Zeremi 7:3 - WẼNNAAM SEBRE 2014

³ Saasẽ-Pãng-Soabã sẽn yaa Israyɛll Wẽnnaamã yetame: «Maneg-y y yel-manesmã ne y tʋʋmã, tɩ m bas-y tɩ y zĩnd zĩ-kãngã.

SEBR SÕNGO

³ Ad-y yaa maam, a Israyɛl Wẽnda n yet tɩ y tall y mens neere, la y vɩɩnd wa sẽn segde tɩ m na pa zĩ-kãnga ne yãmba.

Zeremi 7:3 Iomraidhean Croise

2 Rĩm-dãmba 17:13

Sẽn-Ka-Saab rag n kɩtame tɩ bãmb no-rɛɛsdbã ne b bãngdbã fãa keoog Israyɛll ne Zʋʋda nebã n yeel-b yaa: «Wẽnemd-y n bas-y y tʋʋm-wẽnsã, n sak mam tõodã ne m noyã, la y sak tõod nins fãa mam sẽn kɩt tɩ m tʋmtʋmdbã ne m no-rɛɛsdbã togs yãmb ba-rãmbã.»

Esdras 10:11

Bɩ y vẽneg fãa n togs Sẽn-Ka-Saab taoor moasã, tɩ bãmb yaa yãmb yaab-rãmbã Wẽnnaam, la y sak bãmb daabã, n welg y mens ne tẽngã nebã, la ne yãmb pagb nins sẽn yaa bu-zẽmsã.»

Yelbũna 28:13

Sẽn solgd-a a kongr ka na n paam tõogr ye. La ned sã n vẽneg n togs a kongr n bas-a, a paamda nimbãan-zoeere.

A Ezayi 55:7

Bɩ nin-wẽng bas sor ning a sẽn tũudã, la bɩ tʋʋm-wẽns maandã bas a tags wẽnsã, n lebg n wa Sẽn-Ka-Saab nengẽ, tɩ tõnd Wẽnnaamã sẽn kõt sugr wʋsgã, tõe n zoe yẽnda nimbãanega.

Zeremi 17:25

rĩm-dãmb sẽn zao a Davɩɩd naamã goeel zugu, n kẽnd ne wiidi wall saar-dãmba, ne b kug-zĩidbã, la Zʋʋda ne Zeruzalɛm nebã, nin-bãmbã fãa na n tũuda tẽngã rignoyẽ n kẽedẽ, la neb na n be a pʋgẽ wakat fãa.

Zeremi 18:11

La moasã, mam kota foom tɩ f yeel Zʋʋda ne Zeruzalɛm nebã yaa: Ade, Sẽn-Ka-Saab yetame: «Mam segenda toog y yĩnga, mam saagda zabr y yĩnga. Dẽ, bɩ yãmb ned kam fãa tek yam n bas a manesem-wẽnsã. Tek-y y manesmã ne y tʋʋmã!»

Zeremi 18:8

t'a tek yam n bas wẽng ning a sẽn dag n maandã, mam me na n teka yam n bas wẽng ning m sẽn dag n saagd a yĩngã.

Zeremi 26:13

Moasã, bɩ y tek y yel-manesmã ne y tʋʋmã. Kelg-y Sẽn-Ka-Saab sẽn yaa yãmb Wẽnnaamã koɛɛgã, tɩ b bas toog ning b sẽn dag n saagd n na n kɩt tɩ wa yãmb zugã vaale.

Zeremi 35:15

Mam tʋma m tʋmtʋmdbã sẽn yaa m no-rɛɛsdbã fãa yãmb nengẽ, tɩ b wa yeel yãmba, tɩ m kotame tɩ yãmb ned kam fãa wẽnemd n bas a manesem-wẽngã, la a maan sẽn zemse. B yeela yãmb tɩ y bas bu-zẽmsã wẽnnaam-dãmb waoogre, tɩ yãmb tõe n pa tẽng ning mam sẽn kõ yãmb ne y yaab-rãmbã pʋgẽ. La yãmb ka sak n kelg maam ye.

Zeremi 35:16

A Rekaab biig a Yonadaab sakda noor ning b yaabã sẽn kõ bãmbã, la nin-bãmbã ka kelgd maam ye!

Zeremi 4:1

Maam a Sẽn-Ka-Saab yetame: «Israyɛll nebã, yãmb sã n lebg n wa mam nengẽ, yãmb sã n yiis bõn-naands nins mam sẽn kisã mam taoore, la y ka leb n saad n yeebdẽ,

Zeremi 6:16

Ade, Sẽn-Ka-Saab yetame: «Yaas-y soayã zut n gese, Sok n bãng kʋdem-wẽndẽ soayã sẽn beẽ. Sok-y n bãng-y so-sõngã sẽn beẽ. Tũ-y so-kãng tɩ y na n vɩɩmda bãane.» La nebã yeelame: «Tõnd ka na n tũ so-kãng ye.»

Zake 4:8

Kolg-y Wẽnnaam, la bãmb na pẽneg yãmba. Yel-wẽn-maandba, nudg-y y nusã. Yam a yiib rãmbã, nedg-y y sũyã.