Zeremi 8:4 - WẼNNAAM SEBRE 2014

⁴ Yeel-b tɩ maam a Sẽn-Ka-Saab sokdame yaa: «Ned lʋɩtame n ka yik bɩ? Bɩ ned sã n bʋdge, a ka lebgd n wa sor zugu?

SEBR SÕNGO

⁴ Fo na n togs-b lame tɩ Soaala-Wẽnd n sokde: Ned lʋɩtame n zãgs yikr laa? Ned tudgda sore n zãgs a poorẽ lebr laa?

Zeremi 8:4 Iomraidhean Croise

1 Rĩm-dãmbã 8:38

tɩ toodã kɩt tɩ Israyɛll sẽn yaa yãmb nebã sũyã sãame, tɩ b tẽeg b nus n tees ro-kãngã n pʋʋs yãmb n kose,

Yelbũna 24:16

Bala, nin-tɩrg tõe n lʋɩɩ naoor a yopoe, la a na n leb n yikame. La toog na n luba nin-wẽnga.

A Ezayi 44:22

Mam yẽesa fo tʋʋm-beedã wa sawato, la m yiis f yel-wẽnã wa wulgu. Lebg n wa mam nengẽ, bala, maam n yaa fo fãagda.

A Ezayi 55:7

Bɩ nin-wẽng bas sor ning a sẽn tũudã, la bɩ tʋʋm-wẽns maandã bas a tags wẽnsã, n lebg n wa Sẽn-Ka-Saab nengẽ, tɩ tõnd Wẽnnaamã sẽn kõt sugr wʋsgã, tõe n zoe yẽnda nimbãanega.

Zeremi 23:14

La Zeruzalɛm no-rɛɛsdbã nengẽ, mam yãnda yɛl sẽn yaa wẽng n yɩɩda: Bãmb yaa yoaadba, bãmb pʋgda zĩrẽ-beedo. Bãmb paasda nin-wẽns pãnga, hal tɩ ned ka be n dat n bas wẽngã maaneg ye. Mam geta bãmb fãa wa Sodom nebã, la Zeruzalɛm nebã yaa wa Gomoor nebã.

Zeremi 3:1

Maam a Sẽn-Ka-Saab yetame: «Ned sã n dig a pag tɩ ned a to rɩk-a, a sɩdã tõe n leb n peeg-a lame sɩda? A sã n leb n peeg-a, a ka na n dẽgem tẽngã zãng sɩda? La yãmb a Israyɛll nebã, yãmb maana wa pʋg-yoodr sẽn tar dolsen-dãmb wʋsgo. Yãmb na n lebg n waa mam nengẽ sɩda?

Zeremi 3:22

Maam a Sẽn-Ka-Saab yetame: «Yãmb a nin-tõtse, lebg-y n wa-y tɩ m kɩt tɩ y lebg sɩd dãmba.» Bãmb yeelame: «Ad-y tõndo, d wata yãmb nengẽ, bala, yãmb a Sẽn-Ka-Saab n yaa tõnd Wẽnnaam.»

Zeremi 36:3

Daarninga, Zʋʋda buudã na n bãnga toog ning mam sẽn segend b yĩngã, tɩ bãmb ned kam fãa tõe n wẽnemd n bas a manesem-wẽngã. Woto, mam na n kõ-b-la sugr b kongrã ne b yel-wẽnã yĩnga.»

Zeremi 4:1

Maam a Sẽn-Ka-Saab yetame: «Israyɛll nebã, yãmb sã n lebg n wa mam nengẽ, yãmb sã n yiis bõn-naands nins mam sẽn kisã mam taoore, la y ka leb n saad n yeebdẽ,

Ezekiyɛl 18:23

Maam a Zu-soab a Sẽn-Ka-Saab sokdame: «Dẽ yĩnga, mam sɩd ratame tɩ nin-wẽng ki sɩda? Bɩ mam datame t'a bas a manesmã n paam n vɩɩmde?

A Ooze 14:1

B na n ninga Samaari nebã taale, Bala, b kɩɩsa b Wẽnnaamã. La b na n paa tãpẽ. B na n f kʋʋ bãmb kom-bãoonegã, la b weed b pagb nins sẽn tʋtã pʋse.

A Ooze 6:1

Dẽ, yãmb na n yeelame: «Wa-y tɩ d lebg n leb Sẽn-Ka-Saab nengẽ! Bala, bãmb n zendem tõndo, la bãmb n na n maag-do. Bãmb n pogl-do, la bãmb n na n tɩp d noadã.

A Ooze 7:10

Israyɛll nebã tɩtaamã kaooda b bʋʋdo, bãmb ka wa lebg n wa Sẽn-Ka-Saab sẽn yaa b Wẽnnaamã nengẽ ye. La ne rẽ fãa, bãmb ka baood Sẽn-Ka-Saab ye.

A Amoose 5:2

Israyɛll sẽn yaa wa pʋg-neerã lʋɩɩme, la a kõn tol n yik ye, A lʋɩ n dɩga a meng tẽn-gãongã zugu, tɩ ned ka be sẽn na n doog-a ye.

A Miise 7:8

Mam bɛyã, ra maan sũ-noog mam wɛɛngẽ ye, bala, baa mam sã n lʋɩ, m yikdame. La baa mam sã n zĩ lik pʋgẽ, Sẽn-Ka-Saab yaa mam vẽenem.