Zeremi 5:7 - WẼNNAAM SEBRE 2014

⁷ Sẽn-Ka-Saab yetame: «Zeruzalɛm nebã, bõn-kãng yĩng la m na n kõ-y sugr bɩ? Yãmb kambã basa maam, n wẽend ne bõn-zaals sẽn ka Wẽnnaam ye. Mam dag n kõo bãmb bũmb fãa tɩ seke, la bãmb baas n maana yoobo. Bãmb wẽdgda taab pʋg-yoaadb rotẽ.

SEBR SÕNGO

⁷ Zerizalɛɛm, m na n kõ-f-la sugr bõe yĩnga? Fo kamb basa maam, b wẽenda b wẽenego ne wẽnd sẽn ka wẽnd ye. M ka bas tɩ bũmb paoog-b ye, la b saa n yo-la b yoobo, Yooba zĩigẽ la b ra zoet n dengd taaba.

Zeremi 5:7 Iomraidhean Croise

2 Kibayã 13:9

La yãmb diga a Aarõ kom-dibli wã sẽn yaa maan-kʋʋdbã ne Leevi nebã, la y yãk neb n maan maan-kʋʋdb wa bu-zẽms a taabã. La ned ning fãa sẽn dag n tallda loalg ne pe-raad a yopoe n wa, lebgda wẽn-naan-bãmb maan-kʋʋdba, la b yaool n ka wẽnnaam-dãmb me ye.

A. Zoobe 31:12

Yell a woto dag n na n yɩẽ-la wa bugum sẽn na n sãam maam zãnga. La a rɩ m sẽn so wã fãa zãnga.

Yɩɩn‑sõamyã 50:18

Fo sã n yãnd wagdre, fo sũur nooma ne-a, la fo tɩ naaga yoaadba.

Zeremi 12:16

Bãmb sã n togs m nebã n maan wa bãmba, la b sã n wẽen ne maam a Sẽn-Ka-Saab sẽn vɩ wã yʋʋr wa b sẽn dag n zãms m nebã tɩ b wẽen ne Baallã, bãmb me na n paama zĩig m nebã sʋka.

Zeremi 13:27

Fo yoobã tʋʋmã ne f sẽn kaasd wa wed-raoog sẽn kelemd to-to n baood wed-yãangã, la f sẽn maand yoob n ningd f meng yãndã, mam yãnda bõn-kãens fãa gilli.» Mam yãnda f bõn-naands nins mam sẽn kisã tãmsã zutu, la wetã pʋse! Kayto! Zeruzalɛm, bõe yĩng tɩ f ka rat n yɩlg f meng ne f rẽgdã? Na n yɩ a woto n ta dabʋre?

Zeremi 16:11

Dẽ, bɩ f leok bãmb tɩ maam a Sẽn-Ka-Saab yetame: «Yaa yãmb yaab-rãmbã sẽn bas maam la b kɩɩs mam zãmsgã, n yaool n tũ bu-zẽms wẽnnaam-dãmb n wõgemd n waoog-bã yĩnga.

Zeremi 16:20

Ned tõe n maana a wẽnnaam-dãmb n kõ a menga, tɩ b yaool n ka sɩd wẽnnaam-dãmb bɩ?

Zeremi 2:11

Buud beeme n tek a wẽnnaam-dãmba, baa ne b sẽn ka wẽnnaam-dãmb sɩd-sɩdã? Mam nebã yẽ, bãmb dɩka waoogr ning mam sẽn kõ bãmbã n tek ne bũmb sẽn ka yõodo.

Zeremi 2:31

Yãmb a zamaan-kãngã nebã, kelg-y Sẽn-Ka-Saab goamã! Mam dag n yaa wa we-raoog ne Israyɛll bɩ? Bɩ tẽng sẽn yaa lik ne bãmba? Mam nebã, bõe yĩng tɩ yãmb yetẽ tɩ y rat n maana y yam, la y ka rat n lebg n wa mam nengẽ?

Zeremi 23:10

Bala, tẽngã pida ne yoaadba. Kãab-wẽngã kɩtame tɩ tẽngã be sũ-sãan-kãseng pʋga. Rũmsã wãbneg zĩis sẽn be we-raoogã pʋgẽ wã kʋɩɩme. Bãmb zoet n dabda wẽng maanego. Bãmb sũur keemame tɩ maan sẽn kis bala.

Zeremi 3:19

Mam dag n nongẽ lame n geelg yãmb n naag m kambã, n kõ-y tẽng sẽn tar bõn-sõamyã, tẽng sẽn yaa buud toay-toayã fãa tẽn-neere. Mam dag n tagsame tɩ y na n boolẽ-la maam tɩ y ba, n ka wẽnemd n bas maam ye.

Zeremi 3:8

Baa ne mam sẽn dig Israyɛll nebã b yoobã fãa yĩng n kõ-b basg sebrã, mam yãame tɩ Zʋʋda nebã sẽn yaa bãmb saam-biisã sẽn yaa zãmb dãmbã ka tol n zoe rabeem ye. Bãmb me kẽnga be n tɩ maan yoobo.

Zeremi 7:9

Rẽ yĩnga, yãmb tõeeme n zuud la y kʋʋda, la y yooda, la y wẽend zĩrẽ wẽenego, la y yõogd wisd n kõt wẽn-naandg a Baalle, la y waoogd bu-zẽms wẽnnaam-dãmb yãmb sẽn ka mi,

Zeremi 9:1

Mam nong n paamẽ-la sik zĩig we-raoogã pʋg wa so-toagdba, n bas m nebã n looge. Bala, b fãa yaa yoaadba, b fãa yaa zãmb dãmba.

Zeremi 9:2

Bãmb rõnega b zɛlmã wa tãpo, n yagd zĩrẽ. Bãmb sẽn tar pãng tẽngã pʋgẽ wã ka sɩd la b maand ye. Bãmb tʋʋmd yaa wẽng woo wẽng maanego, la bãmb ka mi maam ye. Maam a Sẽn-Ka-Saab n yeele.

Kʋʋr yɩɩla 3:42

Tõndo, tõnd wegmame n kɩɩs yãmba, la yãmb ka kõ tõnd sugr ye.

Ezekiyɛl 22:11

Rao fãa maanda yel-beed ne a to paga, rao fãa maanda yãn-tʋʋm n dẽgemd a bi-paga. Ned fãa yõgda a tão-poak sẽn yaa a baaba bi-puglã.

A Ooze 11:8

Efrayiim nebã, mam na n basa yãmb wãn-wãna? Israyɛll nebã, mam na n fãaga yãmb wãn-wãna? Mam na n maana yãmba. Mam sẽn maan Adma tẽngã nebã bɩ? Mam na n kɩtame tɩ yãmb yɩ wa Seboyim nebã bɩ? Mam yam leebdame. Mam nimbãan-zoeerã paasame.

A Ooze 13:6

Bãmb paama yamd zĩig n wãb n tɩge. Bãmb sẽn bãng tɩ b wãb n tɩgame, b wuka b mens n yĩm mam yelle.

A Ooze 4:2

Tẽngã pida ne kãab taab wẽnga, la zãmbo, ne nin-kʋʋre, la wagdem, ne yoobo, la maan taab pãnga. Wakat fãa yaa zɩɩm daagr woo zɩɩm daagre.

A Ooze 7:4

Bãmb fãa yaa yoaadba. Bãmb wẽnda wa wʋng bur-wẽed sẽn wɩnge, t'a sã n nag zomã n sɛ, a basdame n ka leb n tusd bugmã, hal tɩ zom-nagdgã wuki.

Maan‑kʋʋre 20:10

Ned sã n maan yoob ne pag sẽn tar sɩda, a sã n maan yoob ne a to paga, bɩ b kʋ pagã ne raoã sẽn yaa yoaadbã fãa.

A Amoose 8:14

Bãmb wẽenda ne Samaari wẽn-naan-yoogã n yetẽ: «Tõnd wẽenda ne f wẽn-naandg a Dan, la d wẽend ne Bɛɛrseba wẽn-naandgã!» La b na n lʋɩɩme n ka leb n yik abada ye

Sofoni 1:5

Mam na n menesa neb nins fãa sẽn dʋʋd rot zut n wõgemded n waoogd yĩngr ãdsã, la m menes neb nins sẽn wõgemded maam a Sẽn-Ka-Saab taoore, n yaool n wẽend ne tẽn-kugr a Milkom yʋʋrã.

Malasi 3:5

Saasẽ-Pãng-Soabã yetame: «Ade, mam na n wa y nengẽ, n wa kao y bʋʋdo. M na n yika tao-tao n mong nin-bãmbã bʋʋm: yaa bagbã, ne yoaadbã, la neb nins sẽn ka pidsd b pʋlengã, la sẽn zãmbd-b b tʋmtʋmdba, ne pʋg-kõap la kɩɩbse, la b maand sãamb pãnga, n ka zoet maamã.

1 Korẽnt rãmba 6:9

Yãmb zɩ tɩ neb nins sẽn maand sẽn ka zemsã ka na n paam Wẽnnaam soolem wa b rogem-pʋɩɩr la? Da belg-y y mens ye. Tʋʋm-dẽgd maandbã, wẽn-naands pʋʋsdbã, nin-yoaadbã,

1 Korẽnt rãmba 8:4

Sã n yaa ne maandã b sẽn kʋ wẽn-naandsã nemd wãbr yelle, tõnd miime tɩ wẽn-naandg ka be dũni ye, la tɩ Wẽnnaam a yembr bal n be.

Galat Rãmba 4:8

Pĩndã, yãmb dag n ka mi Wẽnnaam ye, la yãmb dag n sakda wẽnnaam-dãmb sẽn ka wẽnnaam-dãmb sɩd-sɩd ye.

Yaoolem 32:15

Israyɛll nobame n lebg tõata. Bãmb nobame n lebg bɛda. La bãmb basa Wẽnnaam sẽn yaa b naandã, n paoog pĩig ning sẽn fãagd bãmbã.

Yaoolem 32:21

Bãmb tũu sẽn ka Wẽnnaam, n kɩt tɩ sũ-kiir yõk maam. Bãmb yika mam sũur ne b bõn-naandse. Woto, mam na n kɩtame tɩ buud sẽn ka buud meng-meng sũ-kiir yõk bãmba. Mam na n kɩtame tɩ buud sẽn yaa yalem yik bãmb sũyã.

Ebre rãmba 13:4

Bɩ nebã fãa waoog kãadem, la bɩ ned ne a pag pĩir da zĩnd dẽgd ye. Bala, Wẽnnaam na n sɩbga raglem-dãmba la nin-yoaadbã.

Zake 4:4

Yãmb sẽn yaa nin-yoaadbã, yãmb ka mi tɩ dũni nonglem yaa beem ne Wẽnnaam la? Dẽ, ned sã n dat n yɩ dũni zoa, a yɩta Wẽnnaam bɛyã.

Zozuwe 23:7

la y ra naag buud a taabã sẽn ket n be ne yãmbã ye. Da sak-y n pʋd-y bãmb wẽnnaam-dãmbã yʋy y sʋka, la y ra saag n wẽen ne-ba, la y ra waoog-b ye. La y ra saag n wõgemd b wẽnnaam-dãmbã taoor ye.