Zeremi 8:13 - WẼNNAAM SEBRE 2014

¹³ Maam a Sẽn-Ka-Saab yetame: «Mam na n woba b biisã fãa, la reezẽ biis ka na n leb n zĩnd reezẽ tɩɩg zug ye. Kankam ka na n leb n zĩnd kankang zug ye. Hal ba b vãadã na n kʋɩɩme. Bũmb ning mam sẽn dag n kõ bãmbã loogame.»

SEBR SÕNGO

¹³ Soaala-Wẽnd yeelame: mam datẽ lame n paam bũmb bãmb nengẽ, la m pa ne bugsuntung biig bugsuntunga zug ye, m pa ne kankamd kankanga zug ye; tɩɩsa vãad wãkame; dɩlla m bas taale, bɩ b lebg so-loaadba soolem.

Zeremi 8:13 Iomraidhean Croise

A Ezayi 5:10

Baa reezẽ tɩɩs pʋʋg yalem sã n ta nao-yakem tus piiga, a ka na n wom tɩ yɩɩg konkong la pʋɩ-sʋk ye. La bõn-buud konkong piig na n woma bõn-koaadl konkong a ye la pʋɩ-sʋka.»

Zeremi 14:12

Ba b sã n loe noore, mam ka na n kelg b sũ-sãang kelemsã ye. Ba b sã n wa ne maand sẽn yõogd bugum ne bõn-koaadl kũuni, mam ka na n deeg ye. Mam na n kʋ b fãa gill ne zabr sʋʋga, la ne kom la bã-longdse.»

Zeremi 14:15

No-rɛɛsdb nins sẽn gomd ne mam yʋʋr n yetẽ tɩ zabr bɩ kom ka na n zĩnd tẽn-kãngã pʋgẽ, tɩ mam yaool n ka tʋm-bã, ad maam a Sẽn-Ka-Saab sẽn yet bãmb wɛɛngẽ: ‹Zabr sʋʋg ne kom n na n kʋ no-rɛɛsdb-kãens zãnga.

Zeremi 17:8

Yẽnda yaa wa tɩɩg sẽn be koom noore, t'a yẽgã tão n ta koomã. Tʋʋlg ka wẽed-a ye, a vãadã ka kʋɩt ye. War wakate, rabeem ka tar-a ye, a womda biis wakat fãa.

Zeremi 5:17

Bãmb na n dɩ y koodã ne y rɩɩbã. Bãmb na n sãama y kambã ne y piisã la y niigã. B na n dɩ y reezẽ tɩɩsã ne y kankamsã fãa. B na n sãama y tẽms nins y sẽn teegã, y tẽms nins sẽn gũbg ne lalsã.»

Zeremi 7:20

Bõn-kãng yĩng kɩtame tɩ maam a Sẽn-Ka-Saab sẽn yaa Zu-soabã yetẽ: «Ade, mam sũ-puug-kãsengã na n siga zĩ-kãngã zugu, la a sig nebã ne rũmsã, la tɩɩsã ne pʋtã la tẽngã bɩle zugu. A na n dɩɩ wa bugum sẽn ka kiida.»

Ezekiyɛl 22:31

Mam sikda m sũ-yikrã bãmb zugu, mam menesda bãmb ne m sũ-puugrã bugum. Mam na n kɩtame tɩ b yel-manesmã taal lebg n lʋɩ b zugu. Maam a Zu-soab a Sẽn-Ka-Saab n yeele.»

A Ooze 2:12

La moasã, mam na n yeesa a futã n ning-a yãnd a roelsen-dãmbã nifẽ, la ned kõn tõog n fãag-a mam nugẽ ye.

A Zowɛlle 1:7

A sãama mam reezẽ tɩɩsã, la a sãam m kankamsã zãnga. A fʋka reezẽ tɩɩsã pagd n bas-b pɛɛlg faddd...

Maan‑kʋʋre 26:20

Yãmb na n tʋmame tɩ y pãng sɛ zaalem. Yãmb tẽn-gãongã ka na n sak kood ye, la tẽngã tɩɩsã ka na n wom biis ye.

Abakuk 3:17

Bala, kankang ka ningd puud ye. Reezẽ tɩɩs ka womd biis ye. Oliiv tɩɩs ka womd ye, la pʋtã bõn-koaadl me ka womd ye. Rũm-bãooneg ka be wubrẽ ye. Rũm-bɛd ka be yãgrẽ ye.

A Aaze 1:11

Mam kɩtame tɩ war kẽ tẽngã, tɩ tãmsã zut kʋɩ, tɩ bɩle wã, ne reezẽ rãamã la kaamã sɛ, la m kɩt tɩ tẽn-gãongã bõn-koaadl kʋɩ, tɩ ninsaalb ne rũms namsdẽ, la y tʋʋmã fãa yɩɩ zaalem.

A Aaze 2:17

Mam kɩtame tɩ wãoongo, gãnem ne la sapɩlem sãam y koodã, tɩ b zelge, tɩ yãmb nusã tʋʋm lebg zaalem, la yãmb baas n ka lebg n wa mam nengẽ ye. Yaa maam a Sẽn-Ka-Saab n yeele.

Malasi 3:11

Mam na n lenga sẽn sãamd-a wã, n gɩdg-a t'a ra sãam y koodã ye. La y reezẽ tɩɩsã ka na n pa n ka wom biis y pʋtẽ wã ye. Maam a Saasẽ-Pãng-Soabã n yeele.

A Matiye Sõng 21:19

La bãmb yãa kankang sẽn be sorã noore. Bãmb kẽngame n tɩ mik t'a ka tar biis ye, yaa vãad bala. La b yeel-a lame yaa: «Fo kõn leb n wom biis ye, abada.» La wakat-kãng bala kankangã kʋɩɩme.

Zake 1:11

Wĩntoog zẽkame tɩ zĩig fãa wɩnge. A kʋɩɩsa moodã, la a puudã sʋʋgame, la a ra-sãndã menemame. Arzɛk soab me na n zelga a woto a tʋʋma pʋse.