Zeremi 7:6 - WẼNNAAM SEBRE 2014

⁶ la y ka nams sãambã ne kɩɩbsã la pʋg-kõapã, yãmb sã n ka raag bʋʋm dãmbã zɩɩm zĩ-kãngã, la y ka pʋg bu-zẽms wẽnnaam-dãmb n wa ne toog y meng zugu,

SEBR SÕNGO

⁶ Yãmb sã n ka maan sãan pãnga, bɩ kɩɩba, bɩ pʋg-kõore, yãmb sã n ka raagd pʋ-peelem soab zɩɩm zĩ-kãnga, la y sã n ka pʋgd bu-zẽmba wẽn-naandsã, tɩ yaa wẽn-naandsa pʋgb n wãad yãmba,

Zeremi 7:6 Iomraidhean Croise

2 Rĩm-dãmba 21:6

Yẽnda tol n dɩka a biig n maan maoong n yõogd bugum. A bʋga bagre, la a pʋʋs sɩɩse. Yẽnda yãka neb n kɩt tɩ b sokd kɩɩmse, n na n bãng beoog yelle. A Manaase kell n kẽnga taoor n maand sẽn yaa wẽng Sẽn-Ka-Saab nifẽ, n kɩt tɩ Sẽn-Ka-Saab sũurã yiki.

2 Rĩm-dãmba 24:4

La sẽn paase, yaa rĩm a Manaase sẽn dag n daag bʋʋm dãmbã zɩɩm n pid Zeruzalɛm tẽngã yĩnga. Sẽn-Ka-Saab ka tʋlg n na n kõ-b sugr ye.

Yɩɩn‑sõamyã 106:38

Bãmb daaga neb sẽn ka tar yell zɩɩm, yaa b kom-dibli wã ne b kom-pugli wã zɩɩm. Bãmb dag n dɩkda bãmb n maand maoong n kõt Kana tẽng wẽn-naandsã, n kɩt tɩ tẽngã rẽgem zɩɩmã raagr yĩnga.

Yelbũna 23:10

Da yẽrg kʋdem-wẽndẽ toadg kugr ye, la f ra reeg kɩɩbs pʋʋg n soog ye.

A Ezayi 59:7

Bãmb naoã rabda wẽng maanego, bãmb tʋʋla ne bʋʋm soab zɩɩm daagre. Bãmb tagsg yaa tɩ maan wẽng bala. Sãoong ne wẽng bee bãmb soayã zutu.

Zeremi 13:10

Bãmb yaa nin-wẽns sẽn ka sakd n kelg mam goamã ye. B maanda wa sẽn zems b sũ-keglmã, la b zoet n pʋgda bu-zẽms wẽn-naands n wõgemded b taoor n waoogd-ba. Woto yĩnga, bɩ b lebg wa kur-wĩ-kãngã sẽn ka leb n tar yõodã.

Zeremi 19:4

Bala, bãmb basa maam n yõogd wisd n kõt buud a taab wẽnnaam-dãmb bãmb ne b yaab-rãmbã la Zʋʋda rĩm-dãmbã sẽn ka mi, n dẽgem zĩ-kãngã. Bãmb pidsa zĩ-kãngã ne bʋʋm dãmb zɩɩm.

Zeremi 2:30

Mam sẽn sɩbg yãmb kambã yaa zaalem bala. Yãmb ka sak n tũ m demsgã ye. Yãmb kʋʋ no-rɛɛsdb nins mam sẽn dag n tʋm yãmb nengẽ wã, wa gɩgem-toaag sẽn kʋʋd to-to wã.

Zeremi 2:34

Bũmb ning sẽn kẽesd yãmb moogã, yaa nimbãan-dãmb ne neb sẽn ka tar yellã zɩɩm sẽn mad y futã noyã, tɩ y yaool n ka ling-b tɩ b kaood roog n baood n dɩk bũmbã.»

Zeremi 26:15

La bãng-y tɩ y sã n kʋ maam, mam zɩɩmã raagr taal na n zĩnda y zugu, la tẽn-kãngã ne a nebã me zugu. Bala, yaa Sẽn-Ka-Saab n sɩd tʋm maam tɩ m wa togs yãmb gom-kãensã fãa.»

Zeremi 26:23

Bãmb tɩ yiisa a Uuri Ezɩpte, n tall-a n wa rĩm a Yoyakim nengẽ. La rĩmã kʋʋ yẽnda zĩig pʋgẽ ne zabr sʋʋga, n dɩk a kũumã n tɩ lob tẽngã nebã yaadẽ.

Zeremi 35:15

Mam tʋma m tʋmtʋmdbã sẽn yaa m no-rɛɛsdbã fãa yãmb nengẽ, tɩ b wa yeel yãmba, tɩ m kotame tɩ yãmb ned kam fãa wẽnemd n bas a manesem-wẽngã, la a maan sẽn zemse. B yeela yãmb tɩ y bas bu-zẽmsã wẽnnaam-dãmb waoogre, tɩ yãmb tõe n pa tẽng ning mam sẽn kõ yãmb ne y yaab-rãmbã pʋgẽ. La yãmb ka sak n kelg maam ye.

Zeremi 5:28

Bãmb nobame tɩ b nens põeeda. Bãmb maanda wẽng hal tɩ loog nugu. Bãmb ka kaood bʋʋd wa sẽn zems ye. Bãmb ka kaood kɩɩbs bʋʋd tɩrg ye. Bãmb maanda a woto n tɩlgdẽ. Bãmb toog ka be ne naong rãmb bʋʋd zĩigẽ ye.

Zeremi 7:5

Yãmb sã n maneg y yel-manesmã ne y tʋʋmã, la y maan wa sẽn zems ne taaba,

Zeremi 7:9

Rẽ yĩnga, yãmb tõeeme n zuud la y kʋʋda, la y yooda, la y wẽend zĩrẽ wẽenego, la y yõogd wisd n kõt wẽn-naandg a Baalle, la y waoogd bu-zẽms wẽnnaam-dãmb yãmb sẽn ka mi,

Kʋʋr yɩɩla 4:13

Bõn-kãng yaa a no-rɛɛsdbã yel-wẽnã yĩnga, la a maan-kʋʋdbã kongr yĩnga, bãmb sẽn daag nin-tɩrsã zɩɩm a pʋgẽ wã yĩnga!

Ezekiyɛl 18:6

n ka rɩt tãms zut maand rɩɩbo, la a ka waoogd Israyɛll nebã wẽn-naandsã, la a ka maand rẽgd ne a to paga, la a ka kẽed ne pag sẽn yãnd a kiuugu,

Ezekiyɛl 22:7

Ned toog ka leb n be ne a ba ne a ma fo pʋgẽ ye. B maanda sãambã pãng fo pʋgẽ. B kɩtdame tɩ kɩɩbs ne pʋg-kõap tʋmd fo pʋgẽ tɩ b ka yaood-b ye.

Maan‑kʋʋre 19:33

Sãan sã n wa n be ne yãmb y tẽngã pʋga, bɩ y ra wẽg-a ye.

Maan‑kʋʋre 25:17

Bɩ yãmb ned ba a yembr da wẽg a ba-biig ye, bɩ y zoe yãmb Wẽnnaamã. Bala, mam yaa Sẽn-Ka-Saab sẽn yaa yãmb Wẽnnaam.

Malasi 3:5

Saasẽ-Pãng-Soabã yetame: «Ade, mam na n wa y nengẽ, n wa kao y bʋʋdo. M na n yika tao-tao n mong nin-bãmbã bʋʋm: yaa bagbã, ne yoaadbã, la neb nins sẽn ka pidsd b pʋlengã, la sẽn zãmbd-b b tʋmtʋmdba, ne pʋg-kõap la kɩɩbse, la b maand sãamb pãnga, n ka zoet maamã.

A Matiye Sõng 27:25

La nebã fãa leokame n yeel yaa: «Bɩ b zɩɩmã zĩnd tõnd ne d kambã zutu.»

A Matiye Sõng 27:4

«Mam beegame, mam sẽn zãmb rao-kãng sẽn ka tar yellã tɩ b yõk-a wã yĩnga.» La b leoka yẽnda n yeele: «Tõnd toogo? Paka foom.»

Yaoolem 11:28

La yãmb sã n ka kelg Sẽn-Ka-Saab sẽn yaa yãmb Wẽnnaamã tõodo, yãmb sã bʋdg n bas sor ning mam sẽn wilgd yãmb dũndã wã, n na n tũ wẽnnaam-dãmb a taab yãmb sẽn ka mi, na n yɩɩ kãab-beed yãmb yĩnga.

Yaoolem 24:17

Da bʋ-y sãan bɩ kɩɩb bʋʋd kegre, la ra reeg-y pʋg-kõor fuug n gãneg n yaool n kõ-a bũmb ye.

Yaoolem 27:19

Kãab-wẽng bee ne ned ning sẽn kaood sãan ne kɩɩb la pʋg-kõor bʋʋd kegrã. La bɩ nebã fãa yeel tɩ ãmina.

Yaoolem 8:19

Yãmb sã n saag n yĩm Sẽn-Ka-Saab sẽn yaa yãmb Wẽnnaamã yelle, n tũ buud a taab wẽnnaam-dãmb n waoog-ba, mam yeta yãmb hakɩɩk rũndã, tɩ yãmb na n menema zãnga.

Zake 1:27

Ba a Wẽnnaam taoore, wẽn-tũudum sẽn yaa yɩlemde, n ka tar wada, yaa tɩ kẽng n ges kɩɩbse la pʋg‑kõap b yel-pakr pʋse, la tɩ gũus f meng ne dũni rẽgdo.