Zeremi 5:10 - WẼNNAAM SEBRE 2014

¹⁰ Rʋ-y b lalsã n kẽ n sãam b reezẽ tɩɩsã pʋto, la y ra sãam-b zãng ye. Kɛ-y b wilã, bala, bãmb ka maam a Sẽn-Ka-Saab rẽnd ye.

SEBR SÕNGO

¹⁰ Bɩ b kɛ a bugsuntundã sẽn lolemd tãnga, n kẽ a pʋgẽ n kɛ fãa n dʋʋge, n kees bala bũmb sẽn pa zem fɩ; bɩ b võ tobendã tɩ m pa so bãmb ye.

Zeremi 5:10 Iomraidhean Croise

2 Kibayã 12:4

Yẽnda zab n deega Zʋʋda tẽms nins sẽn tar-b lalsã, la a sãag n ta Zeruzalɛm.

2 Kibayã 36:17

Woto, Sẽn-Ka-Saab kɩtame tɩ Kalde naabã wa zab ne bãmba, n kʋ b kom-bɩɩsã ne zabr sʋʋs b Wẽnd doogẽ wã, bãmb ka bas bi-ribl bɩ bi-pugla, wall nin-kẽem bɩ ned sẽn tar zoob peend ye. A bas-b-la fãa a nugẽ.

Zeremi 2:21

Mam dag n sela yãmb tɩ y yaa wa reezẽ tɩ-sõngo, la wa tɩɩg sẽn yaa sõama hal wʋsgo. La maana a wãn tɩ yãmb tek n lebg wa reezẽ tɩɩg sẽn ka leb n yaa sõama?

Zeremi 25:9

mam na n kɩtame tɩ buud nins fãa sẽn be wĩntoog sẽn lʋɩtẽ dɩtgã, ne Babilond dĩm a Nebukatnedzaar sẽn yaa m tʋmtʋmdã, wa zab ne tẽn-kãngã nebã, la ne buud nins sẽn gũbg-a wã. Mam na n menesa bãmb n kɩt tɩ tẽngã lebg zĩ-vɩʋʋg wakat fãa yĩnga, tɩ neb sã n yãnd-a, bɩ b yɛɛs n fɩɩle.

Zeremi 30:11

Bala, mam bee ne yãmba, n na n fãag-yã. Mam na n sãama buud nins fãa mam sẽn dig yãmb tɩ y sãeeg n be b sʋkã, la m ka na n sãam yãmb ye. M na n demsa yãmb ne tɩrlem, m ka na n bas-y taal n ka sɩbg-y ye. Maam a Sẽn-Ka-Saab n yeele.»

Zeremi 39:8

Kalde nebã ninga na-yirã ne nebã rot bugum, la b lub lals nins sẽn gũbg Zeruzalɛmã.

Zeremi 4:27

Ade, Sẽn-Ka-Saab yetame yaa: «Tẽngã fãa na n lebga raboogo, la m yaool n ka na n sãam-a zãng ye.

Zeremi 46:28

Foom a Zakoob sẽn yaa mam tʋmtʋmdã, da zoe rabeem ye! Bala, mam bee ne foom. Mam na n menesa buud nins fãa mam sẽn dag n dig yãmb tɩ y tɩ zĩnd b sʋkã, la sã n yaa ne foom, mam ka na n sãam-f ye. La baoosgo, mam n na n demsa foom wa sẽn zemse. Mam ka na n bas foom taal ye. Maam a Sẽn-Ka-Saab n yeele

Zeremi 5:11

Bala, Israyɛll ne Zʋʋda nebã, zãmba maam zãnga.» Maam a Sẽn-Ka-Saab n yeele.

Zeremi 5:18

La maam a Sẽn-Ka-Saab yetame tɩ baa ne wakat-kãnga, m ka na n sãam-y zãng ye.

Zeremi 5:9

Maam a Sẽn-Ka-Saab yetame: «Mam ka tog n sɩbg neb a woto buud sɩda? Mam ka tog n dok m sũur ne buud a woto sɩda?

Ezekiyɛl 12:16

La mam na n basa bãmb neb kẽer bãmb sʋkã sẽn na n põs zabr sʋʋg ne kom la bãn-longdsã, tɩ bãmb tõe n togs yel-beed nins bãmb sẽn maan bu-zẽms nins bãmb sẽn na n kẽngã sʋka. Woto, bãmb na bãng tɩ mam yaa Sẽn-Ka-Saabo.»

Ezekiyɛl 14:17

Bãmb sã n kɩt tɩ zabr sʋʋg kẽ tẽngã, bɩ mam sã n yeel tɩ zabr sʋʋg gilg tẽngã, wall mam sã n menes ninsaalbã ne rũmsã,

A Ooze 1:9

La Sẽn-Ka-Saab yeela yẽnda yaa: «Pʋd a yʋʋr t'a Lo-Ami, Sẽn dat n togs tɩ ka m neb ye. Bala, yãmb ka mam neba, la mam me ka baa fɩ yãmb yĩng ye.»

A Amoose 9:8

Maam a Zu-soab a Wẽnnaam geta yel-wẽn-maandbã soolem. M na n kɩtame t'a menem dũniyã zugu, la m ka na n sãam a Zakoob roogã zãng ye. Maam a Sẽn-Ka-Saab n yeele.

A Matiye Sõng 22:7

Rĩmã sũur yikame t'a tʋm a tãb-biisã tɩ b tɩ sãam nin-kʋʋdb kãense, la b yõog b tẽngã bugum.