Zeremi 7:16 - WẼNNAAM SEBRE 2014

¹⁶ La foom a Zeremi, ra pʋʋs maam nin-kãensã yĩng ye. Ra zẽk f koɛɛg wall f yõk maam sɛɛg ye. Bala, mam ka na n kelg-f ye.

SEBR SÕNGO

¹⁶ La foo, Zeremi, bɩ f ra yõk m sɛɛg buud kãnga yĩng ye. Ra zẽk f koɛɛg n kelem, da pʋʋs-m nin-bãmba yĩng ye. Ra pẽdg-ma ne f pʋʋsgo tɩ m pa na n kelg-f ye!

Zeremi 7:16 Iomraidhean Croise

2 Sãmwɛlle 8:18

A Seraza rag n yaa seb-gʋnda. A Zehozada biig a Benaya sooga a Davɩɩd gũudb nins sẽn yaa a Kerɛt ne Pelɛt buudã, la a Davɩɩd kambã n dag n yaa maan-kʋʋdba.

Yikri 32:10

La moasã, bas tɩ mam sũ-kãbrã wɩng n dɩ-ba. Mam na n kɩtame tɩ buud sẽn yaa kãseng yi fo pʋgẽ.»

A Ezayi 1:15

Yãmb sã n zẽk y nusã n tees maam, mam mumda m nin n ka rat n yãnd yãmb ye. Baa ne yãmb sẽn pʋʋsd n yɩlemdẽ wã, mam ka kelgd ye. Yãmb nusã pida ne zɩɩm.

Zeremi 11:14

Bɩ foom a Zeremi ra pʋʋs maam, la f ra kelem n bool maam nin-bãmbã yĩng ye. Bala, bãmb sã n bool maam b toogã pʋgẽ, mam ka na n kelg-b ye.› »

Zeremi 15:1

Sẽn-Ka-Saab yeela maam yaa: «Ba a Moyiis ne a Sãmwɛll sã n wa yals mam taoore, mam ka na n zoe nin-bãmbã nimbãaneg ye. Rig-b tɩ b menem mam taoor n bao zĩiga.

Zeremi 15:6

Maam a Sẽn-Ka-Saab yetame: Yãmb basa maam, yãmb tuda maam y kudga. Woto yĩnga, mam zẽka m nug n sãamd yãmba. Mam yam ya n yii ne yãmb nimbãaneg zoeese.

Zeremi 18:20

Yel-sõmd yaood yaa beem la? Bãmb tuu bok n dat tɩ m lʋɩ a pʋgẽ. Tẽeg-y tɩ mam dag n yalsa yãmb taoore, n yõk yãmb sɛɛg bãmb yĩnga, tɩ y sũurã ra wa puug ne-b ye.

Zeremi 4:28

Bõn-kãng yĩng kɩtame tɩ tẽngã fãa be sũ-sãang pʋga, tɩ saasẽ lebg lik bida. Yaa maam n yeele, la m yam-yãkr la a woto. Mam ka maand m bãngẽ, la m kõn lebs m noor poorẽ me ye.»

Zeremi 7:17

Fo ka ne bãmb sẽn maand bũmb nins Zʋʋda tẽmsã pʋs ne Zeruzalɛm soayã zutã la?

A Miise 3:4

Dẽ, bãmb na n wa kelem n boola Sẽn-Ka-Saabo, la b ka na n leok bãmb ye. Badaare, Sẽn-Ka-Saab na n solga b nengã ne bãmba, wẽng ning bãmb sẽn maanã yĩnga.»

Yaoolem 9:14

Bas tɩ m sãam-ba, n yẽes b yʋʋrã tẽng zugu, la m kɩt tɩ fo lebg bu-kãseng sẽn tar pãng n yɩɩd bãmba, tɩ b sõorã me yɩɩd-ba.

1 Zã 5:16

Ned sã n yãnd a ba-biig sẽn maan yel-wẽnd sẽn ka wat ne kũum, bɩ a pʋʋse, la Wẽnnaam na kõ-a vɩɩm. Yaa neb nins sẽn maand-b yel-wẽn sẽn ka wat ne kũumã yĩnga la y tog n pʋʋse. Yel-wẽnd n be n wat ne kũum, ka yel-wẽn‑kãng yĩng la mam sẽn yet tɩ y pʋʋsã ye.