Zeremi 6:1 - WẼNNAAM SEBRE 2014

¹ Benzame buudu, zoe-y n yi-y Zeruzalɛm! Tɩ bao-y zĩig n soonde! Peeb-y baorg Tekoa. Zẽk-y tãb-kaoor Bet-Hakerɛm pʋgẽ! Bala, toog yita wĩndg sẽn lʋɩtẽ dɩtg n watẽ, na n yɩɩ sãoon-kãsenga!

SEBR SÕNGO

¹ Bẽnzame kamba, zoe-y n yi Zerizalɛɛm n bao zĩig n soonde, peeb-y baorg Tekoa; ning-y tãb-kaoore Bɛt-Kerem tãnga zugu, tɩ yel-beed n yit Goabg n watẽ, yaa tẽn-kũum menga.

Zeremi 6:1 Iomraidhean Croise

2 Sãmwɛlle 14:2

Dẽ, yẽnda kɩtame tɩ pag a yembr sẽn tar yam yi Tekoa n wa, la yẽnda yeel-a lame yaa: «M kotame tɩ f yeelg kʋʋr futu, la f ra zɛ kaam ye. Maan wa f ned n ki tɩ f be sũ-sãang pʋg hal daar zãra.

2 Kibayã 11:6

Yaa Betlehɛm, Etam, Tekoa,

A Neemi 3:14

A Rekaab biig a Malkiya sẽn yaa Bɛt-kerɛm soolem naabã n maneg noor ning b sẽn boond tɩ tãmpʋʋr noorã. La b sẽn maneg-a n me n sɛ, b ninga a ra-lugdsã, a ra-paadsã ne a kʋɩlen-kuyã.

A Neemi 3:5

La sẽn pʋgl bãmb yaa Tekoa nebã, la bãmb nanambsã zãgsame tɩ bãmb ka na n sak tɩ b tʋʋmã taoor dãmb soog-b ye.

Zeremi 10:22

Kelg-y bʋrg rãamde! A kolgdame! Bʋr-kãseng n yit tẽng ning sẽn be nug-rɩtgã. A tãb-biisã na n kɩtame tɩ Zʋʋda tẽmsã lebg raboodo, la we-baas gãas zĩisi.

Zeremi 25:9

mam na n kɩtame tɩ buud nins fãa sẽn be wĩntoog sẽn lʋɩtẽ dɩtgã, ne Babilond dĩm a Nebukatnedzaar sẽn yaa m tʋmtʋmdã, wa zab ne tẽn-kãngã nebã, la ne buud nins sẽn gũbg-a wã. Mam na n menesa bãmb n kɩt tɩ tẽngã lebg zĩ-vɩʋʋg wakat fãa yĩnga, tɩ neb sã n yãnd-a, bɩ b yɛɛs n fɩɩle.

Zeremi 4:29

Sɩyõ nebã sẽn wʋm saar-dãmbã ne tãb-tãoodbã rãamdã, b fãa zoeeme. B zoe n tɩ soonda tuudẽ, b zoe n tɩ rʋʋ pĩis zutu. Tẽmsã lebga vɩɩdo, ned ka leb n be b pʋsẽ ye.

Zeremi 6:22

Sẽn-Ka-Saab yetame: «Ade, neb n yit tẽng ning sẽn be rɩtgã n watẽ. Bu-kãseng n yit dũniyã kɩremsã n watẽ.

A Amoose 1:1

Woto yaa a Amoos koeese. Yẽnda yaa Tekoa tẽng rũm-gʋʋnd a yembre. Wẽnnaam vẽnega yẽnda ne bũmb toay-toay sẽn kẽed ne Israyɛll wɛɛngẽ, Zʋʋda rĩm a Oozɩyaas wakate, la a Zoaas biig a Zeroboaam sẽn yaa Israyɛll rĩmã wakate, yʋʋm a yiib sẽn deng tẽn-digimdgã.

A Amoose 3:6

Kũng na wẽ tẽng pʋgẽ tɩ neb pɛleng ka yɩke? Yel-beed tõe n paama tẽng tɩ Sẽn-Ka-Saab zɩ tiiri?

Zakari 6:6

Wed-mo-sablsã sẽn tɛt saar a yembrã yi n teesa nug-rɩtg tẽmsã sẽnẽ, tɩ wed-mo-peelsã yi n pʋgl bãmba. La wed-mo-pẽrem-pẽrmã yi n teesa nug-goabg tẽmsã sẽnẽ.

Zozuwe 15:63

Zʋʋda kambã ka tõog n dees Zebuus-rãmbã sẽn be Zeruzalɛmã tẽms ye. Dẽ, Zebuus-rãmbã kell n paa Zeruzalɛm ne Zʋʋda nebã hal tɩ ta rũndã.

Bʋ-kaoodba 1:21

A Benzame buudã ka tõog n dig Zebuus-rãmbã sẽn dag n be Zeruzalɛmã n deeg tẽngã ye. Dẽ kɩtame tɩ Zebuus-rãmbã kell n pa Zeruzalɛm ne a Benzame yagensã hal tɩ ta rũndã.