Zeremi 8:9 - WẼNNAAM SEBRE 2014

⁹ Yam dãmbã ninga b mens yãnde. Bãmb yɛɛsame n ka leb n mi b sẽn dabdẽ ye. Bãmb sẽn zãgs Sẽn-Ka-Saab goamã, bõe yam la bãmb tara?

SEBR SÕNGO

⁹ Yãnde na n yõka mitbã, tɩ b ka le yaa n mi b sẽn beẽ ye; b lɛɛg n lʋɩ-la b meng bẽdgẽ. B sẽn pa rat Soaala-Wẽnd Gomdã, b yam yẽesma na n naf-b-la wãn wãna?

Zeremi 8:9 Iomraidhean Croise

2 Rĩm-dãmba 17:15

Bãmb kɩɩsa Sẽn-Ka-Saab noyã ne b kaoolã b sẽn dag n maan ne bãmb ba-rãmbã, la zãmsg ning Sẽn-Ka-Saab sẽn dag n kõ bãmbã. Bãmb nebã lagma b mens ne sẽn ka yõodo, tɩ bãmb mensã lebg sẽn ka yõodo. Bãmb tɩ naaga b mens ne bu-zẽms nins sẽn dag n gũbg bãmbã, la Sẽn-Ka-Saab yaool n dag n yeela bãmb tɩ b ra maan wa bu-bãmb ye.

A. Zoobe 5:12

Bãmb sãamda sɩlem dãmbã saagre, n kɩt tɩ b ka paam tõogr ne b nus tʋʋmã ye.

A. Zoobe 5:13

Bãmb yõkda yam dãmbã b bãngrã pʋgẽ, la b kɩtdẽ tɩ yel-kɛg rãmbã saagr lebg zaalem.

Yɩɩn‑sõamyã 19:7

Wĩndgã pukda sa-gãongã kɩreng a yembre, n gilg n tɩ kẽ kɩreng a to, la a walmã wẽeda bũmbã fãa.

A Ezayi 19:11

Sowan tẽng nanambsã tolg n yaa yalemba, Yam dãmb nins sẽn sagend Faarõ wã yaa nin-yaals sulli. Maana a wãn tɩ yãmb saag n na n yeel Faarõ a woto: «Mam yaa sẽn tar-b yamã biiga, n yaa kʋdem-wẽndẽ rĩm-dãmbã yagenga!

A Ezayi 29:14

Rẽ n kɩte, tɩ mam na n kell n maan bõn-bãn tɩ yɩ lingr ne lingr nin-bãmbã yĩnga. Yam-dãmbã yamã na n sɛɛme, la bãngdbã bãngr na n zoe n baoo zĩig n solge.»

A Ezayi 43:27

Yãmb pipi yaabã kongame, yãmb no-rɛɛsdbã kɩɩsa maam.

A Ezayi 8:20

Bɩ y leok yaa: «D tog n wẽnemd n gesa Zu-soabã tõogã ne b kasetã.» Nebã sã n ka sak n gom a woto, b ka na n yãnd beoogã vẽegr ye.

Zeremi 15:6

Maam a Sẽn-Ka-Saab yetame: Yãmb basa maam, yãmb tuda maam y kudga. Woto yĩnga, mam zẽka m nug n sãamd yãmba. Mam yam ya n yii ne yãmb nimbãaneg zoeese.

Zeremi 19:7

Mam na n kɩtame tɩ bũmb nins Zʋʋda nebã ne Zeruzalɛm nebã sẽn dat n maanã lebg zaalem zĩ-kãngã pʋgẽ. La bãmb mensã, zabr sʋʋg n na n kʋ b nebã. B bɛɛb na n tõog-b lame tɩ b pa tãp pʋgẽ. La mam na n kɩtame tɩ b lebg yĩngr bõn-yɩgdɩ ne we-rũms rɩɩbo.

Zeremi 2:8

Maan-kʋʋdbã ka sok tɩ Sẽn-Ka-Saab bee yɛɛnẽ ye. Tõogã karen-saam-dãmb ka mi maam ye. Taoor dãmbã zãgsa maam. No-rɛɛsdbã togsa pĩnd-n-bãngr goam ne Baall yʋʋre, n waoog bũmb sẽn ka tar yõodo.

Zeremi 49:7

Koɛɛg Edom wɛɛngẽ. Ade, Saasẽ-Pãng-Soabã sokdame yaa: Teman nebã ka leb n tar yam la? Sẽn tar-b bãngrã ka leb n kõt sagls la? Bãmb yamã menemame la?

Zeremi 6:15

Bãmb sẽn maan yel-beedã yãnd tar-b lame bɩ? Baa bilfu! Bãmb ka mi yãn-zoeer ye. Woto yĩnga, bãmb na n naaga neb nins sẽn lʋɩtã n lʋɩ. Mam sã n wa sɩbg-ba, b na n lʋɩɩme. Maam a Sẽn-Ka-Saab n yeele.

Zeremi 6:19

Dũni rãmba, kelg-y-yã! Mam na n kɩtame tɩ toog paam nin-kãense. Na n yɩ b tags-wẽnsã biisi. Bala, bãmb ka kelg mam goamã ye. Bãmb zãgsa m tõodã.

Ezekiyɛl 7:26

Na n yɩɩ toog woo, toogo, na n yɩɩ koe-beed woo, koe-beedo. Bãmb kota no-rɛɛsdbã tɩ b kõ bãmb vẽnegre, maan-kʋʋdbã ka leb n mi tõogã n na n zãms nebã ye, la kãsem-dãmbã ka leb n tar saglg n na n sagl nebã ye.

A Amoose 2:4

Ade, Sẽn-Ka-Saab yetame: Zʋʋda nebã yel-kɛg a tãabã yĩnga, m yeel tɩ naasẽ soabã yĩnga, mam sẽn yeelã ka na n vaal ye: Bala, bãmb zãgsa Sẽn-Ka-Saab tõodã, la b ka sak n deeg bãmb noyã ye. Zʋʋda nebã basame tɩ wẽn-naandsã kẽes-b moogo, yaa wẽn-naands nins bãmb yaab-rãmbã sẽn dag n pʋʋsdã.

Zakari 13:4

Badaare, no-rɛɛs fãa sã n wa togsd pĩnd-n-bãngr goamã, yãnd na n yõk-a-la a vẽnegrã yĩnga. Bãmb kõn leb n yeelg fuug sẽn wʋg ne pe-kõbd n belg nebã ye.

Yaoolem 4:6

Sak-y tõodã ne minindã n maan wa b sẽn wilg yãmbã. Woto n na n wilg tɩ yãmb tara yam la bãngre, buud a taabã sẽn na n wʋm tɩ b gomd yãmb minindã yellã nifẽ. Bãmb na n yeelame: «Bu-kãsen-kãngã yaa neb sẽn sɩd tar yam la bãngre.»

2 Tɩmote 3:15

Hal f yãadem wakate, fo bãnga Wẽnnaam sebrã. B tõe n kõo foom yam tɩ f tõog n paam fãagre, fo sẽn tẽed a Zeezi Kirisã.