Zeremi 5:6 - WẼNNAAM SEBRE 2014

⁶ Rẽ kɩtame tɩ bɛɛbã na n yi wa gɩgemd sẽn yi kãgrẽ n zab ne-ba, wa tẽn-nabd-koɛɛngẽ digd-n-yĩidga, n zendem bãmba. Bɛɛbã na n sora bãmb tẽmsã noy wa ãbga, n yõgd neb nins fãa sẽn yit-b beenẽ wã n zendemdẽ. Bala, bãmb beegrã yaa wʋsgo, la b kɩɩsgã tara yãngr bala.

SEBR SÕNGO

⁶ Yaa rẽ yĩnga la bõnyẽeg yit tʋgrẽ n yõgd-ba, yaa rẽ yĩng la digd-n-yĩidg tõsd-ba, tɩ ãbg wat n sor b tẽnsa noore, la a sɩɩgd sẽn yit-a fãa. Kato, b sẽn tar tõdgr la b sẽn tare, b zãmba ka be tɛk ye!

Zeremi 5:6 Iomraidhean Croise

2 Kibayã 36:14

La maan-kʋʋdbã taoor dãmbã ne tẽngã nebã fãa me maana sẽn ka zemse, bãmb maana yel-beed nins fãa buud a taabã sẽn maandã, n dẽgem Sẽn-Ka-Saab roogã b sẽn da welg toor Zeruzalɛmã.

Esdras 10:10

La maan-kʋʋd a Ɛsdraas yikame n yeel bãmb yaa: «Israyɛll nebã, yãmb sẽn pees bu-zẽmsã kom-pugli n maan y pagbã yaa yel-beedo. Yãmb kẽesa Israyɛll nebã beegr pʋg n paase.

Esdras 9:6

La mam pʋʋsa Wẽnnaam n yeel yaa: «Mam Wẽnnaam, yãnd n tar maam, yãndã tara maam tɩ m ka tol n tõe n zẽk m neng yãmb taoor ye. Tõnd yel-wẽnã yaa wʋsgo, tɩ b zãntlmã yɩɩd tõnd woglmã, tõnd beegrã zamame n tol n tat saasẽ.

A. Zoobe 10:16

La m sã n saag n zẽk m zugu, yãmb digda maam wa gɩgemde. Yãmb leb n maanda tʋʋm sẽn yɛɛsd maam.

Yɩɩn‑sõamyã 104:20

Yãmb n kɩtd tɩ lik beẽ, tɩ lebg yʋngo, tɩ we-rũmsã fãa yit n gõodẽ.

Yɩɩn‑sõamyã 80:13

Bõe yĩng tɩ yãmb wurg a yãgrã, tɩ so-loaadbã fãa kẽed n fãsd a bi-gĩnã?

A Ezayi 1:23

Fo nanambsã lebga kɩɩsdba, la b lebg wagda tũud-n-taase. Bãmb fãa nongame tɩ b kõt-b kũuni, la b zoet n pʋgd zãmb keoore. Bãmb ka kaood kɩɩb bʋʋd tɩrga, la pʋg-kõap yell gesg ka pak-b ye.

A Ezayi 59:12

Bala, tõnd beegrã yaa wʋsg yãmb taoore, la tõnd yel-wẽnã kõta kaset tɩ d ka zems ye. Tõnd beegrã bee ne tõndo, la tõnd mii d kongrã.

Zeremi 14:7

Sẽn-Ka-Saabo, tõnd kongrã sã n kɩt kaset tɩ tõnd ka tar bʋʋm, bɩ y maan y sẽn na n maanega, y yʋʋrã yĩnga. Tõnd kɩɩsgã yaa wʋsgo, tõnd beega yãmba.

Zeremi 2:15

Gɩgem-poal yik n teedga ne bãmb n kelemdẽ. Bãmb kelemdame tɩ b koees sãta. Bãmb wata ne sãoong b tẽngã pʋgẽ. Bãmb tẽmsã rɩɩ bugum tɩ ned ka leb n be b pʋsẽ ye.

Zeremi 2:17

Yel-kãngã sẽn paam yãmbã ka yãmb sẽn bas Sẽn-Ka-Saab sẽn yaa y Wẽnnaamã, wakat ning b sẽn yãag yãmb sorã zugã sɩda?

Zeremi 2:19

Bɩ wẽng ning y sẽn maanã rɩ-yã, la bɩ y sẽn bas maamã sɩbgr lʋɩ y zugu, tɩ y bãng tɩ yãmb sẽn bas maam a Sẽn-Ka-Saab sẽn yaa yãmb Wẽnnaam n ka leb n zoet maamã wata ne wẽng la toogo. Saasẽ-Pãng-Soabã n yeele.

Zeremi 2:31

Yãmb a zamaan-kãngã nebã, kelg-y Sẽn-Ka-Saab goamã! Mam dag n yaa wa we-raoog ne Israyɛll bɩ? Bɩ tẽng sẽn yaa lik ne bãmba? Mam nebã, bõe yĩng tɩ yãmb yetẽ tɩ y rat n maana y yam, la y ka rat n lebg n wa mam nengẽ?

Zeremi 25:38

Sẽn-Ka-Saab basa bãmb tẽngã, wa gɩgem-poll sẽn bas a gãag zĩiga. Bala, Sẽn-Ka-Saab sũ-yikrã sẽn wat ne sãoongã yĩnga, bãmb sũ-puug-kãsengã kɩtame tɩ b tẽngã lebg zĩ-vɩʋʋgo.»

Zeremi 30:14

Neb nins fãa sẽn dag n nong yãmbã yĩma y yelle, n ka leb n baood y zĩig ye. Bala, mam wẽe yãmb wa bɛ sẽn wẽed to-to wã. Mam sɩbga yãmb sɩbg-toaaga, yãmb kongrã sẽn waoogã yĩnga, yãmb yel-wẽnã sẽn yaa wʋsgã yĩnga.

Zeremi 30:15

Bõe yĩng tɩ y kelemd y sãmpogrã yĩnga? Bõe yĩng tɩ y kelemd y poglgã sẽn ka maagdã yĩnga? Mam maan-y-la woto, y kongrã sẽn waoogã yĩnga, y yel-wẽnã sẽn yaa wʋsgã yĩnga.

Zeremi 30:24

Sẽn-Ka-Saab sũurã ka na n sigi, tɩ b ka maan b sẽn datã, la b pids b saagrã ye. Wakatã sã n ta, yãmb na n wʋma bõn-kãng võore.»

Zeremi 4:7

Gɩgemd fão n yi a gãagẽ, sẽn sãamd-a soolem-dãmbã yi a zĩigẽ n watẽ. A na n sãama y tẽngã, a na n kɩtame tɩ y tẽmsã lebg raboodo. Ned ka na n tol n leb n zĩnd b pʋsẽ ye.› »

Zeremi 49:19

Mam na n waa wa gɩgemd sẽn yit Zʋrdẽ kʋɩlgã noor weoogã pʋgẽ, n dig Edom nebã tɩ b fão n yi n bas b tẽngã wakat-yɛng pʋgẽ. La mam na n kɩtame tɩ m sẽn yãk-a soabã soog Edom. Bala, ãnda soab n zem maam? Ãnda soab n tar noor ne maam? La na-bʋg n tõe n yals mam taoore?

Zeremi 8:5

La yaa bõe tɩ Zeruzalɛm nin-kãensã bas maam n kɩɩsd maam wakat fãa? Bãmb kẽngda taoor ne zãmbã maanego, bãmb ka sak n na n lebg n wa mam nengẽ ye.

Zeremi 8:7

Baa raong sẽn yɩgd yĩngrã mi a sẽn na n toeem tẽng wakate, la wall ne sɩlaall la kʋɩl-peosg me mi b sẽn tog n lebg wakat ninga. La mam nebã ka mi maam a Sẽn-Ka-Saab no-tũudsã ye.»

Kʋʋr yɩɩla 1:5

Yẽnda bɛɛbã tõog-a lame, a bɛɛba zĩi ne yam-gãnega. Bala, Sẽn-Ka-Saab kõo yẽnda sũ-sãanga, a beegrã sẽn yaa wʋsgã yĩnga, la bɛyã yiisa yẽnda kom-bãoonegã n kẽes yembd pʋga.

Ezekiyɛl 16:25

Fo mee f zĩ-zãonglsã sor fãa noore, n kɩt tɩ f neermã lebg yel-beedo, n dɩk f mengã n kõ so-loaad fãa, n kɩt tɩ f yoobã paam pãnga.

Ezekiyɛl 22:27

Yẽnda nanambsã bee a pʋg wa rigd-n-yĩids sẽn zendemd rũng b sẽn yõke. Bãmb daagda zɩɩm, b menesda nebã, sẽn na n yɩl n tõog n maan b wẽgbã.

Ezekiyɛl 23:19

Yẽnda yɩlma a koos-m-mengã n tẽeg a pʋg-sademdẽ koos-m-mengã a sẽn dag n maand Ezɩptã.

A Dãniyɛlle 7:4

Pipi rũngã ra wẽnda wa gɩgemde, la a rag n tara sɩlg pɩgsa. La mam sẽn ket n getẽ, mam yã b sẽn võ a pɩgsã. La b yik-a lame n yals yĩngr a naoã zutu, wa ninsaal sẽn yas to-to wã, la b kõo yẽnda ninsaal yam.

A Dãniyɛlle 7:6

Rẽ zugẽ, mam dag n getame, la mam yãnda rũng a to sẽn wẽnd ãbga, la a rag n tara pɩgs a naas sẽn yaa liuul pɩgs a poorã zugu, la rũn-kãng rag n tara zut a naase, la b kõ-a-la naam.

A Ooze 5:14

Bala, mam yaa wa gɩgemd Efrayiim nebã yĩnga, la wa gɩgem-poll Zʋʋda buudã yĩnga. Mam na n tɛɛ bãmb n gʋs la m looge, Mam na n yõka bãmb n tall n loog tɩ ned ka tõe n fãag bãmb ye.

Abakuk 1:8

Yẽnda wiidã zoees tʋʋlem yɩɩda ãbga, bãmb zabdame n yɩɩd zaab-noor kata. Bãmb wed-rʋʋdbã yita zĩ-zãrgẽ n fõt n watẽ, b yɩgda wa pa-nand-tugr sẽn fõt n wat n na n dɩk a rɩɩbo.

Sofoni 3:3

Bãmb nanambsã sẽn be b sʋkã wẽnda wa gɩgmã sẽn kelemde, la b bʋ-kaoodbã yaa wa zaabr rigd-n-yĩidsi, bãmb ka yõkd n wãb n kell beoog yĩng ye.

Sõadga 32:14

Tɩ yãmb me rat n dɩk y ba-rãmb naoore, n yɩ nin-kɩɩsdb kamb n kɩt tɩ Sẽn-Ka-Saab sũurã leb n puug ne Israyɛll nebã yɛs n yɩɩd pĩnda!

Vẽnegre 13:2

Rũngã mam sẽn yãndã rag n wẽndã wa ãbga, t'a naoã wẽnd rigd‑n‑yĩidg naoã, t'a noorã wẽnd wa gɩgemd noore. Wag‑bɛɛgã kõo rũngã a pãngã la a geerã la a pãn-tõogã.