Zeremi 5:3 - WẼNNAAM SEBRE 2014

³ Sẽn-Ka-Saabo, rẽ yĩnga, ka pʋ-peelem dãmb la yãmb baood sɩda? Yãmb wẽ-b lame la ka zab bãmb ye. Yãmb dag n dat n sãam-b lame, la b ka sak n deeg remsg ye. Bãmb kenga b nens n yɩɩg pĩig kugri. Bãmb ka sak n na n lebg n wa yãmb nengẽ ye.

SEBR SÕNGO

³ Soaala-Wẽnde, yaa bõe la y gũuda? Yaa y neba ra bas yãmb pʋgbo. Yãmb sɩbgd-b lame la b ka yɛɛsd ye. Yãmb sɛɛsd-b-la a yeyn-ye la b baas n zãgsda y kelgre. B kʋɩɩsa b nens wa pĩig kugri, b ka rat n lɛɛg n wa kẽ yãmb ye.

Zeremi 5:3 Iomraidhean Croise

Sɩngrẽ 19:34

La vẽkembeoogo, bi-pugl-kãsmã yeela a yao-bi-puglã yaa: «Yʋngẽ, mam kẽe ne m baaba. Wa tɩ d leb n yũnug-b rãam yʋngã tɩ fo kẽng n tɩ kẽ ne-ba, sẽn na yɩl tɩ d ba wã paam yagense.»

1 Rĩm-dãmbã 13:33

Bõn-kãensã fãa zugẽ, a Zeroboaam kell n ka wẽnemd n bas wẽngã maaneg ye. Yẽnda leb n yãka nin-zaals Israyɛll nebã sʋka, n kɩt tɩ b lebg maan-kʋʋdb maoong kʋʋb zĩisẽ wã. Ned ning fãa sẽn dag n dat-a n yɩ maan-kʋʋda, yẽnda yãkd-a lame n kɩt t'a lebg maan-kʋʋda.

2 Rĩm-dãmba 1:13

Rĩm a Akaazɩya leb n tʋma tãb-biis pis-nu naab a to naoor a tãabẽ soaba, la yẽnda me tãb-biis pis-nu wã tũ-a lame. Tãb-biis naab a tãabẽ soabã kẽngame, la yẽnda sẽn ta, a yĩgimda a rũmã zug a Eli taoore, n yõk-a sɛɛg n yeele: «Wẽnnaam daoa, mam kot-y lame tɩ y zoe maam ne neb pis-nu-kãensã nimbãanega, la y ra kʋ-d ye!

2 Kibayã 16:9

Bala, Sẽn-Ka-Saab geta dũniyã fãa gilli, n na n sõng neb nins sẽn nong bãmb ne b sũyã fãa wã. Yel-kãngã pʋgẽ, fo maana yalemdo, yaa rẽ n kɩt tɩ sẽn sɩng ne moasã, fo na n paama zaba.»

2 Kibayã 28:22

La yẽnda sẽn wa n be toogã pʋgã, a kell n maana sẽn ka zems n beeg ne Sẽn-Ka-Saab n paase.

Yɩɩn‑sõamyã 51:6

Mam beega yãmb y yembr bala. Mam maana sẽn yaa wẽng yãmb nifẽ. Dẽ wã, yãmb yaa tɩrg y goamã pʋgẽ. Yãmb bʋʋdã kaoob zemsa zãnga.

Yɩɩn‑sõamyã 51:8

La bũmb ning sẽn noom yãmba, yaa sɩd sẽn be ninsaal sũ-zulungẽ. Kɩt-y tɩ m paam yam m sũ-zulungẽ wã.

Yɩɩn‑sõamyã 55:20

Wẽnnaam ning sẽn zao b geerã hal kʋdem-wẽndẽ wã na n wʋmame n ning-b yãnde. Bala, bãmb yaa neb sẽn ka tekde, la b ka zoet Wẽnnaam ye.

Yelbũna 21:29

Nin-wẽng maanda gãndaalem la nin-tɩrg manegda a soay tɩ yaa sõma.

Yelbũna 22:12

Sẽn-Ka-Saab kogenda bãngre, la bãmb sãamda zãmb dãmbã goamã.

Yelbũna 23:35

Yẽnda bee beenẽ n yetẽ: «B wẽe maam, la ka zab-m ye. B pãba maam, la m ka bãng ye. Mam na n neka wakat-bʋgo? M sã n neke, m na n leb n yũume!»

Yelbũna 27:22

Ba b sã n naag yalem ne bɩle n to teoogẽ, b ka na n tõog t'a yalemdã yi n bas-a ye.

A Ezayi 26:11

Sẽn-Ka-Saabo, yãmb nugã zãntame hal tɩ bãmb ka ne-a ye. Bãmb na n yãnda yãmb sẽn tar nonglem-kãseng ning y nebã yĩngã, tɩ bõn-kãng yãnd yõk-ba. Woto, bugum n na n dɩ yãmb bɛɛbã.

A Ezayi 42:25

Rẽ kɩtame tɩ Sẽn-Ka-Saab sik b sũ-puugrã Israyɛll nebã zugu, la b tʋm zabr bãmb yĩnga. Zabrã widga zĩig fãa tɩ bãmb ka wʋmd a võor ye. A sãama bãmba, la bãmb ka bao yam ye.

A Ezayi 48:4

Mam miime tɩ yãmb yaa sũ-keglem dãmba, n miẽ tɩ yãmb yublã yaa kɛgeng wa kutu, la y rĩyã yaa wa zũudu.

A Ezayi 9:13

Dẽ, daar a yembr pʋgẽ, Sẽn-Ka-Saab na n fiuuga Israyɛll zugã, la b kʋʋg a zʋʋrã, b na n kʋʋga koangã willi, la b kʋʋg tãnwiigã.

Zeremi 15:7

Mam yelgda bãmb tẽn-kãngã rignoyẽ wã mam kʋʋ bãmb kambã, mam menesa m nebã, la bãmb ka tek yam ye.

Zeremi 17:23

Yãmb yaab-rãmbã ka kelge, b ka kɩll b tʋbr n kelg ye. Bãmb loba b nens kɛɛng n ka rat n wʋm la b sak remsg ye.

Zeremi 19:15

Ad Saasẽ-Pãng-Soabã sẽn yaa Israyɛll Wẽnnaamã sẽn yeta: Mam na n kɩtame tɩ mam sẽn gom toog ning yellã paam tẽn-kãngã ne a tẽn-kɩremsã fãa. Bala, bãmb nebã kɩɩsa maam n ka reeg m goamã ye.

Zeremi 2:30

Mam sẽn sɩbg yãmb kambã yaa zaalem bala. Yãmb ka sak n tũ m demsgã ye. Yãmb kʋʋ no-rɛɛsdb nins mam sẽn dag n tʋm yãmb nengẽ wã, wa gɩgem-toaag sẽn kʋʋd to-to wã.

Zeremi 3:3

Yaa woto n kɩt tɩ saag ka ni sigri, la sẽoog me ye. La baoosgo, yãmb nensã yaa wa pʋg-yoodr nenga. Yãnd ka tar yãmb ye.

Zeremi 32:19

Yãmb saagrã yaa kãsemse, la y tʋʋm-kãsemsã tara ra-sãnde. Yãmb puka y nin n get ninsaalbã fãa, la y ronda ned kam fãa wa sẽn zems a yel-manesem, la wa sẽn zems a tʋʋmã biisi.

Zeremi 35:13

Saasẽ-Pãng-Soabã sẽn yaa Israyɛll Wẽnnaamã yetame: «Kẽng n tɩ yeel Zʋʋda ne Zeruzalɛm nebã tɩ maam a Sẽn-Ka-Saab sokdame yaa: Yaa bõe tɩ yãmb ka sakd mam demsgã, la y ka kelgd mam goamã?»

Zeremi 44:10

Hal tɩ ta rũndã, bãmb ka sãam b sũuri, b ka maan dabeem, la b ka sak tõodã ne noy nins mam sẽn kõ yãmb ne y yaab-rãmbã ye.

Zeremi 7:26

La bãmb ka sak n kelg ye, bãmb yẽda b tʋba. Bãmb kenga b sũur n maan sẽn yaa wẽng n yɩɩd b yaab-rãmbã.

Zeremi 7:28

Dẽ, bɩ f yeel-ba: «Bu-kãngã ka sak n kelg maam a Sẽn-Ka-Saab sẽn yaa bãmb Wẽnnaamã, la b reeg m demsgã ye. Sɩdã ka leb n be ye, bãmb noy ka leb n togsd sɩd ye.»

Zeremi 8:5

La yaa bõe tɩ Zeruzalɛm nin-kãensã bas maam n kɩɩsd maam wakat fãa? Bãmb kẽngda taoor ne zãmbã maanego, bãmb ka sak n na n lebg n wa mam nengẽ ye.

Ezekiyɛl 2:4

Mam tʋmda foom nin-bãmbã sẽn yaa sũ-keglem dãmb ne nin-tõtsã nengẽ tɩ f tɩ yeel-b tɩ yaa Zu-soab a Sẽn-Ka-Saab n gomde.

Ezekiyɛl 24:13

Zeruzalɛm, fo rẽgdã pʋga, yãn-tʋʋm n be beenẽ. Mam dag n dat n yɩlga foom, la fo sẽn kell n ka lebg yɩlemdã, fo kõn leb n paam f rẽgdã yɩlgre, hal tɩ mam wa sik m sũ-puugrã fo zugu.

A Dãniyɛlle 9:13

Tõ-kãensã fãa paama tõnd wa sẽn gʋls Wẽnnaam tʋmtʋmd a Moyiis tõodã sebr pʋgẽ wã, la tõnd ka kos Sẽn-Ka-Saab tɩ b sik sũur ne-d ye. Tõnd ka wẽnemd n bas d yel-wẽnã, n tẽ tɩ yãmb sɩd na n maana wa y sẽn yeelã ye.

Maan‑kʋʋre 26:23

La baa ne woto fãa, tɩ yãmb sã n ka sak tɩ mam dems yãmba, la yãmb sã n kɩɩs maam,

A Amoose 4:10

Mam kɩtame tɩ bã-loangdg yõk yãmba, wa m sẽn dag n kɩt t'a yõk Ezɩpt nebã. Mam kɩtame tɩ y kom-bɩɩsã pa tãp pʋgẽ, la m kɩt tɩ b rees y wiidã. Mam kɩtame tɩ neb nins sẽn ki yãmb tãb-sikẽ wã yũug zẽk n ta yãmba. La ne rẽ fãa, yãmb ka lebg n wa mam nengẽ ye. Yaa Sẽn-Ka-Saab n yeele.

A Amoose 4:11

Mam sãama yãmba, wa m sẽn dag n sãam Sodom ne Gomoorã, la yãmb yɩɩ wa raoog b sẽn yiis bugmẽ La ne rẽ fãa, yãmb ka lebg n wa mam nengẽ ye. Yaa Sẽn-Ka-Saab n yeele.

A Amoose 4:6

Ad bũmb nins mam sẽn kõ yãmba: Yãmb tẽmsã fãa pʋse, rɩɩb ka be y sẽn na ning y noorẽ ye, rɩɩb ka be zĩig ba a yembr ye. La ne rẽ fãa, yãmb ka lebg n wa mam nengẽ ye. Yaa Sẽn-Ka-Saab n yeele.

A Amoose 4:8

Tẽms a yiib wall a tãab neb yeebdame, n dabd tẽng a yembr pʋgẽ, n na n bao koom n yũ, la b lebg n waa ne ko-yũudu. La ne rẽ fãa, yãmb ka lebg n wa mam nengẽ ye. Yaa Sẽn-Ka-Saab n yeele.

A Amoose 4:9

Mam kɩtame tɩ wãoong ne gãnem sãam y koodã, la m kɩt tɩ zũnzũy sãam y zẽedã ne y reezẽ tɩɩs pʋtã, la y kankamã ne y oliiv tɩɩsã. La ne rẽ fãa, yãmb ka lebg n wa mam nengẽ ye. Yaa Sẽn-Ka-Saab n yeele.

Sofoni 3:7

Mam dag n yetame tɩ Zeruzalɛm nebã na n zoeẽ-la maam, la b sak m demsgã, woto, mam dag n kõn menesẽ-b ye. La wakat fãa mam sã n sɩbg-ba, b ket n kẽngda taoor ne tʋʋm-wẽnsã maanego.»

Rom Dãmba 2:2

Sɩd me, tõnd miime tɩ Wẽnnaam bʋ-kaoorã neb nins sẽn maand a woto wã yĩng tũuda sɩda.

Ebre rãmba 12:9

Tõnd sẽn paam yĩng ba-rãmb tɩ b ra sɩbgd tõnd tɩ tõnd waoog-bã, tõnd ka tog n sak d sɩɩs ba wã n yɩɩda, tɩ d tõe n paam vɩɩm?