Zeremi 8:5 - WẼNNAAM SEBRE 2014

⁵ La yaa bõe tɩ Zeruzalɛm nin-kãensã bas maam n kɩɩsd maam wakat fãa? Bãmb kẽngda taoor ne zãmbã maanego, bãmb ka sak n na n lebg n wa mam nengẽ ye.

SEBR SÕNGO

⁵ Yaa bõe marsã tɩ Zerizalɛɛm dãmba wẽnemd b kãare la b ket n wẽenẽ tɩ b kõn tek zʋgo? B yam kẽ-la b wẽn-naandsã tɩ b zãgs a le wa kẽ maam.

Zeremi 8:5 Iomraidhean Croise

Yelbũna 4:13

Sak m demsgã neere, n da bas-a ye. Tall-a t'a na n kõ-f-la vɩɩm.

A Ezayi 1:20

La yãmb sã n zãgs n kɩɩs maam, zabr sʋʋg n na n kʋ yãmba!» Maam a Sẽn-Ka-Saab meng noor n yeele.

A Ezayi 30:10

Bãmb yeta yãtbã yaa: «Bɩ y ra leb n paam pĩnd-n-bãngr goam ye!» La b yet sẽn paamd-b vẽnegrã yaa: «Da leb-y n paam-y vẽnegr sẽn zems tõnd yĩng ye. Gom-y ne tõnd gom-noodo, la y paam vẽnegr sẽn ka sɩd ye!

A Ezayi 44:20

Rẽ wã, yaa tompeglem bal la yẽnda pʋgda. A tagsgã belg-a lame n kẽes moogo, la a kõn tol n fãag yẽnda ye. A ka na n yeel tɩ: ‹Rẽ yĩnga, mam sẽn zãad m nug-rɩtgã ka belgr bũmb sɩda?› »

Zeremi 14:7

Sẽn-Ka-Saabo, tõnd kongrã sã n kɩt kaset tɩ tõnd ka tar bʋʋm, bɩ y maan y sẽn na n maanega, y yʋʋrã yĩnga. Tõnd kɩɩsgã yaa wʋsgo, tõnd beega yãmba.

Zeremi 2:32

Pʋg-sad tõe n yĩma a fan-teed sɩda? Pʋg-paal tõe n yĩma a fuugu? La mam nebã yaool n yĩma mam yell hal daar zãra.

Zeremi 3:5

la y yetẽ: Bãmb na n pa b sũ-yikrã pʋg wakat fãa bɩ? Bãmb sũur na n kell n yika ne tõnd n ka basdẽ bɩ? Yaa woto la yãmb dag n gomda, la y baas n ket n maand wẽnga, la y sɩd tõogame me!»

Zeremi 5:27

Wa ko-yong sẽn pid ne liuuli to-to wã, woto me, bãmb dotã pida ne zãmbo. Bãmb maanda a woto n lebgd nin-kãsemse, la arzegs-rãmba.

Zeremi 5:3

Sẽn-Ka-Saabo, rẽ yĩnga, ka pʋ-peelem dãmb la yãmb baood sɩda? Yãmb wẽ-b lame la ka zab bãmb ye. Yãmb dag n dat n sãam-b lame, la b ka sak n deeg remsg ye. Bãmb kenga b nens n yɩɩg pĩig kugri. Bãmb ka sak n na n lebg n wa yãmb nengẽ ye.

Zeremi 5:6

Rẽ kɩtame tɩ bɛɛbã na n yi wa gɩgemd sẽn yi kãgrẽ n zab ne-ba, wa tẽn-nabd-koɛɛngẽ digd-n-yĩidga, n zendem bãmba. Bɛɛbã na n sora bãmb tẽmsã noy wa ãbga, n yõgd neb nins fãa sẽn yit-b beenẽ wã n zendemdẽ. Bala, bãmb beegrã yaa wʋsgo, la b kɩɩsgã tara yãngr bala.

Zeremi 6:17

Sẽn-Ka-Saab yetame: Mam yãka gũudb yãmb yĩnga, n yeel-b tɩ b maan gũusg tɩ baorgã peebg ra wa ling-b ye. La bãmb yeelame: «Tõnd ka na n gũus ye.»

Zeremi 6:19

Dũni rãmba, kelg-y-yã! Mam na n kɩtame tɩ toog paam nin-kãense. Na n yɩ b tags-wẽnsã biisi. Bala, bãmb ka kelg mam goamã ye. Bãmb zãgsa m tõodã.

Zeremi 9:6

Woto yĩnga, Saasẽ-Pãng-Soabã yeelame: «Mam na n ninga bãmb boaag pʋg n mak-ba. M nebã maana wẽnga. Yaa bõe la m na n maan-b moasã?

A Dãniyɛlle 9:11

Israyɛll nebã fãa kɩɩsa yãmb a Wẽnnaam tõogã, la b wẽnemdame n ka kelg yãmb koɛɛgã ye. Rẽ kɩtame tɩ kãab-wẽng ning b sẽn gʋls a Moyiis sẽn yaa yãmb tʋmtʋmdã tõod sebr pʋgẽ wã paam tõndo, tõnd sẽn beeg yãmbã yĩnga.

A Ooze 11:5

Bãmb ka na n lebg n leb Ezɩpt ye. Bãmb sẽn zãgs tɩ b ka na n lebg n wa mam nengẽ wã yĩnga, Asiiri nedã n na n yɩ bãmb dĩma.

A Ooze 11:7

Mam nebã ka rat n bas b kɩɩsgã ye. B boonda bãmb tɩ b naag taab n yiki, La bãmb ka yik ye.

A Ooze 13:2

Moasã bãmb yel-wẽnã paasdame, Bãmb dõoga bõn-naandg ne b wanzuri wã, la b maan wẽn-naands b toore. Bõn-kãens fãa yaa tʋʋm-mitb nus tʋʋma. B yeta bãmb wɛɛngẽ yaa: Neb nins sẽn maand maoong ne ninsaalbã, b tõe n moka lolse!

A Ooze 4:16

Israyɛll nebã yaa tõatb wa nag-sadga, la moasã Sẽn-Ka-Saab na n wãbnega bãmb wa pe-bil sẽn be zĩ-yalengẽ n wãbdẽ.

Zakari 7:11

La bãmb zãgsame tɩ b ka na n kelg ye. Bãmb kɩɩsame n yẽd b tʋba, sẽn na n yɩl n da wʋm ye.

A Zã Sõng 5:40

La yãmb yaool n ka rat n wa mam nengẽ n paam vɩɩmã ye.

1Tesalonik Rãmba 5:21

Bʋ-y bũmb fãa yelle, tɩ sẽn yaa sõama bɩ y reege,

Ebre rãmba 12:25

Maan-y gũusgu! Ra tõdg-y n ka kelg ned ning sẽn gomd-a ne yãmbã ye. Bala, neb nins sẽn tõdg n ka kelg a soab sẽn dag n keoogd bãmb tẽng zug ka wã sã n ka põse, tõnd n ka na n põs n yɩɩda, tõnd sã n tõdg n ka kelg ned ning sẽn be arzãn n keoogd tõndã.

Vẽnegre 2:25

Bũmb ning sẽn be bala, yaa tɩ y tall bũmb nins yãmb sẽn tarã kãenkãe hal tɩ mam wa.