! Tẽn-kug zĩisẽ tʋmtʋmdba, kelm-y-yã! Yãmb dãmb sẽn tʋmd mam Wẽnnaamã yĩngã, wa-y-yã, yeelg-y bot yʋngã tõre! Bala, b ka leb n wat ne bõn-koaadl kũuni, ne bõn-yũudl kũun tõnd Wẽnnaamã roogẽ ye.

A Zowɛlle 1:19

Sẽn-Ka-Saabo, yaa yãmb la m boonda! Bala, bugmã rɩɩ we-raoogã yamd zãnga, tɩ bug-witmã rɩ pʋtã pʋsẽ tɩɩsã fãa.

A Amoose 5:1

Israyɛll nebã, kelg-y sũ-sãang yɩɩll m sẽn yɩɩnd yãmb yĩnga

A Amoose 5:16

Woto yĩnga, Wẽnnaam Sẽn-Ka-Saab sẽn yaa Saasẽ-Pãng-Soabã yetame: Zĩigã fãa na n yɩɩ wiisgu. Soayã zutu, nebã na n yeelame: Kayto! Kayto! B na n boola neb nins sẽn be pʋʋgẽ, tɩ b wa naag wiisdbã n wiisi, la b bool neb nins sẽn mi-b kʋʋr yãbrã tɩ b wa yãbe.

A Miise 2:4

Badaare, b na n dɩka yãmb tɩ y lebg yel-bũndi, la b pʋt sũ-sãang yɩɩl yãmb wɛɛngẽ n yetẽ, «Ade, b sãama tõnd zãng fasɩ! B reesda mam nebã zĩisi! Maana a wãn tɩ b wa reesd tõnd zĩisi? B reesa tõnd pʋtã n pʋɩ kɩɩsdba!»

A Miise 3:12

Woto, yãmb yel-manesmã yĩng kɩtame, tɩ Sɩyõ na n lebg wa pʋʋg b sẽn gudgi. N-yẽe! Zeruzalɛm na n lebga raboogo, tɩ tãng ning Sẽn-Ka-Saab roogã sẽn be-a zugã lebg kãgre.