Zeremi 9:1 - WẼNNAAM SEBRE 2014

¹ Mam nong n paamẽ-la sik zĩig we-raoogã pʋg wa so-toagdba, n bas m nebã n looge. Bala, b fãa yaa yoaadba, b fãa yaa zãmb dãmba.

SEBR SÕNGO

¹ M sã n da tõe n taẽ we-raoogẽ n paam n tiẽ so-toagd sẽko, m basdẽ la m buudã, m zãagdẽ-la ne-a. B fãa gill zãmbda b Soaala, wa pʋg-yoodre sẽn maan ne a sɩdã.

Zeremi 9:1 Iomraidhean Croise

Yɩɩn‑sõamyã 119:136

Mam nintãm daagdame, nebã sẽn ka sakd yãmb tõogã yĩnga.

Yɩɩn‑sõamyã 42:3

Wẽnnaam ko-yũud tara maam, Wẽnnaam sẽn vɩ wã ko-yũud tara maame. Mam na n tɩ yalsa Wẽnnaam taoor dabʋre?

Yɩɩn‑sõamyã 55:7

Mam yeelame yaa: «Mam sã n dag n tarẽ pɩgs wa walle, mam dag n na n yɩkẽ lame n bao zĩiga.»

A Ezayi 16:9

Woto kɩtame tɩ mam na n yãb Sibma reezẽ tɩɩgã, wa Yazɛɛr sẽn yãbd-a wã. Hɛsbon ne Eleyale, mam na n madga yãmb ne m nintãm, bala, yãmb bõn-koaadlã rɩkr ne reezẽ tɩɩsã wobr wakat kelemsã sɛɛme.

A Ezayi 22:4

Rẽ n kɩte tɩ mam yetẽ: «Wẽnemd-y y nens n da leb n ges maam ye. Bas-y maam tɩ m yãb n wiisi. Da bao-y tɩ bels maam, Zeruzalɛm sẽn yaa mam nin-nongdsã sãoong yĩng ye.

Zeremi 13:17

Yãmb sã n ka kelge, mam na n yãba m yembr y tɩtaamã yĩnga. Mam nintãm na n daagame. Mam na n yãba nintãm, b sẽn na n tall Sẽn-Ka-Saab nebã n kẽng yembdã yĩnga.

Zeremi 14:17

Ad fo sẽn na n togs bãmb koɛɛg ninga: Mam nintãm daagda wĩntoog ne yʋng n ka sɛtẽ ye. Bala, yãmb kɩtame tɩ to-kãseng paam mam nin-nongdsã.

Zeremi 3:10

La ne rẽ fãa, Zʋʋda nebã sẽn yaa Israyɛll nebã saam-biisã sẽn yaa zãmb dãmbã ka lebg n wa mam nengẽ ne b sũyã fãa ye. B rag n ka be sɩdã pʋg ye. Maam a Sẽn-Ka-Saab n yeele.»

Zeremi 4:19

M pʋg zabda! M pʋg zabda! M sũur zabdame n dat n pusgi! Mam sũur digdame tɩ m ka tõe n sĩnd m noor ye. Bala, mam wʋmda baorg peebgo, la zabr kaasgo!

Zeremi 5:7

Sẽn-Ka-Saab yetame: «Zeruzalɛm nebã, bõn-kãng yĩng la m na n kõ-y sugr bɩ? Yãmb kambã basa maam, n wẽend ne bõn-zaals sẽn ka Wẽnnaam ye. Mam dag n kõo bãmb bũmb fãa tɩ seke, la bãmb baas n maana yoobo. Bãmb wẽdgda taab pʋg-yoaadb rotẽ.

Zeremi 6:26

Mam nebã, sẽgen-y boto, la y bilim tompeglmẽ. Yãb-y ne sũ-sãang wa ned sẽn yãbd a bi-yɛng kũum. Yãb-y n wiis-y-yã, bala, sãamdã watame, a na n wa linga tõnd n zab ne-do.»

Zeremi 8:18

Mam toogã yɩɩda maam, mam sũur sãama hal wʋsgo.

Zeremi 9:18

Bala, b wʋmda wiisg sẽn yit Sɩyõ n yetẽ: «Kayto! Tõnd sãamame! Yãnd tara tõndo! Bala, tõnd yi n basa tẽngã. B luba tõnd dotã.

Kʋʋr yɩɩla 2:11

Mam yãbame tɩ ninã pãng sɛ. Mam sũur pida ne sũ-sãanga. Mam yam bondga m pʋgẽ, mam nebã tẽn-neerã sẽn sãamdã yĩnga. Bala, kom-bãoonegã ne nusẽ kambã sobdame n lʋɩt tẽng zĩ-sõsdsẽ.

Ezekiyɛl 22:12

Neb n sakd n deegd kũun n daagd zɩɩm fo pʋgẽ. Fo pengda ligd n modgdẽ tɩ b lebs-f ne roaglenga. Fo maanda f taab pãng n wẽgd-ba, n yaool n yĩmd mam yelle. Maam a Zu-soab a Sẽn-Ka-Saab n yeele.»

A Ooze 7:4

Bãmb fãa yaa yoaadba. Bãmb wẽnda wa wʋng bur-wẽed sẽn wɩnge, t'a sã n nag zomã n sɛ, a basdame n ka leb n tusd bugmã, hal tɩ zom-nagdgã wuki.