Zeremi 7:10 - WẼNNAAM SEBRE 2014

¹⁰ n yaool n wat n yas mam taoor do-kãngã mam yʋʋrã sẽn be-a pʋgẽ wã pʋg n maand yel-be-kãensã, n yetẽ tɩ yãmb paama fãagre?

SEBR SÕNGO

¹⁰ Y yaoondame marsã n wa m taoore, wẽnd dooga pʋga, m waoogra roogẽ la y yetẽ: «Tõnd yell manegame,» la y baas n ket n tʋmda y tʋʋm wẽna.

Zeremi 7:10 Iomraidhean Croise

1 Rĩm-dãmbã 9:3

Sẽn-Ka-Saab yeela yẽnda yaa: «Mam wʋma fo pʋʋsgã ne f kosgã f sẽn kos maamã. Dẽ, mam na n welga roog ning fo sẽn me n kõ maamã toore, n ning m yʋʋrã a pʋgẽ wakat fãa yĩnga, la mam belmã ne m sũurã na n zĩnda ro-kãngã pʋg wakat fãa.

2 Rĩm-dãmba 21:4

A Manaase mee tẽn-kug Sẽn-Ka-Saab roogã pʋga. Sẽn-Ka-Saab yaool n dag n yeelame: «Yaa Zeruzalɛm n na n yɩ mam belem la m yʋʋrã waoogr zĩiga.»

2 Kibayã 33:4

A Manaase mee tẽn-kug Sẽn-Ka-Saab roogã pʋga, la Sẽn-Ka-Saab yaool n dag n goma ro-kãng yell n yeele: «Yaa Zeruzalɛm la m na n kɩt tɩ m yʋʋrã zĩnd wakat sẽn kõn sa yĩnga.»

2 Kibayã 33:7

A Manaase ninga wẽn-naandg Wẽnnaam doogã pʋga, a mengã sẽn dag n kɩt tɩ b naane. La Wẽnnaam yaool n dag n goma ne a Davɩɩd ne a biig a Salmo n yeele: «Yaa ro-kãngã pʋga, ne Zeruzalɛm tẽnga pʋga, la mam yãk Israyɛll buudã fãa sʋka, n na n kɩt tɩ m yʋʋrã zĩnd be wakat sẽn kõn sa yĩnga.»

Yelbũna 15:8

Nin-wẽnsã maoong yaa yel-beed Sẽn-Ka-Saab nifẽ, la nin-tɩrsã pʋʋsg tata bãmb yam.

A Ezayi 48:2

B yaool n boonda yãmb tɩ tẽn-sõngã nebã, la yãmb teega Israyɛll Wẽnnaamã, soab ning yʋʋr sẽn boond tɩ Saasẽ-Pãng-soabã.

Zeremi 32:34

Bãmb ninga b yel-beedã roog ning b sẽn boond mam yʋʋrã a pʋgẽ wã pʋgẽ, n dẽgm-a.

Zeremi 34:15

Rũndã yãmb dag n teka yam, n maan sẽn tat mam yam: Yãmb ned kam fãa mooname n yeel t'a sakame n na n kõ a yembs lohorem. Yãmb maana kaool mam taoore, roog ning b sẽn boond mam yʋʋrã a pʋgẽ wã pʋgẽ.

Zeremi 44:9

Yãmb yĩma wẽng ning y yaab-rãmbã ne Zʋʋda rĩm-dãmbã la b pagbã sẽn maanã, la wẽng ning yãmb mensã ne y pagbã sẽn maanã, la bũmb nins fãa sẽn maan Zʋʋda soolmã ne Zeruzalɛm soayã zutã la?

Zeremi 7:11

Rẽ yĩnga, yãmb geta ro-kãngã b sẽn boond mam yʋʋrã a pʋgẽ wã wa wagda soondg zĩig la? Mam nee fãa. Maam a Sẽn-Ka-Saab n yeele.

Zeremi 7:14

ad mam sẽn na n maan ro-kãngã b sẽn boond mam yʋʋrã a pʋgẽ wã, roog ning yãmb sẽn teeg-a wã, la zĩig ning mam sẽn dag n kõ yãmb ne y yaab-rãmbã to-to: Mam na n maan-a-la wa m sẽn dag n maan Sɩlo wã.

Zeremi 7:30

Maam a Sẽn-Ka-Saab yetame yaa: «Zʋʋda nebã beega maam. Bãmb dɩka b bõn-naands nins mam sẽn kisã n ning roog ning b sẽn boond mam yʋʋrã a pʋgẽ wã pʋga, n dẽgm-a.

Ezekiyɛl 20:39

Yãmb a Israyɛll buudu, Zu-soab a Sẽn-Ka-Saab yetame: «Bɩ ned kam fãa kell n waoog a wẽn-naandse! La bãng-y tɩ rẽ zugẽ, yãmb na n kelga maam. Yãmb kõn leb n wa ne kũuni, la y waoog y wẽn-naandsã n sãam m yʋ-sõngã ye.

Ezekiyɛl 23:29

Bãmb na n kisga foom n nams-fo, bãmb na n deesa bũmb nins fo sẽn tʋm n paamã n bas-f zaalem fasɩ. B na n yeesa f futã n bas-f f zaala, f tʋʋm-dẽgdã ne f yãn-tʋʋmã, la f koos-m-mengã tʋʋm yĩnga.

Ezekiyɛl 23:37

Bala, bãmb kẽesa b mens yoob pʋgẽ, la b nusã pida ne zɩɩm. Bãmb maana yoob ne b wẽn-naandsã. La sẽn paase, bãmb sẽn dag n dɩk b kom-dibli nins n kõ maamã, bãmb lebg n dɩk-b n lame n kɩt tɩ b lebg wẽn-naandsã rɩɩbo.

Ezekiyɛl 23:39

Bãmb dɩka b kom-dibli n maan maoong n kõ b wẽn-naandsã, la badaar bala, bãmb kẽng n tɩ rẽgma mam zĩig ning sẽn welg toorã. Yaa a woto la bãmb maan mam doogã pʋga.

Ezekiyɛl 33:25

Woto yĩnga, bɩ f yeel-b tɩ maam a Zu-soab a Sẽn-Ka-Saab yetame: ‹Yãmb wãbda rũng ne a zɩɩm, la y waoogd wẽn-naandse. Yãmb daagda zɩɩm. La yãmb tẽedame tɩ y na n sooga tẽngã la?

Ezekiyɛl 33:31

Bãmb kʋʋngã wata fo nengẽ, mam nebã zĩi fo taoore, n kelgd fo goamã, la b ka maand wa fo sẽn yetã ye.› Bala, bãmb gomda no-noom goamã, la b sũyã yaool n pida ne yão-beedo.

Ezekiyɛl 5:11

Yãmb sẽn dẽgem mam zĩig ning sẽn welg toorã ne y yel-yoodã, la y yel-beedã yĩnga, mam wẽenda ne m mengã tɩ mam me na n bas-y lame, la m ka na n zoe y nimbãaneg ye. Mam ka na n bas yãmb ned ba a yembr tɩ põs ye.

A Dãniyɛlle 9:18

Mam Wẽnnaam, kɩll-y y tʋbr n kelge! Puk-y y nin n ges tõnd tẽngã, tẽng ning b sẽn boond yãmb yʋʋrã a pʋgẽ wã sẽn lebg raboogã. Ka tõnd tʋʋm-sõamã yĩng la tõnd sẽn yõkd yãmb sɛɛg woto wã ye. La yaa yãmb nimbãan-zoeerã sẽn yaa kãsengã yĩnga.

A Ooze 6:9

Maan-kʋʋdbã yaa wa fãadb sẽn sor n gũud neda. Bãmb bee Sɩkɛm sorã zug n kʋʋd nebã. Yõwã yaa yel-beed meng-menga!

A Amoose 4:5

Yõog-y y bark pʋʋsg maandã ne bur sẽn ning rã-bɩlle! Moon-y n togs-y y yamleoog kũunã, tɩ yaa woto la y nonga. Yaa Sẽn-Ka-Saab n yeele.

Sofoni 1:5

Mam na n menesa neb nins fãa sẽn dʋʋd rot zut n wõgemded n waoogd yĩngr ãdsã, la m menes neb nins sẽn wõgemded maam a Sẽn-Ka-Saab taoore, n yaool n wẽend ne tẽn-kugr a Milkom yʋʋrã.

Malasi 3:15

Moasã, tõnd yetame tɩ tɩtaam dãmbã tara barka, bala, bãmb maanda wẽnga, la ne rẽ fãa, b tɩlgdame. Bãmb makda Wẽnnaam, la b ka paamd sɩbgr ye!»

A Matiye Sõng 23:13

Yãmba, tõog karen-saam-dãmbã, la Fariizẽ-dãmb sẽn yaa zãmb dãmbã, yãmb na paam toogo! Bala, yãmb pagda arzãn soolmã tɩ nebã ka tõe n kẽ ye. Yãmb mensã ka kẽede, la yãmb ka basd neb nins sẽn dat n kẽ wã me tɩ b kẽ ye.

A Zã Sõng 13:18

Ka yãmb fãa yell la mam sẽn gomdã ye. Mam mii neb nins mam sẽn tũusã. La yaa tɩlɛ tɩ bũmb ning sẽn gʋls Wẽnnaam gʋls-sõamyã pʋgẽ wã pidsi. B yeela be tɩ: «Ned ning sẽn wãbd-a bur ne maamã wẽneg n zabda ne maam.»

A Zã Sõng 18:28

B yii ne a Zeezi a Kayif zakẽ wã n tall-b n kẽng gʋvɛrneerã zakẽ. Dag n yaa yibeoogo. Bãmb mensã ka kẽ zakã pʋg ye, sẽn na yɩl n da rẽgem b mense, n paam n dɩ Pak tigrã.