Zeremi 5:2 - WẼNNAAM SEBRE 2014

² Baa bãmb sã n yeele: «D wẽenda ne Sẽn-Ka-Saab sẽn vɩ wã yʋʋre,» yaa zĩrẽ-be-wẽeneg la bãmb wẽenda.

SEBR SÕNGO

² Ad-y tẽnga rãmb sã n wẽenẽ la b yet woto: «M wẽend ne Soaala-Wẽnd, Vɩɩm Naaba,» b wẽena Soaala yʋʋr zaalem.

Zeremi 5:2 Iomraidhean Croise

A Ezayi 48:1

A Zakoob buudu, kelg-y-yã, yãmb yʋʋr sẽn yaa Israyɛllã, la yãmb sẽn yaa Zʋʋda yagensã, yãmb maanda yẽesem ne rẽndã. Yãmb wẽenda ne Sẽn-Ka-Saab yʋʋre, la y boond Israyɛll Wẽnnaamã, tɩ yaool n ka ne sɩda la zemsg ye!

Zeremi 4:2

yãmb sã n wẽen ne maam a Sẽn-Ka-Saab sẽn vɩ wã yʋʋr ne sɩd la tɩrlem ne zemsgo, buud a taabã na n kosa maam tɩ m ning-b barka, la b na n pẽga maam.»

Zeremi 44:26

Woto yĩnga, yãmb dãmb fãa sẽn yaa Zʋʋda neb n be Ezɩptã, kelg-y Sẽn-Ka-Saab koɛɛgã! Maam a Sẽn-Ka-Saab yetame: «Mam wẽenda ne m mengã yʋ-kãsengã, tɩ Zʋʋda ned ba a yembr kõn tol n leb n pʋd mam yʋʋrã ye. Ezɩpt tẽngã gill fãa pʋga, ned ba a yembr ka na n leb n wẽen ne Zu-soabã Sẽn-Ka-Saab sẽn vɩ wã yʋʋr ye!

Zeremi 7:9

Rẽ yĩnga, yãmb tõeeme n zuud la y kʋʋda, la y yooda, la y wẽend zĩrẽ wẽenego, la y yõogd wisd n kõt wẽn-naandg a Baalle, la y waoogd bu-zẽms wẽnnaam-dãmb yãmb sẽn ka mi,

Zeremi 9:2

Bãmb rõnega b zɛlmã wa tãpo, n yagd zĩrẽ. Bãmb sẽn tar pãng tẽngã pʋgẽ wã ka sɩd la b maand ye. Bãmb tʋʋmd yaa wẽng woo wẽng maanego, la bãmb ka mi maam ye. Maam a Sẽn-Ka-Saab n yeele.

A Ooze 10:4

Bãmb wẽeda nokoɛɛma, n wẽend zĩrẽ-be-wẽenego, la b maand kaoola. Sɩbgrã na n yii wa tɩɩg sẽn tar zẽnem sẽn yit pʋt vũgsẽ.

A Ooze 4:15

Israyɛll nebã, yãmb basa maam wa pag sẽn bas a sɩd n kẽng yoobo. La bɩ Zʋʋda nebã ra maan wa yãmba, n kong bʋʋm ye. Da kẽng-y Gilgall ye, ra kẽng-y Bet-Avɛn ye, la ra wẽen-y ne Sẽn-Ka-Saab sẽn vɩ wã yʋʋr ye!

Maan‑kʋʋre 19:12

Bɩ y ra wẽen zĩrẽ wẽeneg ne mam yʋʋr ye. Bala, y sã n maan woto, y paoogda mam yʋʋrã. Mam yaa Sẽn-Ka-Saabo.

Sofoni 1:5

Mam na n menesa neb nins fãa sẽn dʋʋd rot zut n wõgemded n waoogd yĩngr ãdsã, la m menes neb nins sẽn wõgemded maam a Sẽn-Ka-Saab taoore, n yaool n wẽend ne tẽn-kugr a Milkom yʋʋrã.

Malasi 3:5

Saasẽ-Pãng-Soabã yetame: «Ade, mam na n wa y nengẽ, n wa kao y bʋʋdo. M na n yika tao-tao n mong nin-bãmbã bʋʋm: yaa bagbã, ne yoaadbã, la neb nins sẽn ka pidsd b pʋlengã, la sẽn zãmbd-b b tʋmtʋmdba, ne pʋg-kõap la kɩɩbse, la b maand sãamb pãnga, n ka zoet maamã.

1 Tɩmote 1:10

la yĩng ratem yembse, la raop bɩ pagb sẽn gãe taaba, la yemb-koaasdba, la zĩrẽ yagdba, la zĩrẽ kaset rãmba, la bũmb nins a taab sẽn kɩɩsd koe-sõngã maandbã yĩnga.

2 Tɩmote 3:5

B na n maanda wa b sakda Wẽnnaam, la b yaool n na n kɩɩsa sakrã pãnga. Zãag f meng ne nin-bãmbã.

A Titi 1:16

B yetame tɩ b mii Wẽnnaam la b kɩɩsda Wẽnnaam ne b mensã tʋʋmã, bãmb yaa wẽns tɩ looge, la kɩɩsdba la neb sẽn ka tol n tõe n maan tʋʋm sõng ye.