Zeremi 7:8 - WẼNNAAM SEBRE 2014

⁸ La gese, yãmb teega zĩrẽ goam sẽn ka yõodo.

SEBR SÕNGO

⁸ La ade, yãmb sakdame n deegd zirẽ goama, goam sẽn ka yõodo la sẽn tudgd yãmba.

Zeremi 7:8 Iomraidhean Croise

A Ezayi 28:15

Yãmb yetame: «Tõnd maana kaool ne kũum, tõnd maana yẽsg ne kɩɩm-kulgu. Sẽn na n yɩl tɩ sãoongã sã n wa, wa ko-pɛm sẽn fõt n wat ne pãnga, bɩ a ra paam tõnd ye. Tõnd dɩka zĩrẽ tɩ yaa tõnd zĩ-lilldga, la d rɩk belgr tɩ yaa d solgr zĩiga.»

A Ezayi 30:10

Bãmb yeta yãtbã yaa: «Bɩ y ra leb n paam pĩnd-n-bãngr goam ye!» La b yet sẽn paamd-b vẽnegrã yaa: «Da leb-y n paam-y vẽnegr sẽn zems tõnd yĩng ye. Gom-y ne tõnd gom-noodo, la y paam vẽnegr sẽn ka sɩd ye!

A Ezayi 59:4

Ned ba a yembr ka be n gomd ne pʋ-peelem ye, ned ba a yembr ka be n togsd sɩd bʋʋd zĩigẽ ye. Bãmb dɩka b teegrã n teeg vɩʋʋgo, la b gomd goam sẽn ka sɩda. Bãmb saagda wẽnem maanego, la a rogda wẽnga.

Zeremi 13:25

Maam a Sẽn-Ka-Saab yetame: «Fo pʋɩɩr la woto, pʋɩɩr ning mam sẽn kõ foomã la woto, fo sẽn yĩm mam yelle, n tẽ zĩrẽ wã yĩnga.

Zeremi 23:26

Zãmb na n zĩnda no-rɛɛsdbã sũy pʋsẽ tɩ b togsd zĩrẽ pĩnd-n-bãngr goam hal tɩ ta dabʋre?

Zeremi 23:32

Sẽn-Ka-Saab yetame: «Mam na n zaba ne no-rɛɛsdb nins sẽn togsd zĩrẽ zãmsdo, n tudgd mam nebã ne b zĩrẽ wã, la ne b gom-vɩɩdã, tɩ yaool n ka maam n tʋm-ba, la m ka kõ-b noor me ye. Bãmb ka tar yõod ne m nebã ye.»

Zeremi 28:15

La no-rɛɛs a Zeremi yeela a Hananiya: Hananiya, m kot-f lame tɩ f kelg neere! Sẽn-Ka-Saab ka tʋm foom ye, tɩ fo yaool n pirsd nebã tɩ b teeg zĩrẽ.

Zeremi 4:10

La mam yeelame: «Kayto! Zu-soabã Sẽn-Ka-Saabo, yãmb belga nin-bãmbã! Yãmb belga Zeruzalɛm nebã zãnga. Yãmb yeela bãmb tɩ b na n zĩnda ne bãane, la sʋʋg yaool n zoe n bee koakoayẽ!»

Zeremi 5:31

No-rɛɛsdbã yagda zĩrẽ, la maan-kʋʋdbã maanda b sẽn date, tɩ mam nebã me nong rẽnda. La yãmb na n maana bõe bõn-kãens loogr zugẽ?

Zeremi 7:4

Ra teeg-y zĩrẽ goamã nebã sẽn togsdã ye. B yetame tɩ Sẽn-Ka-Saab roogã la woto, Sẽn-Ka-Saab roogã la woto!»

Zeremi 8:10

Yaa woto yĩnga, tɩ mam na n dɩk b pagbã n kõ neb a taaba, la neb a taab na n deega bãmb pʋto. Bala, kom-bãoonegã ne nin-kẽembã fãa baooda b mens nafr bala. No-rɛɛsdbã ne maan-kʋʋdbã fãa yagda zĩrẽ.