Zeremi 49:3 - WẼNNAAM SEBRE 2014

³ Hɛsbõ nebã, wiis-y tɩ Ayi sãamame! Raba kom-pugli, kelm-y-yã! Sẽgen-y bot n yãb-a, la y yeeb goabg la rɩtgo! Bala b yõka bãmb dĩmã ne a maan-kʋʋdbã la a nanambsã, n dabd yembdo.

SEBR SÕNGO

³ Esbõ rãmba, kelem-y kʋʋre tɩ bala Ayi wãame! Raba kom-pugli, kũm-y yã! Yeelg-y sũ-pa-noang futu yõk-y kũmkũma, vɛɛs-y goabg la rɩtgo. Wẽn-naand a Milkom tʋk n dabda pa-weere, yẽ ne a maan-kʋʋdba la a na-komse.

Zeremi 49:3 Iomraidhean Croise

2 Sãmwɛlle 11:1

Yʋʋm-vẽkrã sẽn zems wakat ning rĩm-dãmbã sẽn yit n kẽnd zabã, a Davɩɩd tʋma a Zoaab ne a tãb-biisã nanambs a taabã, ne Israyɛll tãb-biisã tɩ b tɩ sãam Amo nebã, la b tɩ zab ne Raba sẽn yaa b na-tẽngã. La a Davɩɩd meng paa Zeruzalɛm.

1 Rĩm-dãmbã 11:33

Bala, bãmb basa maam n waoog Sɩdõ nebã wẽn-naan-poak a Astarte, ne Moaab nebã wẽn-naandg a Kemoose, ne Amo nebã wẽn-naandg a Milkom. La bãmb ka sak n tũ maam, n kẽn wa sẽn zemsd mam tõodã ne m noyã, wa a Salmo ba a Davɩɩd sẽn dag n kẽn to-to wã, n maan sẽn yaa tɩrg mam nifẽ ye.

1 Rĩm-dãmbã 11:5

Yẽnda tũu Sɩdõ nebã wẽn-naan-poak a Astarte, la a pʋʋs Amo-rãmbã wẽn-naan-yoog a Milkom.

2 Rĩm-dãmba 23:13

Rĩm a Zoziyaas sãama maoong kʋʋb zĩis nins sẽn dag n be oliiv tɩɩs tãngã goabg n teesd Zeruzalɛmã. Yaa rĩm a Salmo n dag n me tẽn-kug-bãmb Sɩdõ nebã wẽn-naan-wẽng a Astarte ne Moaab nebã wẽn-naan-yoog a Kemoos yĩnga, la Amo-rãmbã yel-beed a Milkom yĩnga.

Esdras 2:28

La neb nins sẽn yit Betɛll ne Ayi wã sõor yaa neb kobsi la pisi la a tãabo.

A Ezayi 13:6

Yãb-y n wiis-yã, bala, Sẽn-Ka-Saab daarã kolgame. Ra-kãng wata wa sãoong sẽn yit Sẽn-Tõe-Fãa wã nengẽ.

A Ezayi 14:31

Rig-noore, kelme! Tẽnga, yãb n wiisi! Filistẽ-dãmbã fãa, rig-y-yã! Bala, bug-zõos n yɩt n watẽ, la ned kõn serg n bas a zĩig ye.

A Ezayi 15:2

B rabda pʋʋsg roogẽ wã ne Dibõ, la b kẽnd maoong kʋʋb zĩisẽ wã n na n tɩ yãbe. Moaab yãbd n wiisda Nebo tẽngã, ne Medba tẽngã yĩnga. Zutã fãa põngame, la toeemsã fãa wõrsame.

A Ezayi 16:7

Rẽ n kɩt tɩ Moaab nebã wiisd b mensã yĩnga, bãmb ned kam fãa wiisdame. Yãmb sidgda Kɩɩr-Haresɛt sẽn lebg raboodã yĩnga, n maand sũ-sãan-kãsenga.

A Ezayi 23:1

Sɩbgr koɛɛg Tɩɩr tẽngã yĩnga. Tarsɩɩs koom kogendo, yãb-y n wiis-y-yã, bala, b sãama y tẽngã! Rot ka leb n beẽ ye! Kõom zĩig ka leb n beẽ ye! Bãmb sẽn wa n yi Sɩpr n watẽ wã la b wilg bãmb bõn-kãense.

A Ezayi 23:6

Pɩʋʋg-y n kẽng-y Tarsɩɩse. Koomã sʋk tẽms nebã, yãb-y n wiis-y-yã.

Zeremi 4:8

Woto yĩnga, bɩ y sẽgen bot n yãb n wiisi! Bala, Sẽn-Ka-Saab sũur ket n puuda ne tõnd n ka basdẽ ye.

Zeremi 46:25

Saasẽ-Pãng-Soabã sẽn yaa Israyɛll Wẽnnaamã yetame: Ade, mam na n sɩbga Amon sẽn be No wã nebã, ne Faarõ, la Ezɩpt nebã ne b wẽnnaam-dãmbã la b rĩm-dãmbã. Mam na n na n sɩbga Faarõ ne neb nins fãa sẽn teeg yẽnda wã.

Zeremi 48:2

Moaab ziirã sɛɛme! Neb bee Hɛsbõ n segend n na n wa maan-a wẽnga. Wa-y tɩ d kɩt tɩ Moaab menem buud a taabã sʋka! Madmen tẽng nebã, zabr sʋʋg na n kɩtame tɩ b ka leb n wʋm yãmb me rãamd ye. B rigda yãmb ne zabr sʋʋga.

Zeremi 48:20

Yãnd tara Moaab nebã: B pɛleng yɩkame. Kaas-y-yã, kelm-y-yã! Kẽng-y Arno kʋɩlgã noore, n moon n yeel tɩ Moaab sãamame!

Zeremi 48:37

Bãmb ned kam fãa põnga a zug ne a toɛɛnga, la a bog a nusi, la a sẽgen boto.

Zeremi 48:7

Bala, yãmb sẽn dɩk y teegrã n teeg y tʋʋmã ne y arzegsã yĩnga, b na n zab n tõoga yãmb me, la b na n talla wẽn-naandg a Kemoos ne a maan-kʋʋdbã la a nanambsã, n kẽng yembdo.

Zeremi 49:1

Sẽn kẽed ne Amo nebã wɛɛngẽ: Sẽn-Ka-Saab yetame: Israyɛll nebã ka tar kom-dibli la? Bãmb ka tar kom-dibli sẽn na n wa soog b tẽngã la? La yaa bõe tɩ wẽnnaam a Milkom reeg Gaad buudã tẽng n sooge, t'a nebã soog Gaad tẽmsã?

Zeremi 51:8

La tao-tao bala, Babilond lʋɩɩme, a wãa zãnga! Yãb-y-yã a yĩnga, bao-y kaam n sõog a poglgã, tɩ daarninga, a na sãooge.

Zeremi 6:26

Mam nebã, sẽgen-y boto, la y bilim tompeglmẽ. Yãb-y ne sũ-sãang wa ned sẽn yãbd a bi-yɛng kũum. Yãb-y n wiis-y-yã, bala, sãamdã watame, a na n wa linga tõnd n zab ne-do.»

A Amoose 1:15

B na n yõga Amo nebã rĩm ne a nanambsã n tɩ kẽes yembdo. Yaa Sẽn-Ka-Saab n yeele.

Sofoni 1:5

Mam na n menesa neb nins fãa sẽn dʋʋd rot zut n wõgemded n waoogd yĩngr ãdsã, la m menes neb nins sẽn wõgemded maam a Sẽn-Ka-Saab taoore, n yaool n wẽend ne tẽn-kugr a Milkom yʋʋrã.

Zake 5:1

Moasã, mam gomda ne yãmba, arzegsã rãmba! Wɩsg-y y meng n yãbe, tood nins sẽn na n wa yãmb zutã yĩnga!

Zozuwe 7:2

A Zozoe zĩnda Zeeriko n tʋm neb tɩ b kẽng Ayi sẽn pẽ ne Bɛt Avɛn sẽn be Betɛll tẽngã yaangã. A yeel-b lame yaa: «Kẽng-y n tɩ soos-y n ges-y tẽngã.» La bãmb kẽng n tɩ gesa Ayi,

Zozuwe 8:1

Sẽn-Ka-Saab yeela a Zozoe yaa: «Da zoe rabeem ye, la ra yɛɛs ye. Peeg f tãb-biisã fãa, n yik n kẽng n tɩ zab ne Ayi. Gese, mam dɩka Ayi rĩmã ne a nebã, la a tẽngã ne a soolmã n ning fo nugẽ.

Zozuwe 8:28

A Zozoe yõoga Ayi tẽngã bugum n kɩt t'a lebg raboog hal tɩ ta rũndã.