Zeremi 7:13 - WẼNNAAM SEBRE 2014

¹³ Maam a Sẽn-Ka-Saab yetame: «Yãmb sẽn maan bõn-kãens fãa wã yĩnga, mam sẽn gom ne yãmb n leb n gom n ka tol n bas tɩ yãmb ka kelgã, mam sẽn bool yãmb tɩ y ka sakã yĩnga,

SEBR SÕNGO

¹³ M yet-y lame, Soaala n gomde, y tʋma wẽng wa pĩnd dãmbã. M wilgame n le wilg n paase la y pa kelg ye. M bool-y lame la y pa sak ye.

Zeremi 7:13 Iomraidhean Croise

Yelbũna 1:24

Mam sẽn bool yãmb tɩ y zãgsã yĩnga, la m tud m nug tɩ ned ba a yembr ka tol n gesã,

A Ezayi 50:2

Bõe yĩng tɩ mam wa n ka mik neda? Bõe yĩng tɩ mam bool tɩ ned ka leoke? Dẽ yĩnga, mam nugã yaa koɛɛg n ka tõe n fãag yãmb la? Mam ka tar pãng n tõe n fãag yãmb la? Mam sã n tãs ko-kãsengã, a kʋɩtame. Mam tõe n kɩtame tɩ kʋɩls lebg we-raoogo. Koomã kaalem yĩnga, bãmb zĩmã na n põogame, ko-yũud na n kʋʋ bãmba.

A Ezayi 65:12

mam na n basa yãmb tɩ zabr sʋʋg sãam-yã, la yãmb fãa na n yĩgimda y rũmã zut tɩ b kood-yã. Bala, mam boolame tɩ yãmb ka sak ye. Mam gomame la yãmb ka kelg ye. La yãmb maana bũmb nins fãa sẽn ka noom maam, yãmb yãka bũmb nins sẽn ka tol n kõt maam sũ-noogã.»

A Ezayi 66:4

Mam me maanda sũ-noog bãmb tõodã yĩnga, la mam na n kɩtame tɩ bãmb sẽn zoet bũmb ningã paam-ba. Bala, mam boolame la ned ka sak ye. Bala, mam gomame la bãmb ka kelg ye. La bãmb maana mam sẽn ka rate, n yãk bũmb ning sẽn ka tol n noom maamã.»

Zeremi 11:7

Bala, mam sẽn dag n yiis y yaab-rãmbã Ezɩptã, mam keooga bãmb n ka bas ye, n yeel-b tɩ b sak m goamã. La mam kell n sagla nebã hal tɩ ta rũndã.

Zeremi 11:8

La bãmb ka sak n kelg ye. Bãmb ned kam fãa maana wa sẽn zems a sũ-keglmã. Mam yeela bãmb tɩ b sak m kaoolã goamã, la bãmb ka sak ye. Woto, mam maana bãmb wa sẽn zems goam nins fãa sẽn be kaoolã pʋgẽ wã.»

Zeremi 13:10

Bãmb yaa nin-wẽns sẽn ka sakd n kelg mam goamã ye. B maanda wa sẽn zems b sũ-keglmã, la b zoet n pʋgda bu-zẽms wẽn-naands n wõgemded b taoor n waoogd-ba. Woto yĩnga, bɩ b lebg wa kur-wĩ-kãngã sẽn ka leb n tar yõodã.

Zeremi 13:11

Mam dag n dɩka Israyɛll ne Zʋʋda buudã n sẽbg m menga, wa ned sẽn dɩk sẽbdg n sẽbg a sɛɛga, tɩ b tõe n yɩ mam neba, n lebg mam zu-zẽkr ne m pẽgr la m ziiri, la bãmb ka kelg ye. Maam a Sẽn-Ka-Saab n yeele.»

Zeremi 25:3

«Zʋʋda rĩm a Amon biig a Zoziyaas sẽn deeg naam tɩ yʋʋm piig la a tãablẽ tɩ ta rũndã, yaa yʋʋm pisi la a tãab la Sẽn-Ka-Saab gom ne maam. Mam togs-a-la yãmb n ka bas ye. Mam togs-a-la yãmb la y ka kelg ye.

Zeremi 26:5

la y ka kelg mam tʋmtʋmdbã sẽn yaa no-rɛɛsdbã mam sẽn tʋm yãmb nengẽ naoor wʋsg tɩ y ka kelg-bã,

Zeremi 29:19

b sẽn ka kelg mam goamã yĩnga. Maam a Sẽn-Ka-Saab n yeele. Mam yaool n tʋma m tʋmtʋmdbã sẽn yaa no-rɛɛsdbã yãmb nengẽ n ka bas ye. La yãmb ka kelg-b ye. Maam a Sẽn-Ka-Saab n yeele.› »

Zeremi 32:33

Bãmb ka wẽnemd n tees maam ye, b tuda maam b kãare. Mam ka yɛ ne bãmb zãmsg ye, la b yaool n kɩɩsa maam n ka sak m demsgã ye.

Zeremi 35:14

A Rekaab biig a Yonadaab yeela a yagensã tɩ b ra yũ reezẽ rãam ye. Sɩd me, hal tɩ ta rũndã, bãmb saka b yaabã noore, n ka yũud reezẽ rãam ye. La mam meng yaool n goma ne yãmb n ka tol n bas ye, la yãmb ka kelg maam ye.

Zeremi 35:15

Mam tʋma m tʋmtʋmdbã sẽn yaa m no-rɛɛsdbã fãa yãmb nengẽ, tɩ b wa yeel yãmba, tɩ m kotame tɩ yãmb ned kam fãa wẽnemd n bas a manesem-wẽngã, la a maan sẽn zemse. B yeela yãmb tɩ y bas bu-zẽmsã wẽnnaam-dãmb waoogre, tɩ yãmb tõe n pa tẽng ning mam sẽn kõ yãmb ne y yaab-rãmbã pʋgẽ. La yãmb ka sak n kelg maam ye.

Zeremi 35:17

Woto yĩnga, maam a Sẽn-Ka-Saab sẽn yaa Saasẽ-Pãng-Soab a Wẽnnaam, n yaa Israyɛll Wẽnnaamã yetame: «Mam na n kɩtame tɩ toog ning mam sẽn dag n yeel t'a na n paama Zʋʋda ne Zeruzalɛm nebã fãa wã paam-ba, mam sẽn gom ne bãmb tɩ b ka kelgã yĩnga, la m sẽn bool bãmb tɩ b ka sakã yĩnga.»

Zeremi 44:23

Yãmb sẽn yõog wisdã yĩnga, la y sẽn maan yel-wẽn n beeg Sẽn-Ka-Saabã yĩnga, la yãmb sẽn ka kelg Sẽn-Ka-Saabã yĩnga, la y sẽn ka sak n tũ bãmb tõogã ne b noyã la b tʋlsmã yĩng n kɩte, tɩ toog a woto paam-yã, la rẽ me n kɩt tɩ ket n yaa a woto hal tɩ ta rũndã wã.»

Zeremi 44:4

Mam tʋma m tʋmtʋmdbã fãa sẽn yaa no-rɛɛsdbã yãmb nengẽ n ka base, tɩ b wa kos yãmb tɩ y ra maan yel-be-kãngã m sẽn kisã ye!

Zeremi 5:21

«Kelg-y-yã! Yalemb sẽn ka tar bãngre, yãmb tara nini, la y ka ne ye. Yãmb tara tʋba, la y ka wʋmd ye.»

Zeremi 6:10

Ãnda la mam na n gom ne? Ãnda n na n yɩ mam kaset soab tɩ b sak n kelge? Ade, bãmb yẽda b tʋb n ka rat n wʋm ye. Sẽn-Ka-Saab goamã yaa wa laad bãmb yĩnga. Bãmb ka nong n wʋm-a ye.

Zeremi 7:25

Hal sẽn sɩng ne wakat ning y yaab-rãmbã sẽn yi Ezɩptã n tãag rũndã, mam tʋma m tʋmtʋmdbã fãa sẽn yaa m no-rɛɛsdbã yãmb nengẽ wakat fãa n ka bas ye.

A Ooze 11:2

La b zãaga b mens ne sẽn boond-b bãmbã. Bãmb maana maand a Baall yĩnga. La b yõog wisd bõn-naandsã yĩnga.

A Ooze 11:7

Mam nebã ka rat n bas b kɩɩsgã ye. B boonda bãmb tɩ b naag taab n yiki, La bãmb ka yik ye.

A Ooze 9:17

Mam Wẽnnaamã na n basa Efrayiim dãmbã. Bala, b pa kelg bãmb ye. Yaa rẽ n kɩt tɩ b na n lebg yɛɛbdba bu-zẽmsã sʋka.

Zakari 7:13

Saasẽ-Pãng-Soabã yeelame: «Mam sẽn bool bãmbã, b ka kelg ye. Dẽ wã, bãmb sã n wa bool maam, mam me ka na n kelg ye.

A Matiye Sõng 23:37

Zeruzalɛm! Zeruzalɛm! Fo sẽn kʋʋd Wẽnnaam no-rɛɛsdba, la f lobd neb nins b sẽn tʋm fo nengẽ wã kugã! Naoor wʋsgo mam dag n tʋlg n tigsa f kambã wa no-yãang sẽn põgended a no-bi a pɩgsẽ, la yãmb ka sak ye.