Zeremi 5:5 - WẼNNAAM SEBRE 2014

⁵ Mam na n kẽnga nin-kãsemsã nengẽ, n tɩ gom ne-ba, bala, bãmb n mi Sẽn-Ka-Saab raabã, bãmb n mi b Wẽnnaamã tɩrlem bʋ-kaoorã. La bãmb fãa yaa a yembre: Bãmb kaoo yubl balgrã, bãmb kaoo loeesã, bãmb basa Wẽnnaam.

SEBR SÕNGO

⁵ Woto m yeelame tɩ m na n pẽnega são-sãood rãmba tɩ daare bãmb mii Soaala raabo, b mi Naaba-Wẽnda sẽn dat tɩ b modg n ta zĩig ninga, la kato, piig ka são a nu ye! Bãmb me kaoo bũmb ning fãa sẽn da loe-b ne b Wẽnde.

Zeremi 5:5 Iomraidhean Croise

2 Kibayã 36:14

La maan-kʋʋdbã taoor dãmbã ne tẽngã nebã fãa me maana sẽn ka zemse, bãmb maana yel-beed nins fãa buud a taabã sẽn maandã, n dẽgem Sẽn-Ka-Saab roogã b sẽn da welg toor Zeruzalɛmã.

Yikri 32:25

La a Moyiis sẽn yãnd tɩ nebã wegmame t'a Aarõ me kell n bas bãmb b wegengã pʋgẽ tɩ b lebg nin-faad b bɛɛbã sʋkã.

A Ezayi 1:23

Fo nanambsã lebga kɩɩsdba, la b lebg wagda tũud-n-taase. Bãmb fãa nongame tɩ b kõt-b kũuni, la b zoet n pʋgd zãmb keoore. Bãmb ka kaood kɩɩb bʋʋd tɩrga, la pʋg-kõap yell gesg ka pak-b ye.

Zeremi 2:20

Yãmb zẽkda y zug ne maam hal daar zãra, n yetẽ tɩ y ka leb n dat yembdã ye. Kũnkub-bɛdã zut ne tɩɩsã tẽngre, yãmb pɛɛlma wa pʋg-yoodre.

Zeremi 2:31

Yãmb a zamaan-kãngã nebã, kelg-y Sẽn-Ka-Saab goamã! Mam dag n yaa wa we-raoog ne Israyɛll bɩ? Bɩ tẽng sẽn yaa lik ne bãmba? Mam nebã, bõe yĩng tɩ yãmb yetẽ tɩ y rat n maana y yam, la y ka rat n lebg n wa mam nengẽ?

Zeremi 30:14

Neb nins fãa sẽn dag n nong yãmbã yĩma y yelle, n ka leb n baood y zĩig ye. Bala, mam wẽe yãmb wa bɛ sẽn wẽed to-to wã. Mam sɩbga yãmb sɩbg-toaaga, yãmb kongrã sẽn waoogã yĩnga, yãmb yel-wẽnã sẽn yaa wʋsgã yĩnga.

Zeremi 6:13

Bala, kom-bãoonegã ne nin-kẽembã fãa baooda b mens nafr bala. No-rɛɛsdbã ne maan-kʋʋdbã fãa yagda zĩrẽ.

Zeremi 8:7

Baa raong sẽn yɩgd yĩngrã mi a sẽn na n toeem tẽng wakate, la wall ne sɩlaall la kʋɩl-peosg me mi b sẽn tog n lebg wakat ninga. La mam nebã ka mi maam a Sẽn-Ka-Saab no-tũudsã ye.»

Zeremi 9:3

Bɩ ned kam fãa gũus a meng ne a to, la bɩ ned ra leb n tẽ a saam-biis me ye. Bala, neb maanda zãmb n belgd b saam-biisi, la zoa kãnegda neb ne taaba.

Ezekiyɛl 11:2

Sɩɩgã yeela maam yaa: «Ninsaala, yaa nin-bãmbã la sẽn set sed-wẽnsã, la b saagd saag-wẽns tẽn-kãngã pʋgã.»

A Amoose 4:1

Samaari pagbã sẽn nob wa Basan nag-wubdsã, n be Samaari tãngã zugã, Kelg-y-yã! Yãmb namsda ka-pãens rãmbã, la y maand nimbãan-dãmbã pãnga, la y yet y sɩdbã tɩ b tall n wa tɩ y yũ.

A Amoose 6:1

Sẽn vɩ-b Sɩyõ tẽngã pʋg ne bãanã na n paama toogo! Sẽn be-b Samaari tãngã zug tɩ b sũur keemẽ wã, ne tẽn-kãsengã nin-kãsems Israyɛll nebã sẽn kẽnd-b rãmb nengẽ wã na n paama toogo!

A Miise 3:11

Zeruzalɛm nanambsã reegda kũun n yaool n kao bʋʋdo. Bãmb maan-kʋʋdbã zãmsda nebã n deegd yaoodo, la b no-rɛɛsdbã togsda pĩnd-n-bãngr goamã n deegd wanzuri. Bãmb yaool n tika Sẽn-Ka-Saab n yetẽ yaa: «Sẽn-Ka-Saab sẽn be tõnd sʋkã yĩnga, yel-beed kõn tol n paam-d ye.»

Malasi 2:7

Bãngr bee maan-kʋʋdã noorẽ. Bala, yaa yẽnda nengẽ la nebã na n wa sok n bãng tõogã sẽn tog n tũ to-to, a sẽn yaa Saasẽ-Pãng-Soabã no-rɛɛsã yĩnga.

A Luk Sõng 18:24

A Zeezi sẽn yã [t'a sũurã sãama wʋsgã], b yeelame: Ad na n yɩɩ toog ne neb nins sẽn tar arzegsã tɩ kẽ Wẽnnaam soolmẽ.

A Luk Sõng 19:14

La a soolmã nebã rag n kisa yẽnda, la b tʋma neb tɩ b pʋgl-a n tɩ yeel yaa: ‹Tõnd ka rat tɩ rao-kãngã soog tõnd ye.›