Zeremi 7:9 - WẼNNAAM SEBRE 2014

⁹ Rẽ yĩnga, yãmb tõeeme n zuud la y kʋʋda, la y yooda, la y wẽend zĩrẽ wẽenego, la y yõogd wisd n kõt wẽn-naandg a Baalle, la y waoogd bu-zẽms wẽnnaam-dãmb yãmb sẽn ka mi,

SEBR SÕNGO

⁹ Sɩda, y zuudame, n kʋʋda, n yooda, n kãabdẽ n yaool n ka pidsdẽ, n kẽnd a Baal taoore ne y maando, n pʋgd wẽn-sãamse la m yaool n ka ne bũmb ninga sẽn be yãmb ne bãmb sʋk ye.

Zeremi 7:9 Iomraidhean Croise

1 Rĩm-dãmbã 18:21

La a Eli kolga nebã fãa n yeele: «Yãmb na n saad n yeebda goabg la rɩtg hal tɩ ta rabʋre? Sẽn-Ka-Saab sã n yaa Wẽnnaam, bɩ y tũ-ba, la Baall sã n yaa Wẽnnaam, bɩ y tũ-a.» La nebã ka leok yẽnda tɩ bũmb ye.

Yikri 20:3

Ra bao wẽnnaam-dãmb a taaba, sã n ka maam bal ye.

A Ezayi 1:13

Da-y leb-y n tall-y kũun sẽn ka yõod n wa kõ maam ye. Yãmb wisdã kũun yaa bõn-wẽng mam taoore. Yãmb wẽngã maaneg yĩnga, mam sũur ka noom ne yãmb ki-paalgã tigã, ne y vʋʋsg rayã, la ne y nebã tigindã ye.

A Ezayi 58:2

Bãmb baooda maam beoog sẽn vẽeg fãa, bãmb dat n bãnga mam soayã, wa buud sẽn maand sẽn zemse, wa bãmb ka bas b Wẽnnaam tɩrlmã ye. Bãmb kota maam tɩrlem bʋ-kaoore, bãmb dat n kolga Wẽnnaam.

Zeremi 1:16

Mam na n kaoo bãmb bʋʋdo, tʋʋm-wẽns nins fãa b sẽn maanã yĩnga: bãmb sẽn bas maam n yõogd wisd n kõt buud a taabã wẽnnaam-dãmbã, la b wõgemded n waoog bõn-naandsã sẽn yaa b nug tʋʋmdã yĩnga.

Zeremi 11:13

Bala, yãmb a Zʋʋda nebã wẽnnaam-dãmbã sõor yaa wʋsg wa y tẽmsã sõore. Yãnd tẽn-kug nins yãmb sẽn me n na n yõogd wisd b zut n kõt Baallã sõor yaa wʋsg wa Zeruzalɛm soayã.

Zeremi 11:17

Saasẽ-Pãng-Soabã sẽn sel yãmb a Israyɛll ne Zʋʋda nebã yetame tɩ toog na n waa yãmb zutu, wẽng ning yãmb sẽn maanã yĩnga. Yãmb yõoga wisd n kõ Baalle, n kɩt tɩ m sũurã puugi.

Zeremi 13:10

Bãmb yaa nin-wẽns sẽn ka sakd n kelg mam goamã ye. B maanda wa sẽn zems b sũ-keglmã, la b zoet n pʋgda bu-zẽms wẽn-naands n wõgemded b taoor n waoogd-ba. Woto yĩnga, bɩ b lebg wa kur-wĩ-kãngã sẽn ka leb n tar yõodã.

Zeremi 18:15

Mam nebã yaool n yĩma mam yelle. Bãmb yõogda wisd n kõt belgr wẽnnaam-dãmba. B belga bãmb tɩ b bʋdg n bas b kʋdem-wẽndẽ soayã, n kɩt tɩ b tũ so-bugsi, la soay sẽn ka kõoge.

Zeremi 19:4

Bala, bãmb basa maam n yõogd wisd n kõt buud a taab wẽnnaam-dãmb bãmb ne b yaab-rãmbã la Zʋʋda rĩm-dãmbã sẽn ka mi, n dẽgem zĩ-kãngã. Bãmb pidsa zĩ-kãngã ne bʋʋm dãmb zɩɩm.

Zeremi 32:29

Kalde rãmbã sẽn zabd ne tẽn-kãngã wã na n kẽ a pʋgẽ, n ning-a bugum. B na n yõo rot nins sẽn tar gãsd tɩ b rag n kɩɩsd maam n dʋʋd b zut n yõogd wisd a Baall yĩnga, la b kõt bu-zẽmsã wẽnnaam-dãmbã bõn-yũudl kũun b pʋsẽ wã.»

Zeremi 44:3

La yaa wẽng ning bãmb sẽn maanã yĩnga. Bãmb yõoga wisd n waoog wẽn-sãams bãmb ne yãmb la y yaab-rãmbã sẽn ka mi, n beeg maam.

Zeremi 44:8

Yãmb nusã tʋʋm yikda mam sũuri, y sẽn yõogd wisd n waoogd Ezɩpt wẽnnaam-dãmbã yĩnga. Yãmb yaool n yaa sãamb tẽn-kãng pʋgẽ. Yãmb maana y mens tɩ b na n kʋ-yã, la y lebga kãab-beed ne paoogr bũmb dũniyã soolem-dãmbã fãa sʋka.

Zeremi 44:9

Yãmb yĩma wẽng ning y yaab-rãmbã ne Zʋʋda rĩm-dãmbã la b pagbã sẽn maanã, la wẽng ning yãmb mensã ne y pagbã sẽn maanã, la bũmb nins fãa sẽn maan Zʋʋda soolmã ne Zeruzalɛm soayã zutã la?

Zeremi 48:35

Sẽn-Ka-Saab yetame: Mam dat n sãama Moaab zãnga. Mam dat n sãama neb nins sẽn dʋʋd maoong kʋʋb zĩis n yõogd wisd Moaab wẽnnaam-dãmbã yĩngã.

Zeremi 5:2

Baa bãmb sã n yeele: «D wẽenda ne Sẽn-Ka-Saab sẽn vɩ wã yʋʋre,» yaa zĩrẽ-be-wẽeneg la bãmb wẽenda.

Zeremi 5:7

Sẽn-Ka-Saab yetame: «Zeruzalɛm nebã, bõn-kãng yĩng la m na n kõ-y sugr bɩ? Yãmb kambã basa maam, n wẽend ne bõn-zaals sẽn ka Wẽnnaam ye. Mam dag n kõo bãmb bũmb fãa tɩ seke, la bãmb baas n maana yoobo. Bãmb wẽdgda taab pʋg-yoaadb rotẽ.

Zeremi 7:6

la y ka nams sãambã ne kɩɩbsã la pʋg-kõapã, yãmb sã n ka raag bʋʋm dãmbã zɩɩm zĩ-kãngã, la y ka pʋg bu-zẽms wẽnnaam-dãmb n wa ne toog y meng zugu,

Ezekiyɛl 18:18

Yaa yẽnda ba wã n maan a saam-biig pãnga, la a wẽg-a, n maan sẽn ka neer a meng nebã sʋka. Yaa yẽnda n na n ki a kongrã yĩnga.»

Ezekiyɛl 20:30

Woto yĩnga, yeel Israyɛll buudã tɩ Zu-soab a Sẽn-Ka-Saab yetame: «Da maan-y wa y yaab-rãmbã n dẽgem y mens ye. Da maan-y lagem-n-taar ne bãmb yel-yoodã ye.

Ezekiyɛl 23:39

Bãmb dɩka b kom-dibli n maan maoong n kõ b wẽn-naandsã, la badaar bala, bãmb kẽng n tɩ rẽgma mam zĩig ning sẽn welg toorã. Yaa a woto la bãmb maan mam doogã pʋga.

Ezekiyɛl 5:11

Yãmb sẽn dẽgem mam zĩig ning sẽn welg toorã ne y yel-yoodã, la y yel-beedã yĩnga, mam wẽenda ne m mengã tɩ mam me na n bas-y lame, la m ka na n zoe y nimbãaneg ye. Mam ka na n bas yãmb ned ba a yembr tɩ põs ye.

A Ooze 2:13

Mam na n kɩtame tɩ yẽnda kɩdengã ne a tigã la a ki-paalã ne a vʋʋsg rayã la a tig a taabã fãa sɛ.

A Ooze 6:9

Maan-kʋʋdbã yaa wa fãadb sẽn sor n gũud neda. Bãmb bee Sɩkɛm sorã zug n kʋʋd nebã. Yõwã yaa yel-beed meng-menga!

A Amoose 4:5

Yõog-y y bark pʋʋsg maandã ne bur sẽn ning rã-bɩlle! Moon-y n togs-y y yamleoog kũunã, tɩ yaa woto la y nonga. Yaa Sẽn-Ka-Saab n yeele.

Sofoni 1:5

Mam na n menesa neb nins fãa sẽn dʋʋd rot zut n wõgemded n waoogd yĩngr ãdsã, la m menes neb nins sẽn wõgemded maam a Sẽn-Ka-Saab taoore, n yaool n wẽend ne tẽn-kugr a Milkom yʋʋrã.

Malasi 3:5

Saasẽ-Pãng-Soabã yetame: «Ade, mam na n wa y nengẽ, n wa kao y bʋʋdo. M na n yika tao-tao n mong nin-bãmbã bʋʋm: yaa bagbã, ne yoaadbã, la neb nins sẽn ka pidsd b pʋlengã, la sẽn zãmbd-b b tʋmtʋmdba, ne pʋg-kõap la kɩɩbse, la b maand sãamb pãnga, n ka zoet maamã.

Rom Dãmba 2:2

Sɩd me, tõnd miime tɩ Wẽnnaam bʋ-kaoorã neb nins sẽn maand a woto wã yĩng tũuda sɩda.

Yaoolem 32:17

Bãmb maana maand n kõ zĩn-dãmb sẽn ka Wẽnnaam ye, la wẽnnaam-dãmb bãmb sẽn ka mi sẽn yaool n wa, yãmb yaab-rãmb sẽn dag n ka waoogda.

Vẽnegre 21:8

La sã n yaa ne rabɛɛmbã, la ka-tẽeb rãmbã, la tʋʋm-dẽgd maandbã, la nin-kʋʋdbã, la nin-yoaadbã, la tɩ-maandbã, la wẽn-naands pʋʋsdbã, la zĩrẽ‑be‑nebã fãa, bãmb pʋɩɩr na n yɩɩ tɩ kẽ bugum mogrẽ wã, zĩig ning kidbr sẽn dɩtã. Rẽ yaa kũum a yiib soabã.

Vẽnegre 22:15

Ninsaan-baasã, tɩ-rɩtbã, nin-yoaadbã, nin-kʋʋdbã, wẽnd-naands pʋʋsdbã, la ned ning fãa sẽn nong zĩrẽ la sẽn yagd zĩrẽ paada yɩnga, n ka kẽ tẽngã pʋg ye.

Bʋ-kaoodba 5:8

Israyɛll nebã rag n bas n pʋgda wẽn-sãamse. Rẽ me n kɩte, tɩ zabã pid tẽngã, Israyɛll tãb-biis tus pis-naas rag n ka tõe n paam gãong tɩ b gomd kãnd ye.